Lisolo ya Albert Ndele na Jules Sambwa

Conseil Monétaire, par Mwena et l'African Fiesta.

Notre chroniqueur Emmanuel Kandolo a publié dernièrement sur Congo 2000 un intéressant portrait de deux personnalités ayant dirigé la Banque Nationale , en l'occurrence Albert Ndele et Jules Sambwa. Vu l'importance de cette institution dans notre pays, nous avons jugé opportun de diffuser la copie de cet article qu'il avait réservée à Mbokamosika.

ALBERT NDELE

Ndeko Sekula,

Na mituna otunaki ngai sur lisolo ya Ndele na Sambwa mpe na oyo etali Banque du Peuple na Palais de marbre, nakomeka koyanola yo, sauf na cas ya Banque du Peuple mpo kuna ndeko Binza akopesa yo biyano. Lelo, nakoyanola na mituna mitali Albert Ndele na Palais de marbre (na époque ya Ndele). Lobi, ndenayanoli na maye matali Sambwa.
Albert Ndele (Ndele Bamu) azali originaire ya village Tende na secteur ya Mateba na district ya Bas Fleuve. Abotami le, 15 août 1930 na Boma. Na 1954 akoti université na faculté ya sciences économiques mpe asilisi na 1958. Déjà, en tant qu’étudiant, azalaki proche na ABAKO. Sima ya wana, na 1959, akeyi na Belgique ko continuer ba études na ye na sciences économiques ya université catholique ya Louvain. Kuna nde ayaki koponama mpo na misala mia Table ronde économique ya Bruxelles wuta mokolo mua 06 avril tee na 16 mai 1960. Kobanda wana, Ndele abandaki lisusu kolanda nzela ya kelasi te.
Tango gouvernement Lumumba esalemi, akomi, Chef ya cabinet ya Ministre ya Finances, Pascal Nkayi (ABAKO), kobanda 30 juin 1960 tee na 12 septembre 1960. Tango Colonel Mobutu asali premier coup d’Etat militaire na ye le, 14 septembre 1960, mokolo mua 19 septembre 1960, Ndele akomi Vice-Président ya Collège ya ba Commissaires Généraux mpe Commissaire na Finances et Questions monétaires (vice-Premier Ministre et Ministre) tee na janvier 1961. Wuta le, 03 octobre 1960, Président Kasa Vubu a signaki décret ya mbotana ya Conseil monétaire. Yango ezali mokitani ya oyo ebandaki kobengama Banque Centrale du Congo Belge et du Ruanda-Urundi.(B.C.C.B.R.U.). Décret iye esakolaki création ya Banque Nationale du Congo (B.N.C.) na trois mois ezali koya liboso. Ndele nde abandaki ko piloter misala minso wana na qualite na ye ya Commissaire ya Finances na Questions monétaires.

Pour rappel, Banque Centrale du Congo Belge et du Rwanda-Urundi (B.C.C.B.R.U.) esalemi ya décret royal ya 30 juillet 1951 en tant qu’Association ya droit public. Capital social na yango ezalaki ya 150.000.000 francs belges. Ekomi opérationnelle mokolo mua 1er juillet 1952. Wuta mbotama na yango, B.C.C.B.R.U. ezalaki na mokumba ya Institut d'Emission, banquier na caissier ya l'Etat mpe na autorité ya contrôle ya secteur bancaire. Tee lelo oyo, ezali kaka bongo.
Décret-loi ya 23 février 1961 eboti Banque Nationale du Congo mpe eye kokoma effectif mokolo mua 22 juin 1964 sima ya bitumba ya Katanga. Le, 24 février 1961, Président Kasa Vubu a nommer Ndele, Gouverneur ya Banque Nationale ya Congo mpe Président ya Conseil d’administration ya Institut d’Emission
Na bilembo bia ye na Banque Nationale, Ndele a piloter reforme monétaire ya 24 juin 1967.mpe atiki elembo na scandale financier oyo ye moko azalaki acteur principal en collaboration na ba administrateurs ya So.Co.Banque. Akomi Ministre ya Finances mokolo mua 15 septembre 1970. Tango alongue wana le, 12 novembre 1970 suite na arrestation na likambo oyo eyebanaki na kombo ya Affaire Ndele-So.Co.Banque, esengelaki asala face na justice mpe azalaki condamner.

Scandale financier ya liboso na R.D.Congo, ewutaki malheureusement na So.Co.Banque. Wuta wana nde affaire Ndele na So.Co.Banque engindaki.
Gouverneur ya Banque Nationale du Congo (B.N.C), Albert Ndele, atiaki en place organisation ya système financier oyo ebandaki ko fonctionner na compte fictif n° 205. Compte yango ebandaki ko favoriser évasion fiscale pour le compte ya ba administrateurs ya So.Co.Banque. Tango ba banquiers honnêtes ya Banque Nationale du Congo ba découvrir pot aux roses ya vaste trafic ya ba devises étrangères oyo ebandaki kosalema na compte wana, dont ba bénéficiaires bazalaki Ndele na ba Administrateurs ya So.Co.Banque, Président Mobutu a réagir boye : Apesi Ndele nomination en tant que Ministre d’Etat chargé ya Finances, le 15 septembre 1970. Azalaki Gouverneur ya Banque national du Congo wuta le, 23 février 1961. Tango alongue wana, Jules-Fontaine Sambwa nde a remplacer ye. Sambwa nde ayaki kopanza garde ya compte wana mpe kolakisa polele mayuya Ndele abandaki kosala na ba Administrateurs ya So.Co.Banque. Banda wana nde, Président ayaki kolongola Ndele, Ministre d’Etat chargé ya Finances, mokolo mua 12 novembre 1970. Donc, sima ya deux mois kaka asalaki na gouvernement.

Fraude na évasion fiscale ezalaki ya solo, sans aune manipulation politique. Mayuya wana ebandaki ko permettre ba Administrateurs ya So.Co.Banque en complicité mpe na couverture ya Gouverneur ya Banque Nationale du Congo ye moko, ba changer ba zaïres monnaie en devises étrangères na taux ya change inférieur par rapport na oyo Banque Nationale du Congo ekataki : 1Z = 2$ U.S. = 100F.B. wuta réforme monétaire ya juin 1967 oyo eyaki ko privilégier transfère ya ba ressources ya l’Etat na ba secteurs productifs na perspective ya ko créer ba conditions favorables na relance ya exportation mpe na augmentation ya ba investissements. Réforme oyo, yango nde eyaki ko rétablir kolimuisa ba nzela na ba circuits nionso ya spéculation. Ba résultats emonanaki na rapidement.

Be efforts oyo ezalaki saboter na implantation ya circuit parallèle ya change oyo Ndele na batu ya So.Co.Banque batiyaki en place. Ba zaïres ekomaki ko se changer na moins ya 100F.B. Soki basali change wana, babandaki kofutama na chèque payable na banque belge na parité officielle. Opération oyo nionso ezali illégale mpe hors ya marché officiel ndenge Banque Nationale du Congo ebandaki ko souhaiter. Mayuya wana, yango lisusu Gouverneur ya Banque Nationale du Congo abandaki kosomba ba devises na marché noir na taux ya fluctuation oyo ezalaki na fourchette ya 93F.B. kokita tee na 73F.B. pendant que na circuit officiel, esengelaki ezala 100F.B. Oyo nionso elzakisami na justice.

Batu wana bazalaki na difficulté makasi ya ko se défendre mpe ba reconnaissaki kobunga na bango. D’ailleurs, batikala kosenga révision ya procès te tango batu misusu batelemaki mpo na kosenga révisions ya ba faux procès oyo esalema na ekolo na biso mpo ezalaki clair que mayuya esalemaki mpe ezalaki makasi. Wana, justice ya solo esalemaki.
Soki mutu alingi ko vérifier masolo, adresses yango oyo :

Banque centrale du Congo « B.C.C. » (Ex-Banque Nationale du Congo « B.N.C. », Ex-Banque du Zaïre « BA.ZA. »)

563, Boulevard Colonel Tshiatshi

Commune de la Gombe

B.P. 2627 Kinshasa I

République Démocratique du Congo

Fax: 8844889

Tél: .1220690

Banque Congolaise de Commerce Extérieur « B.C.C.E. » (Ex-Societe Congolaise de Banque « So.Co.Banque. », Ex-Banque du Peuple « B.D.P. », Ex-Banque Zaïroise de Commerce Extérieur « B.Z.C.E. »)

Siège social : 1, boulevard du 30-Juin

Commune de la Gombe

B.P. 400, Kinshasa I
Tél. : 21161 tee na 21165.

Télex : 21202, 21108 na 21398

(Nayebi te soki ba lignes ya téléphone wana ezali kaka tee lelo oyo).

Le, 15 septembre 1970, Procureur général, Joseph-Alidor Kabeya, alobi que ba accusations ezali ya fraude ya 2.000.000. F.B. (deux millions ya francs belges) mpe na ba transactions illégales. Entre le 16 na 18 novembre 1970, Procureur Kabeya, akangi Administrateur délégué ya So.Co.Banque, Jean-Pierre de Cuyper na onze Administrateurs na ba cadres misusu. Na kati wana, baleka mpe William Damseaux (oyo azali lelo oyo Président ya Orgaman na R.D.Congo).

Le, 13 mars 1971, kabambi na procès esalemi mpe ba condamner bango banso. Ba contester jugement na Cour suprême. Le, 30 juillet 1971, Cour suprême e confirmer jugement ya Cour d’appel ya Kinshasa oyo ekatelaki So.Co.Banque efuta 4.900.000 $ U.S. na l’Etat. E confirmer mpe lisusu dissolution ya Conseil d’administration mpe kokangema ya ba Administrateurs banso, mise sous scellés ya So.Co.Banque. Banque Nationale du Congo eyaki ko suppléer Conseil d’administration ya So.Co.Banque. Ndele mpe azalaki condamner lourdement.

Soki totali malamu, wuta Congo ekoma lipanda, ba Kongo (mingi, batu ya ABAKO) nde basimbaki ba Finances ya l’Etat na qualité ya Ministre ya Finances : Pascal Nkayi, Albert Ndele, Pacal Nkayi (mbala ya mibale) , Arthur Pinzi, Emmanuel Bamba, Dominique Ndinga, Jean Joseph Litho (Equateur), Paul Mushiete (Kinshasa « mu Teke »), Thomas Luango Louis Namwisi, baye balekaki wana avant Ndele azuama na likambo ya scandale ya So.Co.Banque. Na Banque du Zaïre, Gouverneur azalaki mu Kongo mpe poste ya vice-Gouverneur ebandaki ko exister te. Nungu nungu eyaki kokota kati na batu ya Equateur na ba Kongo. Tango Ndele alongue, Jules-Fontaine Sambwa akomi Gouverneur mpe Jean N’Sele, vice-Gouverneur ya Banque du Zaïre. Bango banso babale batu ya Equateur. Tango Ndele alongue na ministère ya Finances, Louis Namuisi azongi lisusu na ebonga wana. Président alukaki a maintenir mua équilibre « géopolitique » wana. C’est la raison pour laquelle ba Kongo mosusu ya Ex-So.Co.Banque batikalaki kuna na Banque du Peuple mpe batu mosusu ya Equateur bakendeki na Banque du Zaïre.

Sima ya wana, na bénéfice ya grâce présidentielle, prétextant ba raisons ya santé, a profitaki mpo akima Zaïre, akende na exil na étranger. Kuna na Belgique esika abandaki kokanisa que akofanda kimia, ayaki lisusu ko kende kosamba na jardinier na ye na makambo ya mbongo. Au fait, Ndele abandaki kobimisa likonda na mayuya mpe kotiya yango na compte ya jardinier na ye ya mundele oyo asimbelaka ye jardin na ye ya lopango na ye ya Belgique. Tango mundele wana ayoki kaka que Ndele azali na mobulu na Kinshasa mpe bakangi ye na affaire ya mayuya na Socobanque, ye akeyi na banque na Belgique kobimisa mbongo na compte oyo Ndele abandaki kotiya mbongo na kombo na ye jardinier. Abenda likonda nionso mpe aliya coin. Tango Ndele asambi na Kinshasa, asali boloko mpe Président alimbisi ye, sima na yango ayaki kokima mpe akeyi mikili. Esika ye akomaki, akanisaki likonda oyo abandaki kobimisa na mayuya mpe kobuaka na compte ya jardinier na ye, ezali kaka kozela ye tee tango akoya kosakana na yango. Waya !!! Jardinier abendaka na likonda nionso, montant ya 150.000.000 ya Francs belges. Ndele afundi likambo na justice kasi moyen a prouver que mbongo ezali ya ye ezali te mpo abandaki ko garder ba traces te mpo ezalaki ya mayuya. Même soki azalaki na ba traces, akokaki kobimisa yango te mpo Trésor public zaïrois eko réclamer ye yango mpe Président Mobutu alingaki lisusu a compliquer ye, déjà awutaki kobima na kambami ya likambo ya mayuya na So.Co.Banque. Mundele aloba que Ndele abandaki kosala ye ba sakada mpo a promettaki ye que soki azali kosala mosala malamu, akokomisa ye riche mpo ye azali gouverneur ya Banque nationale ya Congo. Neti preuves ezalaki te que likonda wana ezali ya Ndele, jardinier atikala na yango libela. Ndele asimba mutu, akenda kofanda na Etats-Unis. Akomaki ngonga moko na Paris, ngonga mosusu na Arlington Virginie (si je ne me trompe pas). Likolo ya likambo wana nde na ba années 70 que ba jardiniers ya mindele bakomaki koluka misala epayi ya batu muindu avec espoir que ba kokoma ba riches ndenge Ndele akomisaki jardinier na ye !!!
Na Kinshasa, Président Mobutu a continuaki koluka moyen ya kofutisa Ndele masumu ndenge akimaki Zaïre mpe na lolenge akomaki kosala ba déclarations ya opposition na régime na ye. Le, 1er septembre 1975, jugement na procès ya coup monté et manqué (procès des conspirateurs) esalemi. Parmi ba condamnes à mort, Ndele Bamu (akomaki Ndele Bamu suite na authenticité esalemaki le, 27 octobre 1971) mpe azali na kati.

Sima ya b ambula, na mokolo mua, 18 octobre 1979 presse nationale e rendre public lolenge Président a gracier bango na ordonnance-loi n° 79-238 ya 13 octobre 1979. Avant wana, Conseil de guerre ya ville de Kinshasa oyo esambisaki ba prévenus, e condamner bango tee na kobotola ba biens na bango nionso. A partir ya wana nde Ndele na batu nionso wana bayaki ko perdre biloko na bango nionso na R.D.Congo na ndenge ordonnance-loi n° 76-016 ya 11 juin 1976 ekataki.
Tango Président Mobutu akomi Maréchal le, 19 mai 1983, asalaki discours na boulevard du 30 juin na ntina na cérémonie iye. Na kati alobaki que apesi amnistie na ba zaïrois nionso oyo bazali condamner pour les raisons politiques mpe na ba oyo bakima Zaïre mpo bazali contre pouvoir na ye.

A signer ordonnance-loi n°83-007 du 21 mai 1983 portant amnistie générale concernant tous les Zaïrois. Kasi mpo mutu a bénéficier na yango, esengeli azonga Zaïre avant le, 30 juin 1983 na minuit. Suite na yango nde Ndele Bamu azongaki na Zaïre. Tango azongi, sima ya mikolo, création ya Gécamines commerciale esalemi le, 02 novembre 1984 mpe ba bombarder ye P.D.G. Sima ya wana, ayaki lisusu kozua ebonga ya Ministre. Wuta chute ya régime ya Mobutu, Ndele akota na opposition. Akendeki na dialogue inter congolais ya Sun City. Actuellement azali actif na secteur banquier international na Kinshasa.

Terrain esika Palais de marbre etongama epesamaki en compensation na Banque Nationale ya Congo mpo villa ya Gouverneur, esika Premier Directeur ya B.C.C.B.R.U., Hector-Jules Martin, afandaki, yango nde ekomaki occuper na Colonel Mobutu na camp paracommandos ya Binza (camps Tshiatshi). Banque mpe etongani na villa na nzinga nzinga wana. Ndele atongisi Palais de marbre tango azalaki Gouverneur ya Banque Nationale du Congo. Architecte na yango ezali semeki na ye, Fernand Davier (Fernand Talangai Elima). Ye azali frère ya épouse ya Ndele, Marie Davier (Marie Talangai Ndele), na secondes nonces.

Palais de marbre eyaki kokoma résidence officielle ya ba paya ya Président Mobutu tango Ndele akimaki Zaïre na 1973. Neti yango etongamaki na mbongo ya Banque du Zaïre, ezali ko faire partie ya patrimoine privé ya Ndele te. Yango wana na combat na ye ya ko récupérer biloko na ye babotola, Palais de marbre ezalaka na kati te mpo etongama na concession ya Banque du Zaïre mpe na mbongo ya Banque du Zaïre. Yango ekoma Domaine ya Palais de marbre.

Ndele a publia mikanda mibale oyo :

NDELE, Albert, Perspectives actuelles de l'économie congolaise, Bruxelles, Société Royale d'Economie Politique de Belgique, 1968.

NDELE, Albert, Politique économique et financière au Congo : deux conférences, Hambourg, Schäuble Verlag, 1969.

..................................................................................................................................

So.Co.Banque en bref

Baron Léon Lambert ye moko nde asalaki Société congolaise de banque (Socobanque) le, 24 décembre 1947 na capital ya 100.000.000. F.B. So.Co.Banque ezali filiale ya Banque Lambert. Président na yango na ebandeli ezalaka Baron Moens de Fernig. So.Co.Banque ezalaka na ba actionnaires minene lokola banquier Allard.

Société commerciale de banque (SO.CO.BANQUE) te, future Banque du Peuple (B.D.P.), Banque Zaïroise de Commerce Extérieur (B.Z.C.E.), Banque Congolaise du Commerce Extérieur (B.C.C.E.)

So.Co.Banque eyaka kokoma Banque du Peuple na 1972. Wuta wana nde eyaki kokoma Banque ya portefeuille de l’Etat mpe ezalaka na important réseau na 23 agences. Lelo ekoma na faillite mpe ba investisseurs bazali lisusu ko s’intéresser na yango te. Efanda na cessation de paiement mbula na mbula tee na ndenge eya kokoma sous tutelle administrative ya Banque Centrale du Congo (Ex-banque du Zaïre), na ba passifs ebele ya ko liquider, absence ya fonds propre, portefeuille ya crédit emuangana, fonds de roulement négatif, mpe na makambo ebele ya ko ajuster. Patrimoine immobilier na yango ezali wana, kasi dans quel état ? Ba ye bakotisi yango na état oyo mpe bakueyisi yango, bazali wana lisusu te !!!

Patriotiquement,

Emmanuel Kandolo

JULES SAMBWA

Ndeko Sekula,

Nazongeli yo lisusu na suite na mituna otunaki ngai mpe lelo nakobetela yo eteni ya lisolo lya Sambwa.

Jules-Fontaine Sambwa Pida Nbagui.Abotami mokolo mua 12 novembre 1940 na Mbandaka. Azali muana ekanga mpe akoli na Mbandaka. Kuna nde asali ba kelasi na ye primaire na secondaire na Groupe Scolaire ya Mbandaka. Sima ya wana, akeyi kotanga na Belgique, na université ya Bruxelles na faculté ya sciences économiques na 1962 mpe asilisi kuna na 1967. Azwi licence mpe na Diplôme d’Etude supérieure (D.E.S.), diplôme ya troisième cycle. Tango azongi na R.D.Congo, akomi chercheur na université ya Lovanium mpe azui ebonga ya Conseiller principal chargé des problèmes économiques, financiers et commerciaux, mokolo mua 7 octobre 1967. Sima ya mikolo zomi na mibale, azui ebonga ya Administrateur mpe kunzi ya Economat du Peuple (ECO.P.) mokolo mua 27 octobre 1967, date ya création ya yango. Economat du Peuple ezalaki na mission ko commercialiser ba produits agricoles ya milieu rural (produit de première nécessité) na instauration ya ba greniers populaires mpo na ko stoker mpe ko collectionner ba produits agricoles.

Pendant que azalaki kaka Administrateur ya Economat du Peuple, azuaki nomination en tant que membre ya Conseil ya Banque Nationale du Congo mokolo mua 4 mai 1968. Sima ya wana, ayaki kokoma Directeur adjoint ya Bureau ya Président ya République na mokolo mua 8 mai 1969. Ordonnance n°70-001 ya 09 juillet 1970 autorisant la fondation d’une société par actions à responsabilité limitée dénommée « Société Congolaise de Financement et Développement » en abrégé (SO.CO.FI.), esalemi. Sambwa akomi Administrateur mpe kunzi ya liboso ya SO.CO.FI. (Future SO.FI.DE.)

Sima ya sanza mibale, azui nomination ya Gouverneur ya Banque nationale du Congo (B.N.C.) mokolo mua 15 septembre 1970 akomi Gouverneur ya Banque Nationale du Congo mpe Président ya Conseil d’Administration ya Institut d’Emission. Awumelaki wana tee na 10 août 1977. Wuta septembre 1977 tee na septembre 1979 azongeli à plein temps kotangisa cours ya Economie Monétaire internationale na université de Kinshasa en qualité ya Chef de travaux. Banda kala azalaki kotangisa mpe atikalaki attacher na UNI.KIN. Na mars 1979 azui lisusu nomination na qualité ya Directeur adjoint ya Bureau ya Président ya République. Na août 1980, akomi lisusu mpo na mbala ya mibale Gouverneur ya Banque Nationale du Congo mpe Président ya Conseil d’Administration ya Institut d’Emission tee na le, 12 avril 1985.

Na même date, ayaki kozua nomination ya sika na poste ya Commissaire d’Etat (Ministre) na économie nationale mpe industrie. Le 15 juillet 1985, akomii Commissaire d’Etat na Plan. Na septembre 1987 azui ebonga ya vice-Premier Commissaire d’Etat (vice-Premier Ministre) chargé des secteurs économique et financier : Economie nationale et Industrie, Finances et Budget, Plan, Agriculture, Mines et Energie, Portefeuille, Transport et Communication, Commerce extérieur, na Développement rural.

Le, 7 mars 1988 akomi Premier Commissaire d’Etat (Premier Ministre). Afandaki na ebonga wana tee na mokolo mua 26 novembre 1988. Na meme date, aye kokoma Président ya Cour de Compte. Alongue wana na janvier 1990. Na mokolo mua 9 avril 1993, azui nomination na qualité ya Ministre ya Finances ya gouvernement Tshisekedi.

Sambwa atika mokili wuta le, 4 mars 1998. Sima na ye, buku ye akomaki, esilaki kobima (In mémoriam Jules-Fontaine Sambwa).

Sambwa J.-F., Programmes d’ajustement structurel ou une nouvelle stratégie de développement économique pour l’Afrique, Bruxelles, SNEL S.A., 2001

Parmi bana na ye, apesa moko, kombo ya adjoint na ye, vice-Gouverneur, Joseph N’Sele.

Oyo ezalaki eteni ya trajectoire ya Sambwa. Tokozongela yango lisusu mbala ya sima na Mboka mosika.

Patriotiquement,

Emmanuel Kandolo

#rétro