MOMENE , YA GROUPE YA ANIMATION KAKE

MOMENE ,MOKO YA BAKELI YA GROUPE YA ANIMATION KAKE

MOMENE NA KATI YA KINSHASA YE AFANDAKA NA ZONE YA BARUMBU, AZALI MOKO YA BAKELI YA GROUPE YA ANIMATION KAKE. NA EBANDELI , GROUPE KAKE EZALAKA KOSALA BA REPETIONS ELONGO NA BA MUSICIENS YA LINGOMBA BISENGO YA MADIATA NA BARUMBU BALA BALA KILOSA NA NDAKO YA MEYI MADIATA PENE PENE YA WENZE YA LIBULU.NA EBANDELI BAZALAKA MINGI TE, NABANZI 15 TO PE 20, BASI PE MIBALI. KASI BINO MOKO BOYEBI NDENGE GROUPE KAKE EKOMAKA NA BATO EBELE.

KASI MOMENE MBOTAMA YA REGION YA BANDUNDU(MOLOBO), AZALAKA KOSALA KAKA BA NZEMBO YA ANIMATION TE, ASALAKA PE BANZEMBO YA BAR. NA YANGO SIMA YA MIBU EBELE , NA EKOLO YA BELGIQUE NA 1985, ABENGAKA BABETI MIZIKI LOKOLA , MICHELINO MAVATIKU, DIANA, DALIENST, JOSKY, DELE PEDRO, SHAKARA, ARMANDO,BOLUWE DIDIER, PE BAKOTAKA NA STUDIO MADELEINE PONA KOSALA DISQUE LONG PLAY NA BANZEMBO OYO, JOYEUX NOEL, MAMISA NSONA , NGANGA EMBE MONYONGO. LOKOLA BA MBOKATIERS MINGI NANU BAYOKA BANZEMBO YANGO TE, NATINDELI BINO NZEMBO MOKO ( NGANGA EMBE MONYONGO), PONA TOYOKA MINGONGO YA DIANA,DALIENST , JOSKY, PE LINDANDA YA MICHLINO NA SHAKARA(BASSE), SAXO YA DELE PEDRO , TAM TAM YA ARMANDO PE DRUM YA DIDIER BOLUWE.

PÉPÉ

Nganga Embe Monyongo

Groupe Kake

Groupe d’animation du Shaba

#culture er art