Réactions d'Emmanuel Kandolo à certains articles d'avril 2010

Comme d'habitude, il était absent pour des raisons professionnelles. A son retour, il a voulu participer aux sujets publiés durant son absence.

Sujet : Serge répond aux critiques sur l’histoire du Colonel Mbo

Ndeko serge,

Merci mingi na mise au point osali au sujet ya ba commentaires ya baye balingi kolakisa que bayebaki Colonel Léon Mbo comme soki ye azalaki propriété na bango privé. Toloba yango mbala na mbala que Colonel Mbo asilaki kokakata tshieleka mpe apesaki makila ma ye mpona ekolo na ye R.D.Congo. Manso asalaki na mosala mua ye, asalaki yango sous le drapeau, asalaki yango na kombo ya ba oyo bazali koluka kokotisa confusion awa te.

Site na biso, na ba objectifs na yango, ezali na devoir ya mémoire mpo tomituna nini esalemaki na ekolo na biso na makambo mayike. Tozali kosangisa masolo mpo tobungisa ba souvenirs te mpe tosengaka na baye bazali na oyo ya kobakisa, babakisa mpo na lisanga nde eko permettre biso tosolola malamu malamu masolo ma ekolo na biso.

Mboka mosika ezali kosal effort ya kokundola masolo mpe koboya ete tozala na esprit ezanga souvenir. Yango wana totangaka ba kombo ya bato oyo ba marquer histoire ya ekolo na biso na ndenge ya malamu ou na ndenge ya mabe mpe na ba domaines miyike. Soki nazongeli ba témoignages oyo ya baye bazali koloba que maye tokomi ezali ya solo te, nakosenga bango ba contredire ngai na témoignage ya solo oyo bango bazali kobomba kaka mpo na bangoi moko.

Ezali mawa kotanga témoignage ya soi-disant enregistrement ya dernière conversation kati na équipage na tour de contrôle. Commentaire oyo ezali vraiment kopesa impression que C130 ezali voiture cabriolet, e freiner mpe tranquillement, conducteur afini bouton ya kogumba capot… Non ! C130, comme tout avion, soki ekomi hors contrôle, ekomaka bombe. Ezali na quantité ya carburant mpo na alimentation ya quatre moteurs mpe na réservoir ebengami nourrice. Na yango, associer masse ya avion, masse maximale na décollage esengeli ezala 70. 305 kg. Masse maximale na décollage na surcharge ezalaka 79. 380 kg. C130 epumbuaka na vitesse ya 350km/h mpe vitesse maximale na yango ezalaka ya 600km/h. Ya solo que avion ya colonel Mbo e ateignaki vitesse maximale te, kasi ezalaki na vitesse ya ascension tango panne e surgir. Recommandation na trois moteurs esengaka vitesse na nse ya 350km/h. Sika toyebi te vitesse nini C130 ekomaki na yango na tango wana, temps nini ya manœuvre ezalaki na équipage mpo na ko réduire vitesse soki yango elekaki déjà 350Km/h, ko rééquilibrer avion mpe kosala manœuvre na attitude bazalaki na yango. Na ba conditions normales ya atterrissage, vitesse ya atterrissage ezalaka 237 km/h na processus ya réduction ya puissance moteur. Na sol, freinage ekosalama na ba pédales ya frein. Or, équipage ya Commandant Mbo ezalaki na ba conditions idéales ya atterrissage te. Ndenge nini, batu misusu bakoki ko prétendre oyo bazali ko prétendre wana ? En réalité, na enregistrement eyokanaki malamu que ba pilotes babandaki kokanga mpe babandaki kosala face na plusieurs problèmes : perte brusque ya pression, difficulté ya ko stabiliser appareil, na problème inexpliqué na moteur mosusu…malgré nionso wana, bamekaki kosala tout mpo ba sauver vies na bango, kasi impacte na sol ezalaki terriblement violent mpe avion esalaki longue distance en rasant nionso ezalaki na esobe wana en faisant ba bons makasi.

Na cockpit ya C130, bien que ezali na ba tala tala ebele, ezali mua mpasi nzoto ya pilote ebimela wana.

Soki mutu moko azali ko prétendre que azalaki survivant na crache wana, ezali sérieux te mpo mutu ata moko te abikaki.

Soi-disant ndeko ya Colonel Mbo oyo azali koloba awa, nazali na mposa natuna ye soki combien de fois akenda na cimetière de la Gombe na tombe ya Colonel Mbo ? Mutu nionso akoki kokende ko vérifier na ba croque morts ya Gombe, bakoyebisa que seuls ba héritiers ya Colonel Mb onde bakanisaka lilita ya tata na bango. Alors, il serait mieux, ndeko ya Colonel Mbo atika kolakisa bolingo ya internet pendant que na bosolo bolingo ezali bongo te. Soki azali na sincérité, atiela biso ata liste ya ba médailles oyo Colonel Mbo azua. Je paris que ayebi yango même pas !!!

Colonel Mbo azali elombe ya ekolo na biso, esengeli na biso tobosana te maye manso asali mpo na ekolo na biso. Lelo oyo ata bakonzi bazali kolakisa ingratitude na koluka ko honorer mémoire ya ba combattants dévoués ya armée na biso te, esengeli te biso tolanda lokolo wana. Totombola nde lokumu ya bilombe ba biso.

Patriotiquement,

Emmanuel Kandolo

...............................................................................................................................

Sujet : Studio d’enregistrement d’une certaine époque

Ba ndeko,

Nazali ko partager commentaires ya ndeko Muan’a Mangembo tout en ajoutant que photo oyo ezali na studio ya Opika mpo ba musiciens baye bazali na kati, bazalaki ba oyo ya studio Opika . Ndeko J.P. Bouck apesi ba kombo kasi, nakobakisa que na trompette ezali Dominique Kuntima « Willy ». Par ailleurs, Isaac Musekiwa abandaki kobeta saxophone mpe azali na photo oyo te. Na percussion, ezali Etienne Dinvula « Baskis ».

Ba nduliste lokola Jimmy Elenga, Nicolas Kassanda, Fud Candrick, Isaac Mosekiwa, Paul Mwanga, Jacques Elenga « Eboma », Antoine Kasongo, Francois Boyimbo « Gobi », Libertin de Shoriba Diop, Tanko, Basile, Diboua, bazalaki na même époque na kati ya Opika. Par contre, Essous Jean Serge azalaki na Loningisa na même période. Na 1956, Dino Antonopoulos asali ba Editions Esengo. Yango nde esombaki Editions Opika (Ex-Kina) mpe ba musiciens oyo bazalaki na contrat na Opika, bakeyi na Esengo. Kuna nde ba musiciens ya African Jazz babandaki kosangana na ya Rock a Mambo na ba enregistrement mpe esika Essous Jean Serge « 3S » ayaki kosala ba amitiés makasi na mista na ye Kallé Jeff. Notons aussi que : Kallé, Dechaud, Nico na ba nduliste ya African Jazz, Tino Baroza nduliste ya Begin Band, babandaki kosangana na Rock A Mambo ensemble na Essous Jean Serge, Dieudonné Nino Malapet, Augustin Moniama « Roitelet « José-Philippe Lando « Rossignol Cantator».

Ndenge ndeko awutaki koloba, Lucie Eyenga, azalaki la seule fille oyo abandaki koyemba te. Avant akende na Opika, azalaki na Ngoma. Kuna mpe bilenge basi lokola : Tekele Monkanko, Anne Mbombo, Marthe Madibala, Albertine Ndaya, na Marcelle Ebibi, azalaki na Editions CEFA. Marcelle Ebibi azalaki de nationalité camerounaise. Ba filles mosusu lokola Kitoko Marie, Mbongo Léonine, Pauline Lisanga, Sudila Esther, Marie Kitoko, etc. bakendeke sango

Clip Baila / Serenade Sentimental (Jean-Serge Essous) - Rock-A-Mambo

Na suka ya ba nzembo oyo, ba commentaires ya Simaro Lutumba na Ntesa Dalienst au sujet ya Rock-a-mabo.

Baila Cha Cha na Sérénade Sentimentale ezali ba nzembo ya Essous Jean Serge « 3S ».

Na Chant : Joseph Kabasele « Kallé » na José-Philippe Lando Rossignole

Guitares Nicolas Kassanda « Nico » na Emmanuel Tshilumba wa Baloji « Tino Baroza » mpe na contre basse : Augustin Moniama « Roitelet »

Clarinette : Essous Jean Serge

Patriotiquement,

Emmanuel Kandolo

#rétro