/image%2F0931504%2F20140222%2Fob_7467d6_bannier-mbokamosika-jpg)
E. Kandolo présente à Serge les héros de notre Armée !
Ndeko Serge,
Lieutenant-colonel Justin Kokolo azalaki Adjudant mpe fantassin avant indépendance. Ye azali muyombe. Tango tozui lipanda, Président Kasa Vubu abengisi ye pene pene na ye mpe akomi Chef ya sécurité rapprochée na ye. Justin Kokolo azalaki na force physique ya kobotama, véritable engambe, soda ya mpiko mpe suka na niama na etumba. Sima ya mikolo mine ya lipanda, le 4 juillet 1960, mutinerie ya Force publique esalemi mpe gouvernement congolais e décider création ya armée nationale congolaise mpe na placement ya ba Congolais na commandement ya Armée Nationale Congolaise (A.N.C.). Suite na yango nde Adjudant Justin Kokolo ayaki kozua pete ya Lieutenant-colonel, le 8 juillet 1960. En principe, neti azalaki moko ya ba Congolaise oyo bazalaki ba Adjudants wuta kala mpe bazalaki kaka na Force publique, esengelaki nde bapesa ye ba fonctions ya Commandant en Chef ya A.N.C. ou ya Chef d’état-major ya A.N.C. Kasi Président Kasa Vubu awelaki kopesa ye ebonga ya Commandant ya camp Léopold II, kaka le, 8 juillet 1960 wana parce que yango ezalaki camp munene ya ba fantassins ya Congo mpe abandaki ko compter na nombre ya ba soda oyo bazalaki na commandement na ye. Erreur ! Esengelaki apesa ye fonctions oyo ezalaki likolo na commandement. Président Kasa Vubu amonaki ndenge wana nde esengelaki mpe atikeli grandement Premier Ministre Lumumba choix ya kopona Commandant en Chef na Chef d’état-major général ya A.N.C.
Colonel Kokolo atindamaki na juillet 1960 na Luluabourg (Kananga) mpe na Elisabethville (Lubumbashi) yambo sécession ebanda. Kutu, Tshombe ayebisaki ye que ayebisa bakonzi ba Léopoldville que soki bameki koya na Katanga, bakokangama. Azalaki mutu ya confiance ya Kasa Vubu ndenge Lumumba azalaki na mutu na ye Colonel Mobutu. Yango wana azuaki mission délicate ya kokende na intérieur mpo na komeka ko calmer ba soda oyo balingaki kobunda contre gouvernement central ya Léopoldville.
Le, 21 novembre 1960, Colonel Justin Kokolo azuaki mitindo na Chef d’Etat major, Colonel Joseph Mobutu, mpo atinda détachement ya ba soda na ambassade ya Ghana na Léopoldville mpo na ko expulser Nathaniel Welbeck, Chargés d'Affaires ad intérim ya Ghana, du fait que abandaki ko s’ingérer mingi na politique intérieure ya Congo, contrairement na respect ya ba usages na ba règles diplomatiques entre ba Etats, mpe azalaki pro-Lumumba (Akomaki na ye kaka « un politicien congolais de nationalité ghanéenne»). Rappelons que na kowela officialisation ya délégation congolaise oyo etindamaki na Nations Unies na New York, nde ezalaki mbotama ya mindondo. Délégation ya Président Kasa Vubu, conduite na Commissaire général aux Affaires étrangères, Justin-Marie Bomboko, mpe Délégation ya Premier Ministre Lumumba, conduite na Représentant ya Congo na Nations Unies, na New York, Thomas Kanza. Na kowela wana, gouvernement déchu ya Lumumba ebandaki ko utiliser ba services ya communication ya ambassade ya Ghana mpo e communiquer na O.N.U kuna na New York. Soutien ya Ghana na gouvernement Lumumba ezalaki sans faille mpe ba relations ya Lumumba na Président Nkrumah ezalaki makasi. D’ailleurs, tango Colonel Mobutu asalaki coup d’Etat na ye, akangaki Lumumba mpe atindi ye na cachot ya camp Léopold sous le commandement ya Colonel Kokolo. Kuna nde représentant ya O.N.U., Rajeshwar Dayal (Indien), ayaki kobimisa ye na escorte ya ba soda onusiens ghanéens mpe bango nde bakomaki ko assurer protection na ye. Président Kasa Vubu atomboka na likambo wana mpe apesa mitindo na Colonel Mobutu mpo abakisa ba soda ya A.N.C. na lopango ya Lumumba mpo ye abima te. Soki Lumumba azalaki na camp Léopold ezalaki par hasard te, Président Kasa Vubu ayebaki malamu que mutu na ye, Colonel Kokolo, nde asimbaki makambu. Yango wana, ye nde atindamaki lisusu mpo akende ko expulser Chargés d'Affaires a.i. ya Ghana.
Yambo Colonel Kokolo akende na ambassade ya Ghana, Commissaire général ya intérieur, José Nussbaumer, azuaki mokano mua ko mettre en exécution décision ya Président Kasa Vubu oyo e déclaraki Chargés d'Affaires a. i. ya Ghana, persona non grata. En réalité, esengelaki Commissaire ya Affaires étrangères, Justin-Marie Bomboko nde a exécuter décret oyo. Neti azalaki na New York, adjoint na ye, Ernest Kashemwa, akokaki ko mettre en application décret ya Président Kasa Vubu. Mais, elekaki bongo te mpo ezalaki Commissaire ya intérieur nde a exécutaki yango.
José Nussbaumer a se déplacer ye moko mpo na kosala ba menaces na Nathaniel Welbeck que soki alongue na Congo na 24 heures te, akomona nini ekoyela ye ! Ye mpe alingaki kaka kolongua Léopoldville te mpo Ghana ebandaki ko reconnaître gouvernement ya Collège des Commissaires généraux te parce que gouvernement Lumumba ezalaki gouvernement légal. Suite na ba menaces wana nde Nations Unies eyaki lisusu ko renforcer sécurité ya ambassade ya Ghana na kotinda ya ba troupes tunisiennes. En face ya lopangu ya ambassade ya Ghana, Police militaire congolaise, commandée na Henri Ngampo, mpe efandi kaka wana.
Tango Colonel Kokolo akomi na tongo ya 21 novembre 1960 na deux cent fantassins na ye, koya ayaki wana, azalaki na détermination ya kokanga Nathaniel Welbeck, mpe alingaki kaka akota na ambassade ya Ghana mpo akanga ye, kasi abosanaki que na relations internationales, lopangu ya ambassade ya Ghana ezali territoire ya Ghana mpe na tango wana ba troupes ya Nations Unies composées na ba Ghanéens na ba Tunisiens bakokaki kotika ye akota bongo te ! Na mobulu mobulu wana masasi ebetama, ezua ye na tolo mpe eboma ye sur place. A partir ya wana, batu baye ba attaqua mpe masasi ebetama durant toute la journée mpe gouvernement ghanéen eyaki kotinda Commandant en Chef ya Armée na yango, Général Henry Alexander, mpo abimisa Nathaniel Welbeck na situation difficile wana. Général Alexander ayebisaki volonté ya gouvernement na ye que elingi makila etanga te, mpe endimi kolongua Welbeck na Congo.
Liwa ya Colonel Kokolo e consternaki batu mingi na Léopoldville mpe e solidarisaki lisusu makasi A.N.C. contre Lumumba mpo tango wana Baluba, Bangala na Bakongo nde bazalaki majoritaire na armée mpe ba ennemis jurés ya Lumumba. Basalelaki ye ba honneurs militaires minene na camp Kokolo mpe Kasa Vubu azui mokano mua kopesa camp Léopold II kombo na ye.
…………………………………………………………………………………………………………………………………………………….
Joseph-Damien Tshatshi « le Terrible » abimi na promotion ya 1954 ya Ecole des candidats gradés d’élite ya Luluabourg, Centre d’instruction ya Gombari. Camp ya Gombari ezali na nord-est ya province Orientale, entre Watsha na Mungbere, en extension tee na Paulis (Isiro). Kuna nde azuaki formation ya para commando. Sima ya formation na ye akomi instructeur para commandos na camp para commandos ya Binza. Tango ya congolisation ya cadres na armée, akomi Chef instructeur para commandos na 1960. Na 1963 aye kokende na Katanga na bitumba mpo na kosilisa sécession katangaise mpe akomi Commandant ya 3ième bataillon commandos ya Katanga. Abundi na batu baye bitumba ya Mulele na Kwuilu na 1964. Sima ya wana nde akomi Commandant ya Centre d’entraînement ya Kitona (C.E.KI.) na début 1964. Na suka ya mbula 1964, azui mutation na qualité ya Commandant ya Camp commandos na ya troupes blindés ya Nsona Nkulu na Thysville (Mbanza-Nngungu). Kuna nde Ecole ya Formation ya ba Troupes Blindés (E.FA.TB.L.) ezuami. Tango coup d’Etat militaire ya 24 novembre 1964 esalemi, azui pete ya Lieutenant-colonel mpe akeyi na Kisangani ko remplacer Général Léonard Mulamba en qualité ya Chef d'état-major ya ba garnisons ya Kisangani, mpo ye akomi Premier Ministre ya Congo. Avant wana, ye nde akumbaki Président Kasa Vubu na Tshela, sima ya coup d’Etat ya 24 novembre 1965.
Huit mois sima ya prise de pouvoir ya Général Mobutu, ba ex-gendarmes katangais oyo Tshombe akotisaki na A.N.C bazali lisusu komona clair te mpe babandi ko bouler que biliaki bango bikoki mpo neti Tshombe azali lisusu na pouvoir te, Chef d’Etat major ya A.N.C., Général Louis de Gonzac Bobozo azali na plan ya ko éliminer bango malembe malembe. Alors, Commandant na bango, Colonel Ferdinand Tshipola, abandi ko bouler ndenge akoki kobimisa mobulu. Abandi kosenga kosenga démission ya Général Mobutu na qualité ya Chef de l’Etat, na démission ya Chef d’Etat major, Général Bobozo, mpe remplacement na ye na officier Katangais. Ba exigences moko difficile ya ko concrétiser. Kasi eyebakaki mpe que liwa ya Major René Wauthier (mercenaire) na ba officiers ya Base ya Kamina (Ba.ka.) mpe na na représailles ya ba gendarmes katangais na koboma ba militaires ya Baka bien que bazalaki na régiment moko na kati ya A.N.C. Bakweyaki na guet-apens esalemaki na hôtel des chutes na Stanleyville, esika bayaki sur appel ya Colonel Tshipola. Suite na mutinerie na massacre wana nde Colonel Damien Tshatshi « le terrible para commando », chef d'état-major ya ba garnisons ya Kisangani, ayaki kokutana na liwa tango akendeki kokutana na Colonel Tshipola. Motindo batu ya Colonel Tshipola babomaki Colonel Tshatshi nde eyaki lisusu kotiya feu au poudre. Lolenge Colonel Tshatshi akutanaki na liwa, ezali kolakisa mua légèreté ezalaki na dispositions ya sécurité rapprochée na ye mpe na lolenge oyo ba informations fiables ezalaki te mpo ekoka koyebisa ye que piège esalemi na hôtel des chutes, esika Colonel Tshipola abengisaki ba militaires bakende kokutana kuna. Batu ya Colonel Tshipola babomaki Colonel Tshatshi ndenge ya somo mpe bakuakaki ebembe na ye na mayi ya Tshopo. Par rapport na hôtel des chutes, mayi ya Tshopo ezali na ngomba ya Immo -Tshopo.
Suka suka, ba mercenaires ya A.N.C. : Major Robert « Bob » Denard, Major Jean-Pierre Schramme na batu na bango bayaki ko attaquer Colonel Tshipola, sima ya échec ya négociation oyo Premier Ministre, Général Leonard Mulamba na Godefroid Munongo (ex-Président par intérim ya Katanga na époque ya sécession, mpe Gouverneur en fonction ya Katanga), babandaki ko mener. Notons que ba commandos vert ya Major Jean-Pierre Schramme na ba gendarmes katangais ya Colonel Tshipola bazalaki koyokana ata muke te. Ezalaki mpe occasion epesamaki na Major Schramme mpo a en découdre na Colonel Tshipola. Mutinerie ebandaki le 30 juillet 1966 mpe esili le, 24 septembre 1966. Colonel Tshipola na batu baye bayaki kokima mpe bakoti na Rwanda.
Général Mulamba akendaki ko négocier na Rwanda na ba gendarmes Katangais ya Colonel Tshipola mpo bazonga na cadre ya réconciliation nationale. Andimaki kokende kuna mpo ayebaki batu banso oyo bazali na Kisangani mpo a commandaki bango avant akoma Premier Ministre. Na Kigali, esika bazalaki, ba bénéficiaki na protection ya Président Grégoire Kayibanda. Wuta wana nde Président Mobutu afandisa haine tenace na Président rwandais tee tango ayaka kolongolisa ye en appuyant Major-Général Major- général Juvénal Habyarimana na coup d’Etat na ye 5 juillet 1973.
Tango ba anciens gendarmes Katangais bazongi na Kinshasa, ba bénéficiaki na ba mesures ya amnistie te. Na grande surprise ya batu banso, bakangi bango na Camp Colonel Kokolo mpe procès na bango ebandi le 6 mars 1967 kaka kuna na Camp Kokolo. Yango ebengami Procès des traitres Katangais. Na kati ya procès wana, Procureur général, Joseph Alidor Kabeya, azalaki Ministère public. Na kati ya procès, akotisa Tshombe na kati mpo na haute trahison na atteinte na sûreté intérieure na extérieure de l’Etat. Incroyable ! Nionso oyo sur injonction ya haut commandement militaire. Et pourtant, na procédure pénale nionso, Tshombe azalaki citer te mpo élément ata moko ebandaki kolakisa te que Colonel Tshipola a agir sur ordre na ye!!! Brusquement, kombo ya Tshombe ebimi na kati kati ya procès, Procureur Kabeya abandi ko démontrer ndenge Tshombe a ordonnaki Colonel Tshipola a procéder. Ba relations ya Tshombe na ba sociétés minières belges na ba banques minene ebimikuna, etc. Colonel Tshipola, Major Mwambu na Lieutenant Nyembo na batu na bango basusu bazalaki condamner na peine capitale mpe babomaki bango. Le contraire, elingaki ezala surprise dans la mesure où armée ebandaki toujours ko « venger » liwa ya ba officiers na ye. Toyebi nini esalaki na Mulele, tango batu ba ye babomaki Colonel Eugène Ebeya. Lisusu awa, Colonel Ferdinand Tshipola, afuti masumu ndenge apesaki mitindo na batu baye baboma Colonel Joseph-Damien Tshatshi. Na ba honneurs militaires basaleka Colonel Tshatshi, Président Mobutu ayaki kopesa camp para commandos ya Binza, kombo ya camp Tshatshi. Colonel Tshatshi akufi na 34 ans.
………………………………………………………………………………………………………………………………………….
Léonard Mulamba (na authenticité akomaki : Mulamba Nyunyi wa Kadima) abotami na 1928 na Kasaï. Abimi na promotion ya 1954 na Ecole de Luluabourg, Centre d’Instruction ya Irebu na Equateur. Irebu ezali entre le fleuve Congo na lac Tumba. Tango asilisi kuna, azui tour à tour affectation na Léopoldville mpe na Stanleyville. Na 1963 akomi commandant ya 3ième groupement ya A.N.C. na Stanleyville. Na 1964 atindami na Kivu mpe azui commandement ya secteur d’opérations Kivu (OPS. Kivu) mpo na kobunda na rébellion ya Conseil National de Libération (C.N.L.). Colonel Mulamba abundaki bitumba ya Kivu na courage na bravoure nionso. Akutanaki na ba embuscades oyo elingaki koboma ye neti tango azalaki blesser na batu ya Colonel Louis Bidalira « Bitotelo ». Kasi abandaki kaka ko s’en sortir. Na Kivu a collaboraki na Colonel Dodds na ba Commandants misusu lokola : Majors Yossa, Vangu, Ndele, Potopoto ; Capitaine Bobanga na Lieutenant Ngwalu.
Bitumba ya Kivu ezalaki makasi mpo C.N.L. ezalaki na appuie ya ba Chinois mpe na ya base arrière na bango na Burundi. Kasi, suka suka, Uvira, Kamanyola, Lubarika, Luberizi, ezongaki na contrôle ya gouvernement central, en plus ya résistance ya Bukavu. Victoire ya bitumba ya Kivu ezalaki preuve ya ba qualités ya combattant ya Colonel Mulamba. Wuta wana nde azuaki ba kombo lokola : « Homme de Bukavu », « l’Héros de Bukavu », « Anti dawa ». Sima ya Kivu, Colonel Mulamba azongelaki ebonga na ye na Stanleyville. Sima ya victoire wana, azuaki pete ya Colonel mpe na premier anniversaire ya victoire sur la rébellion Gbenye, ayaki kokoma Major-général.
Neti Général Mulamba azalaki parmi ba officiers minene ya A.N.C, babengamaki mpo na ko participer na coup d’Etat ya 24 novembre 1965. Naturellement, compte tenu ya prestige oyo abandaki ko jouir na A.N.C., azuaki ebonga ya Premier Ministre mpe coordonateur ya gouvernement. Durant mandat na ye, gouvernement ezuaki mikano minene miye : Interdiction ya ba partis politiques mpo na durée ya cinq ans, kopekisa droit de grève, kopekisa trafic ya mabanga ma talo mpe ko lutter contre corruption, ko diminuer salaire ya ba parlementaires mpe na réforme administrative et territoriale ya avril 1966, likambo ya ba pendus ya pentecôte. Est-ce que Premier Ministre Mulamba azalaki vraiment na pouvoir ? Eloko te ! Six jours après nomination na ye, na 30 novembre 1965, Président Mobutu amipesi ba pouvoirs spéciaux mpe le, 22 mai 1966 akomi na ba pleins pouvoirs. Ekomaki déjà compliquer mpo asala mosala malamu. Malembe malembe, Président abandi koluka ko discréditer te, malgré courage azuaki ya kokende tee na Kisangani ko récupérer nzotu ya Colonel Damien Tshatshi, tango babomaki mokolo mua 23 juillet 1966. Devant sang-froid wana, na kati ya bitumba ezalaki na Kisangani, na retour na ye, Président Mobutu azalaki tranquille te mpe ekomaki kosala ye zuwa na lolenge ya ba démonstration ya courage na ye devant le danger. Mpo na Général Mobutu ezalaki lisusu signe ya ndenge sympathie ezali kati na Général Mulamba na Colonel Tshipola. Et pourtant, Général Mulamba azalaki Commandant ya Colonel Tshipola na Stanleyville.
Na meeting ya 22 mars 1966, Président Mobutu akomaki ko soupçonner ye que alingi azongisa Tshombe na pouvoir. Nionso oyo mpo na ba gendarmes Katangais oyo bakotaki na A.N.C. babandaki ko regretter absence ya Katangais na haut commandement ya armée. Lisusu, prestige ya Mulamba ebandi kosepelisa Mobutu mingi te. Yango wana abandaki kotiya ye na posture moko difficile.
Général Mulamba alongue Premier Ministre le 26 octobre 1966. Au lieu Président Mobutu azongisa ye na armée mpo azalaki kaka soda, ye a éloigner ye na ko nommer ye ambassadeur na New Delhi, na novembre 1966. Na 1970 akomi ambassadeur na Tokyo mpe na Séoul avec résidence na Tokyo. Pendant que Léonard Mulamba azalaki ambassadeur, Empereur japonais Hirohito na molongani na ye basalaki déplacement ya kokende koyamba Président Mobutu na mama Sese na aéroport. Elobamaka mingi mpe Mulamba azalaki ambassadeur noir ya liboso oyo azalaki na début ya carrière diplomatique na Japon, contrairement na misusu oyo bakendeke kosilisa carrière kuna. Peut-être, yango nde elakisaki que Congo ezala na considération mingi epayi na Japon mpe en retour, empereur asali geste wana na boyambi Président Mobutu na mama Sese na aéroport : ezalaki mbala ya liboso empereur ya Japon a se déplacer personnellement mpo na kokende koyamba Chef d’Etat étranger na aéroport. Sima ya Tokyo, na 1975, Mulamba atindamaki ambassadeur na Brasil tee na 1978. Sima ya wana, azongi na Kinshasa mpe azui nomination comme Chancelier ya Ordres Nationaux na ya ba Compagnons ya Révolution. Aye kolongua wana mpo na ba raisons ya santé na 1983 mpe Général Bangala Oto wa Ngama a remplacer ye. Sima ya wana atikalaki lisusu malamu te, tee na ndenge santé na ye e continuaki ko se détériorer makasi suite na bokono bua parkinson. Ye azongisi molimo le 12 août 1986 na âge ya 58 ans.
……………………………………………………………………………………………………………………………………………….
Antoine Ikuku Moboto, azali mutu ya Bandundu, parachutiste formé na Centre d’entraînement ya C.E.KI. Na 1960 akomi Commandant ya C.E.KI. mpe na 1964, Major Tshatshi a remplacer ye mpe ekeyi na Katanga, esika azuaki commandement ya Camp ya ba parachutistes ya Kimbembe pene na Elisabethville.
Séjours ya Major Ikuku na Katanga ekomaki de triste mémoire tango Jean Foster Manzikala « Trouble-trouble » ayaki kokoma Gouverneur ya Katanga, en remplacement ya Godefroid Munongo, suite na mobulu ya ba gendarmes katangais na Kisangani bien que a négociaki ye na Général Mulamba mpo na komeka kimia. Selon Président Mobutu, Munongo abandaki mpe ko tirer ba ficelles na nse ya ba désordres wana mpo a déstabiliser Congo na but ya retour éventuel ya Tshombe. Union ya Manzikala na Major Ikuku esalaki équipe punitive redoutable ya ba opposants katangais. Major Ikuku akomaki koboma batu lokola ba ngungi mpe akomaki tueur à gage ya Chef na ye Manzikala. Tee ayaki ayaki kokangama na 1972, tango Manzikala akangamaki suite na ba dénonciations na liwa ya Thomas Eale mpe na ndenge abandaki koboma batu na Kinshasa. Major Ikuku en tant que bras droit na ye, asambisami mpe azui condamnation ya cinq ans de prison. Ayaki kobima na boloko sima ya ba sanza mpe aye kozua pete ya Lieutenant-colonel, sima akomi Colonel na ebonga ya Commandant ya 12ième Brigade ya Division Kamanyola na Base ya Kitona (Ba.ki.).
Na 1977 tango guerre ya Shaba ebandi, aye kokende na Kamina na batu ba ye, kasi Capitaine-général (Chef d’état-major général ya F.A.Z.) Général de corps d’armée Bumba Moaso Djogi a compliquaki ye mission sérieusement mpe akangi ye na cachot mpo na ba raisons personnelles. En pleine guerre, Général Bumba abandaki naino ko s’occuper na ba intérêts personnels na ye au lieu atala intérêt ya Zaïre. Esengelaki intervention personnelle ya Président Mobutu, sur rapport ya Commandant ya Opérations na Shaba, Général de Brigade Singa Boyenge Mosambayi , mpo Ikuku a retrouver liberté na ye.
Colonel Ikuku azalaki na mission ya kokita tee na sud ya Shaba na batu ba ye mpo na kosala jonction na batu ba Colonel Mukobo. Colonel Ikuku azalaki na axe Kamina-Kolzwezi mpe na mission yak o récupérer Lufupa via Matanda, Sakalazi, Kayembe. Asala coup de génie ya ko surprendre ba rebelles na lolenge ayelaki nzela ya rails mpo ba nzela nionso ezalaki miner. Atambola 15 km tee abimeli ba rebelles mpe alongi bango, aye kozua ba tanks na ye mpe atambusi yango na rails mpo na kobimela batu ya Lieutenant Moïse Tshimanga na mokongo. Revers wana esalaki que alonga ba rebelles mpe aboma commandant na bango Tshimanga. Wuta wana nde azuaki kombo ya « serpent de rails » mpe na admiration mingi na ba konzi na population. Colonel Ikuku azalaki toucher na bitumba wana kasi a gardaki courage na ye mpe atikali na batu ba ye. Sima ya wana, Atambolaki tee na Mutshatsha, Sakalezi, kayembe tee na Musoji.
Tango bitumba ya Shaba I esili, ayaki kokoma Général mpe Chef d’état-major ya Force terrestre. Kasi na guerre ya 80 jours, ayaki kokutana na liwa ya accident ya hélicoptère kaka esika oyo abomaka batu tango ye azalaki exécuteur ya ba sales besognes ya Gouverneur Jean Foster Manzikala.
Patriotiquement,
Emmanuel Kandolo
Mbote mingi ba ndeko ya Mboka mosika,
Ndeko molingami Emmanuel Kandolo,
Nasepeli mingi ndenge nazui biyano na mituna natunaki yo ndeko Emmanuel Kandolo, na tondi yo botondi ya mingi na ndenge okokisi ndaka pe oyanoli kaka ndenge olakaki.
Obakisi nga mayele ya ba heros ya mboka na biso, ya solo mayele opesi nga to biso eza nkita munene mpo oyo eza ba kombo toyokaka mikolo na mikolo kasi toyebaka tina na yango te, sikoyo ebakisi nga lisusu respect makasi na batu oyo.
Ya solo ndeko molingami Kandolo, Nzambe apesa yo bomoyi molayi pe yo obakiselaka biso tango nionso mayele ya lolenge boye po nga naza na bamituna mingi oyo na kobanda kotunaka moke moke.
Motuna mosusu ezali boye:
1. Tango nazalaki kokola, yaya na biso azalaki kofinga biso "Oza esprit Manzikala", wana soki alingi aloba que oza esprit mabe, yango natunaki ye Manzikala azalaki nani?
2. Yebisa biso lisolo ya bomoyi pe liwa ya pilot ya mpepo ya ba soda Mbo oyo azalaka kosakana na mpepo ndenge alingi. Bato balobaka que Mobutu mutu abomisaka ye pona litige ya likambo moko boye asalaka mais ba mbula eleka. Balobaka que Mobutu azalaki na memoire ya Nkoyi to ya Nzoku (abosanaka makambo te).
3. Ya suka pona lelo, na kati ya ba soda na biso ya Congo - Zaire - Congo est ce que totikala kozala ata na moko te oyo abandi wuta esika ba mpete yango ya ki soda ebandaka tee amati sans que apimbwa ba mpete akoma tee General?
Pona kosukisa, nazali vraiment sima na bino pona carte rouge bopesi Anaclet, nzoka nde azalaki Yudasi scariote kati na biso. A lingaki abebisa mosala malamu bozali kosala, na banza pe azangi collabo te.
Losako na bino banso na mosala malamu pe kitoko,
Bonane 2010.
SERGE