MAMBO LEY DANS L'AFRISA !

MAMBO LEY DANS L'AFRISA.

La nouvelle avait fait l'effet d'une bombe, ezalaki nini likambo yango, Camp-Mombele e bouger, tout le monde se demande, ba attroupements bipayi nionso, ba sango ngambo na ngambo, opesi mbwa,
mbwa aboyi, opesi libata, libata ameli.

Journal Elima na Salongo bakomi likambo ya somo, misopo ya libumu ezali koninga, mboka etomboki na sango.

Au fait, Mambo Ley azalaki locataire na lopangu ya mama na Petit Pierre, sur rue Ngaliema (a ne pas confondre avec Petit Pierre de l'African Jazz), Petit Pierre de Shama-Shama est en quelque sorte ce que fut Dona Mobeti dans le Zaiko Langa-Langa.

Mambo Ley ayebisi na Petit Pierre, mon frere oyebi, lelo nakutanaki na Vieux Tabu Ley Rochereau ya Afrisa, amemi ngai na voiture na ye, asengi na ngai nayemba ba nzembo ya Shama-Shama, puis alobi na ngai nayemba ba nzembo ya African Fiesta to ya Afrisa oyo ngai nayebi, alors nabandi koyemba, vieux Rochereau azali koyoka ngai attentivement, totamboli Kinshasa Mobimba, kaka na voiture, ngai mpe nazali kaka koyemba, na sima vieux Rochereau alobi na ngai, Mambo Ley ozali na voix moko ya kitoko oyo ekoki na Afrisa, yo moko oyebi Afrisa ezali Orchestre ya ba voyages, ya mikili ndenge na ndenge, bongo oleka na Limete na ndako na ngai, mpo totala ndenge nini tokosala mpo okota na Afrisa.

Kaka na butu wana Petit Pierre aye mbangu epayi ya vieux Prof M.P. Manzila sur rue Mpila, toujours na Camp Mombele. Vieux Prof MP (le DV MOANDA de Shama-Shama) oyebi Mambo Ley ayebisi ngai kaka
sikoyo ke lelo azalaki na vieux Tabu Ley, bongo vieux alingi akotisa ye na Afrisa.... Bon, vieux Prof alobi na Petit Pierre, petit tout de suite zonga na ndako na bino, soki Mambo Ley azali ya kolala, lamusa ye, nalingi namona bino mibale de toute urgence awa na Labo.

Quelques minutes na sima, Petit Pierre na Mambo Ley bakomeli vieux Prof M.P., Mambo Ley abeti lisolo ya rencontre na ye na vieux Roche, na sima vieux Prof alobi na Mambo Ley, bon petit nayoki ndenge olobi, nalingi lobi okende na Limete kokutana na vieux Rochereau, soki bosilisi makambo nionso na Afrisa, bongo oya koyebisa ngai, alors ngai moko M.P. nayebi ndenge nakoloba na JE T'AIME, koyebisa Mopero te lisolo oyo, oyoki Petit Mambo Ley, nazali kozongela lisusu, ngai moko nayebi ndenge nakoloba na Wa Maloba. Bokoki kozonga na ndako na bino, bolala malamu, na sima wana bakabuani, motu na motu akeyi kolala mpongi, puisque butu ekomaki makasi.

Lobi na tongo, Mambo Ley alamuki na ngonga ya mumpe, akeyi epayi ya Je T'aime Mopero, kuna ayebisi Mopero nionso ndenge elekaki na vieux Rochereau na ndenge vieux Prof MP abengisaki ye na butu butu. Mopero wa Maloba mbala moko akueyi na Journal Salongo mpe Elima kopesa sango oyo, vieux Rochereau alingi ayiba Mambo Ley, vieux Tabu Ley alingi apanza Shama-Shama... Le jour ya sima sango ebimi
na ba Journal Salongo na Elima, Camp Mombele eningani....

Vieux Prof MP ye moko akeyi kokutana na Je t'Aime mwana akende sango, ayebisi ye makanisi na ye, na ndenge ye a autorizaki Mambo Ley akota na Afrisa, mais ekomi trop tard, sango ebimi na ba
Journal, kombo ya vieux Tabu Ley esambue, ba critiques partout, molangi ekueyi mafuta esopani...

Na makanisi ya vieux Prof MP soki Mambo Ley akotaka na Afrisa elingaki kozala d'abord PUBLICITE ya makasi mpo na Shama-Shama, chaque fois balingaki koloba mpo na Mambo Ley musicien ya Afrisa
balingaki mpe baloba mpo na Shama-Shama, kasi ye moko Mambo Ley abebisi bikila nionso mpe makambo nionso.

Sikoyo bana nionso ya Camp Mombele babandi koloba na Mambo Ley, yo tii na suka ya la vie na yo okozala kaka pauvre, ba critiques contre vieux Roche ebaluki ekomi contre Mambo Ley.

Lelo ba musiciens nionso ya Shama-Shama bakufa, na ye moko mpe vieux Prof MP akufa, milimu na bango epema na boboto na mboka ya Nkolo Nzambe.

Mwana Ngaba

#rétro