Une soirée à Bandundu, par Claude Clo-Clo

Bonjour,

un commentaire vient d'être posté par Claude Clo-clo sur l'article Izeidi Faugus donne sa version sur l'usage de la batterie,

Extrait du commentaire:

Bonjour aux Mbokatiers,

Kombo na nga Claude, bazalaki kobenga nga Cloclo, Claudette, Claudine, Kodida, Kodi. Tangu namoni intervention ya Vieux Faugus Izeidi, yango nde etindi nga nakoma, po na se rappeler na voyage
moko nasalaka na bateau Gombari, ezalaki ligne ya Kinshasa-Kikwit. Apres guerre ya Shaba, president Mobutu alobaki ba vote esalama na Zaire, lokola nga nazalaki muasi ya Commandant ya masuwa,
nabandaki zemi sika pe ezalaki zemi na nga ya liboso, nga na Capitaine tozalaki na difference ya environ 20 ans, nazalaki na 18 ans, nazalaki kobenga mobali na nga VIEUX ndenge batu nionso
bazalaki kobenga ye. Eloko na remarkaki Vieux akomaki mua jaloux mingi, lokola nakomaki na zemi, Vieux asengaki na nga nakende na ye na voyage ya mbala oyo, Kinshasa-Kikwit aller-retour par
bateau Gombari. Tangu tokomaki na niveau ya Kwamouth, bateau ebandaki kozua ba probleme mecanique, na Mushie panne yango eye lisusu makasi, eye kosala ete tokoma na ville ya Bandundu
(baningville) na pokwa au lieu na tongo suite na ba retard po na panne.

Bandundu ezali port ya monene, esika basalaki reparation ya bateau, alors commandant ya port alobaki masuwa ekolala na Bandundu, ekolongua lobi na tongo. Vieux alobi na nga Rochereau na Mungulu
Diaka bazali na Bandundu po na propagande ya vote, soki nalingi tokende na ye na dancing-club "Le Bagata" ezali ya camarade na ye bakola esika moko, azali leki ya vieux na bango Roger, lokola
Rochereau na Mungulu Diaka bazali na Bandundu, bakozangisa te koya kuna na Le Bagata, puisque mokolo ya bar wana pe azali ndeko ya Rochereau.

Nayoki ndenge vieux alobaki, puis nayebisi ye ekozala malamu nakende na concert oyo Rochereau akobeta na cadre ya propagande ya Mungulu Diaka, vieux aboyi te, kasi asali semblant lokola azalaki
na deception, mais en realite asepelaki na choix na nga, puisque akozala libre, vieux apesi nga batu misato ya mosala ya Onatra, bazalaki ba jeunes entre 20 a 25 ans, tokende na bango na concert
ya Afrisa. Naboyaki kokende na dancing Le Bagata, puisque vieux alobaki Mungulu Diaka pe peut-etre akozala kuna, po na nga ezalaki lokola ye moko president Mobutu motu akozala kuna, donc nakozala
a l'aise te.

Nga na ba jeunes oyo ya Onatra tokeyi epayi concert ya Afrisa ezalaki, ezalaki ya ofele (gratuit) batu bazalaki ebele moyen te, tangu bayoki ete nga nazali muasi ya Capitaine ya masuwa, balekisi
biso tii na liboso en face ya ba musiciens, bapesi nga kiti, na tangu batu ya Afrisa bakati miziki bapemi, namoni musicien moko ya Afrisa, mbamba sele-sele na mutu moko ya Onatra oyo tobimaki na
bango, liboso Afrisa ezongela kobeta lisusu, ye moko vieux Rochereau aye kopesa nga mbote, alobi yo ozali muasi ya Capitaine (vieux) atangi kombo ya mobali na nga, vieux Rochereau alobi mobali na
nga azali ami na ye batangaki na ye pe bakola na ye esika moko, puis vieux Rochereau apesi biso ba casiers ya Skol mibale. Ezalaki mbala ya liboso pe mbala ya suka na vie na nga namona Rochereau
pe Mungulu Diaka pe napesa bango mbote na maboko, nazalaki komona bango kaka na TV. Vieux Rochereau aye koloba na micro, bakosilisa concert na 22 heures, puisque bazali na tournee, bakokende
butu-butu tii na Bagata na ba mboka misusu na nzela ya makolo.

Botala kaka 22 heures nazonga na bateau, Bandundu molili, muinda ya bala-bala ezali te, soki ezali kasi ezali kopela te, sikoyo nayebi Mungulu Diaka akozala na "Le Bagata" te, lokola batu ya
Onatra bayebi Bandundu malamu, bayebisi nga Bandundu ezali monene te, le Bagata pe ezali na yango mosika te na esika wana tozalaki na concert, alors moko na bango nzokande akendeki ko prevenir
mokonzi na bango ke biso tozali koya, tangu azongi natuni ye soki azalaki wapi, alobi azalaki kosolola na bandeko na ye.

Tangu miziki ya Afrisa esili vieux Rochereau alobi na nga napesa Frere na ye Capitaine mbote mingi, tosimbi nzela tokeyi na Le Bagata, epayi nakutanaki na vieux Faugus Izeidi pe atiaki nga a
l'aise, surtout tangu Vieux Faugus alobaki na Capitaine : "mon frere ozali na muasi ya kitoko boye, oyo owuti na ye na Lipopo, en tout cas nga pe, il faut nasala makasi nazonga na Leo, maloba oyo
etambuisaki nga moto, tangu tozongi na bateau, mobali na nga alobi na nga, omoni nayebisaka yo nini, nga nazali muana ya Lipopo nayebana, ba Sakombi Inongo bazali bango nionso ba camarade na nga
ya bomuana, tangu ba vote esilaki, mokolo mosusu Vieux (mobali na nga) ayebisi nga alobi, oyebi Vieux na yo Faugus Izeidi ba voter ye Commissaire de Zone kuna na Bandundu, malheureusement
nasalaki lisusu voyage mosusu te na Bandundu po nakende ko feliciter ye vieux Faugus, nawutaki kobota, nakomi mama na muana pe rideau ya ndako.

Naboyi kotanga kombo ya Capitaine, kasi ba references oyo napesi nabanzi Vieux Faugus Izeidi a ko se souvenir na Ami na ye pe na nga Claude.

Claude

#rétro