La mort de Bavon: témoignage d'E. Kandolo

securedownload

BAVON MARIE MARIE

MASEKE YA MEME, par Bavon et le Négro-Succès

Ba ndeko,

Ndenge bowuti kopesa ba témoignages, il est vrai que liwa ya Bavon Marie Marie Siongo eningisaki Kinshasa. Ezalaki na ba vacances, wana nazalaki na outre atlantique. Vers ba

2 heures du matin, heure locale, oncle na ngai, abengi ngai na ba ndeko ba ngai, mpo na kosakola sango iye. Ye moko azalaki fanatique ya Négros succès mpe na ya Bavon Marie Marie.

Oncle na ngai, esengelaki mpe azala na biso esika tozalaki, Kasi, neti awutaki kosilisa ba kelasi na ye na médecine mpe na lolenge ayebaki que esengeli akende ko continuer na spécialisation ailleurs, atikalaki mpo na kosepela na baninga mpe surtout ko assister na mariage ya ami intime mpe collegue ya promotion na ye, esika feti esalemaki epayi ya maître Ngombe. Na nzela ya kozonga na ndaku, vers ba 5 heureurs du matin, juste na corde ya avenue Inga na Kasa Vubu, amoni Renault 16 e déborder ye sans e ralentir mpo ezua corde wana ndenge esengeli (kobuka muke vers arrêt bakayawu). Neti ezalaki na vitesse makasi, esali tout droit, du coup e se retrouver na sens interdit. Wana, oncle na batu mibale bazalaki na ye na mutuka, basusumuki. Mbala moko, moko kati na bango, alobi : « Mais, oyo lokola voiture ya Bavon ! ». Wana, Renault 16, ezongi na nzela elongobani mpe ekomi le long ya concession Tshibangu. Mais, vitesse ebandaki kokende, conducteur azalaki inconscient ya koniata pédale ya frein mpo akomaki ko pene ya avenue Makelele. Aleki yango na vitesse élevée tee na ndenge abimaki na balala akeyi kokota na nse ya mutu munene etelemaki na ngambo, na Complexe Sportif de Bandalungwa-Kitambo (COBASKI). Nionso oyo eleki na miso ma ye mpe tango ye, na batu mibale azalaki na bango bakomi wana, batu misusu bapusani mpo collision elelaki makasi lokola détonation. Na moment wana, eloko ebandaki kobangisa batu ezalaki explosion ya réservoir ya essence, kasi, yango etikala ki kosalema te.

Bavon, azalaki na chance ya ko s’en sortir te mpo tolo na ye ezuaki impact nionso ya choc : tableau de bond na volent e perforaki ye thorax, ebuki mikuwa ya tolo mpe azalaki presque lisusu na ba avant bras te mpe tango babundi kobimisa ye, nzotu ezalaki ya kobendana (s’étirer), c’est-à-dire hanche ezalaki lisusu ya kokangama te. Quant à Lucie, azalaki secouer makasi, kasi a perdaki conscience te. Justement, esengelaki ko continuer koloba na ye mpe kotuna ye mituna mpo na ko maintenir ye na éveille. Babimisa Bavon na Lucie na ba portières ya sima, mpe esengelaki véritable exercice manuel mpe ko démonter ba portières mpe ko dégager bango na ba lolenge bakangamaki. Tango bakotisi bango na mutuna, bakumbi bango tee na Clinique Ngaliema. Mort ya Bavon ezali sur le coup, mpe ba mema ye mbala moko na morgue, mpe Lucie na urgence. Kuna esengaki lisusu bazongisa ye makila mpe a subir amputation.

Na moment wana, Franco azalaki na Brazzaville, epayi ayokelaki sango wana mpe na na journée akatisi aye na Ngaliema. Tango akomi, azali kotuna ba musiciens ya Négros succès : « Botie Bavon Wapi ? ». Asalaki ba démarches ensemble na Léon Bombolo « Bohlene », mokonzi ya Negros succes tee na ndenge Bavon akundamaki na Gombe. Na maloba ma ye, Franco asalaka elaka na Bavon, ya koya kotala ye na chaque anniversaire ya liwa na ye. Kasi, atikala kosalela promesse oyo te.

Relation ya Franco na Bavon, ezalaki vraiment stable te. Bien que Bavon azalaki mobulu na bolenge : bitumba, kobima, basi, ambiance, etc. , azalaki toujours na respect makasi na grand frère na ye, Franco. Ata mokolo moko te basala échange ya paroles na miso ya batu. Na oyo ebandaki komonana, Franco abandaki ko supporter mal, succès ya Bavon. Ce dernier, azalaki oyo bakobenga lelo sexy pop. Bavon, azalaki na besoin ya ko insister na baratin te mpo fille alinga ye. Ba filles bango moko babandaki kokueya na makolo ma ye mpo azalaki na ba qualités ebele : beau, élégant, galant, sympathique, loboko pete, alula style ( kolata à la mode), azalaki na mbongo, célibataire, afandaka na ndaku kitoko mpe atambolaka na voiture. Azali alanga nzembo munene mpe un guitariste de talent.

Bavon abandaki kofanda na Bandal mpe Renault oyo asalaki na yango accident, ezalaki ya Franco. Bavon asomba yango na crédit mpe abandandaki kofuta ye niondo chaque fin du mois ndenge bayokanaka. Mais, akomaki ko se plaindre que Franco, azali koluka ye mitif mosusu mpo, na likambo moke, ekomaki kaka que : « Bavon, otikali na mbongo na ngai, otikali na mbongoi na ngai pendant que niongo ya voiture esila ». Soki Bavon atuni, vieux, mbongo nini lisusu ? Oh ! Yo moko oyebi, wana Franco azongisi kaka bongo. Tango négros succès eyaka na poto na 1967, na retour, nani asepelaka na ba plans Bavon azongaka na yango te ? Nionso oyo, ebandaki kosepelisa Franco mingi te.

Na butu ya 04 na 05 août 1970, il semblerait que kosuana elekaki kati na Jean Kembo (Jean Pépé , monsieur buts) na Bavon Marie Marie. Bango bazalaki parmi ba deux stars ya tango wana. Kembo azalaki footballeur international mpe champion d’Afrique 1968. Azalaki kotambola na Vespa. Ye mpe atelaka makasi lokola Bavon mpe azalaki mobali kitoko mpe atonda succès. Ba actions oyo nionso, Kembo na Youlou babandaki kosala, na miso ya Bavon ezalaki ba coups bas ya Franco mpo ye azalaki na influence ya ko arrêter Kembo na Youlou mpe kokebisa bango na ba nzela na ye.

Bavon azalaki na zuwa makasi, azalaki trop possessif mpe alingaki Lucie extrêmement. Ayebaki que Lucie abandaki kobaluka na ye, kasi alingaki ko se rendre na évidence te mpe abandaki kolinga komona te mpo alingaki na bolingo ya somo. Bref, atambolaki mutu mpo na Lucie. Na ngambo mosusu, esengeli ko comprendre que ezalaki mpe question ya orgueil personnel mpe koboya humiliation na perte ya Lucie mpo na ezaleli na biso batu ya mokili, kobotola moninga mobali muasi, ezali ko dévaloriser mpe ko humilier ye. Yango ezali mpe komatisa ngenge ya oyo akomi na muasi wana mpo elakisi ki mobali na ye mpo muasi azali fierté ya mutu. Na angle oyo, Bavon azalaki ko tenir tête na baye balingaki ko déstabiliser ye na bolingo na ye na Lucie mpo Lucie azalaki de base na ye. Ezalaki likambo eyebanaka Kinshasa mobimba.

Lucie, azalaki fille ya Lingwala, sima akomaka kofanda na Bandal. Soki nabungi te, akenda wuta 2005. Avant wana, ndenge ba ndeko balobi, Lucie azalaki muasi kitoko mpe asalaka succès na période wana. Sima ya accident wana, vie na ye e basculaki mpe amputation eyaki kosilisa ngala na ye. Mibali oyo babandaki kolanda ye, bakimaki ye. Oyo alingaki ye na bolingo ya solo, akufaki na miso ma ye. Emonani lisusu que destin ya Bavon na Lucie ezalaki lier mpe moko akokaki ko vivre heureux te sans l’autre.

Bavon na état oyo azalaki na yango, emonanaki que mélange ya milangua, kanda ewutaki na ba problèmes azalaki na yango na Lucie, elongolaki ye makanisi ya danger devant excès ya vitesse. Esika wana na COBASKI, ezalaki lisusu na itinéraire ya kokende epayi na ye te. Soki enquête esalemaki, peut-être tokokaki koyeba soki ezalaki suicide ou fatal accident ewuti na perte ya contrôle ya véhicule. Une chose est que na moment wana, selon témoignage tardif ya Lucie, Bavon abandaki kotomboka na ye makasi… ». Ye moko Lucie abandaki lisusu kolobela lisolo yango te, ba journalistes mpe bakomaki ba baba, police routière mpe etikala kosala rien mpe mutu te na famille ya Bavon aluka ko saisir justice mpo na koluka koyeba nini esalemaki mokolo wana mpe pourquoi Négros Succès ebetaka te ? Est-ce que ya solo, Bavon asuanaki na ba vedettes mosusu : Youlou na Kembo likolo ya Lucie ? Journée, après midi mpe soirée ya Bavon elekaki ndenge nini ? Akutanaki na nani ? Azalaki na nani ? Autant des questions oyo ekotikala peut-être sans réponses mikolo ebele. Peut-être, un jour, ba historien bakokoma sur likama liye.

Bavon abotamaki na Léopoldville, mokolo mua 27 mai 1944 mpe awe na mokolo mua 5 août 1970, na Kinshasa (Léopoldville ekoma Kinshasa).

Na annexe nabakisi lien ezali kolakisa lilita ya Bavon mpe ya ba artistes misusu.

Patriotiquement

Emmanuel Kandolo

………………………………………………………………………………………………………………………………………………

Annexe

TOMBES DE: ZAMENGA; BAVON MARIE MARIE; BOKELO;.....

#rétro