/image%2F0931504%2F20140222%2Fob_7467d6_bannier-mbokamosika-jpg)
Kandolo décrit la carrière du Col Mbo et les nominations except.!
Ndeko Serge,
Biographie ya Colonel Léon Mbo
Léon Mbo ( Mbo Izampango) abotami na 1948 na Kinshasa. Azali Musakata, originaire ya Nkutu na lac Mayi Ndombe. Azalaki kofanda na Lemba mpe atangi kelasi na école secondaire ya EPOM na N’Djili mpe azui diplôme d’Etat na section électronique na 1967. Akoti mosala mua soda na base aérienne ya Ndolo. Kuna nde ayaki ko réussir na cours ya triage en vol oyo epesaki ye possiblite ya kokende formation ya pilotage na Académie Aéronautique Militaire ya Pozzuoli, na Naple en Italie. Sima, asali Ecole des pilotes ya chasse na Lecce, toujours na Italie. Sima ya formation na ye, azongi na Congo na 1970. Léon Mbo azali na promotion ya 1967-1968 oyo ekendeki koyekola ba kelasi na Italie na compte ya armée ya Congo. Kuna abimaki pilote de chasse sur avion Macchi. A pilotaki mpe ba avions mosusu lokola Piaggio na T 28.
Sima, na cadre ya accord général ya coopération militaire technique kati na France na Zaïre, accord signé na Kinshasa le, 22 mai 1974. Suite na accord oyo nde avionneur Dassault atekiselaki Zaïre, dix-sept avions Mirage III (Evolution Mirage V), Mirage 5 M : quatorze exemplaires mpe Mirage 5 DM : trois exemplaires, version biplace mpo na ba entraînements. Zaïre etindaki bilenge bakende na Ecole militaire ya pilotage ya Dijon-Longvic na France. Lieutenant Mbo mpe azalaki kati na bilenge wana. Sima ya formation, na 1976, akomi pilote na Mirage 5 M na 1976. Sima ya ba formations na ye, ayaki kokoma instructeur sur Piaggio, Macchi 326, T 28 Texan na Mirage 5M.
Lieutenant Mbo abundi ba guerres nionso mibale ya Shaba I na II mpe azalaki apprécier mingi. Kasi na guerre ya quatre vingt jours, sur ba renseignements erronées, a bombardaki ba positions na biso. Ezalaki fauti na ye te mpo ye alandaki ba instructions oyo bakonzi bapesaki ye. Na 1978, Sima ya guerre ya Shaba II, Major Mbo ayaki kokangema na Angola, suite na vol ya reconnaissance oyo Zaïre etindaki ye asala (na violation ya droit international) na ba pilotes mosusu mibale : ba Lieutenants Pelepele na Luamba. Major Mbo abundi mpe bitumba bia Tchad mpe sima ya wana, ayaki kosala reconversion na transport mpo facteur âge elembisaki ba capacités physiques mpo a continuer en toute sécurité en tant que chasseur. Eyebani malamu que vie ya pilote de chasse ezalaka na ba exigences physiques ebele mpe facteur âge e jouaka mingi. Kasi avant wana, ye azalaki un pilote très démonstratif. Abandaki kosala ba voltiges na ba figures ya ndenge na ndenge aur macchi na Mirage : rond, trait plein, flèches courbées, triangle horizontal, triangle vertical, boucles, vrille, etc. Asala ba passages na raz motte bisika nionso abandaki kosala ba démonstrations na ba spectacles.
Tango asalaki reconversion na transport, asali formation na ye na Base ya N’djili na 1986. Na 1988 akomi Commandant na C 130 mpe ko voler sans probleme na Zaire na mokili mobimba. Le, 19 avril 1990 esengelaki vol ya Gbado-Lite esalema. Na contrôle technique ya avion, elakisaki que moteur moko ezalaki na défaillance. Kasi ba mécaniciens au sol bamekaki kobongisa yango sans pour autant ba remplacer pièce oyo esengelaki. Babongisi yango kaka ndenge bamesana mpo F.A.ZA. azalaki lisusu na ba pièces ya sika te mpo na ba avions na ye. Na cas wana, ezalaki évident qu’il fallait batala makasi proportionnalité ya poids bakomema par rapport na éventualité ya panne ya moteur. Eleki bongo te, Master loader atondisi avion na ba voitures présidentielles na biloko mosusu. Colonel Mbo nde azalaki na commande mpe co-pilote na ye, Major Bedengama. Tango kaka bapumbue, moteur wana kaka ezui lisusu panne. Ya mabla oyo panne wana eyaki moment mabe mpo esalemaki juste na décollage. Eyebani que na décollage na attérissage, ezalaki ba moments moko oyo ezalaka na ba risques mpe esengaka compétence mingi na réaction mpe, na respect ya procédure. Tango moteur ekufi, Commandant Mbo ameki ko rééquilibrer avion na ye , le temps asala rotation mpo asala manœuvre ya atterrissage d’urgence na même piste ya Base ya N’djili. Malheureusement, ye akokaki ko maintenir équilibre ya avion na ye te mpe hauteur na sol ezalaki suffisante te, a perdre brutalement attitude azalaki na yango, mpe asala atterrissage imprévisible vers Lokali. Tango avion ebeti violement na mabele, esali ba bonds mpe na secousse wana train avant ya atterrisage ebukani, violence ya secousse eningisi carburant makasi mpe ekumbi explosion ya ba réservoirs, ba pilotes mibale babandi kobundana mais ezalaki difficile mpo bakokaki ko contrôler lisusu avion te mpo vitesse ya atterrissage elekaki makasi, libumu ndunda epelaki moto. Na enregistrement, Mbo a babandi koganga : « Bedengama akufi ! Tozali kozika ! Avion epeli moto, molinga etondi na cabine, porte ezali coincer na biloko, nazali kozika ! …. Effectivement na mouvement violent wana, biloko binso bizalaki na kati ya avion ezalaki lisusu na ba cales na ba filets na yango te. Yango nde eyaki ko bloquer porte ya cabine ya pilotage. Mutu nionso oyo ayokaki enregistrement ya conversation entre tour na équipage, alelaki mpo ezalaki insoutenable, koyoka ndenge Mbo abandaki koganga na somo ya moto ya liwa !!!
Le temps ba secours ekoma kuna ezalaki trop tard batu basilaki kozika. Balelaki bango na Base Mbaki na aéroport ya Ndolo na ba honneurs militaires. Comme d’habitude, enquête etikala kosalema te !!! (enquête esalema officieusement mpe ba résultats na yango etikala na terroire)
Colonel Mbo abalanaki na Pauline mpe aboti na ye huit filles na garçon moko. Azali na libota monene. Sima ya accident ya C130, Président Mobutu apesaki mitindo na ndeko na ye, Jacques Isombe Izampango, représentant ya Air-Zaïre na France na Belgique, apesa bana ya Colonel Mbo na Pauline ba billets mpo bakende ko s’installer na France. Kasi, Isombe abandi kosala ba manœuvres mpe na ba freinages. Ba cales nionso wana ezalaki incompréhensibles. Yango nde etindaki famille e se plaindre epayi ya Maréchal Mobutu. Ye a téléphona Isombe mpe apesi ye une semaine a organiser voyage. Soki te, eko coûter ye cher ! Isombe abangi mpe asali ba démarches wana mbangu mbangu mpe famille eya na France mpe ezua mikanda sur demande personnelle ya Président Mobutu.
Président asalisa famille ya Colonel Mbo mpo azala fier na misala ya Mbo mpe na lolenge abandaki kokumisama na pilotage na ye ya chasseur Mirage 5M na bitumba ya Shaba mpe na Tchad, na fête ya Bokassa na Bangui ou encore lolenge azalaki na admiration mingi ya ba français na connaissance na ye ya Mirage 5M. Liwa ya Mbo ezalaki accident oyo F.A.ZA. ekokaki ko éviter soki maintenance ezalaki na budget ya malonga mpe soki lisusu sérieux ezalaki na armée na biso. L’Etat ebimisa mbongo mingi mpo na ko former ba militaires. Kasi eyaki lisusu ko négliger ko entretenir armée na ba militaires oyo yango e formaki.
Patriotiquement,
Emmanuel Kandolo.
………………………………….
Na armée na biso, ba cas ya batu oyo ba sauta ba grades tee kokoma ba officiers supérieurs ezali. Kasi, esengeli tosala bokeseni :
1. Exception esalemaki na oyo ebengamaki africanisation ya ba cadres ya armée tango tozuaki lipanda mpe na mobulu oyo ba belges balukaki na Force publique. Suite na wana nde, ba sergents bayaki kokoma ba Colonels mpe Caporal Lundula aye kokoma Général Lundula.
2. Na F.A.Z. cas ya Antoine Bumba Moaso Djogi, Etienne Nzimbi Ngbale Kongo wa Basa, Donat Mahele Liyeko Bokungu. Natangi bango mpo nayebi ebandeli na bango na armée : Mahele na Nzimbi bazalaki ba turbulents garçons ya Ngiri Ngiri. Bumba (Boy Ndombe) kombo na ye ya scène mpo abandaki ko jouer epayi ya Abbé Corneille Mondonga, na ba spectacles ya bala bala. Babandaki ko se produire na ba camps, écoles, etc.
Ba misusu babandaka na nse te mpo batangaki ba kelasi oyo esalakaki que babanda mbala moko na pete ya Sous-lieutenant. Misusu ba banda na pete ya Colonel tee kokoma Général. Ndakisa ya Général Matumbu Monga ya Nzawi, bien que azalakai na ye civil, akotaki na armée na grade ya Colonel mpe na fonction ya éducateur politique ya F.A.Z.
Sima ya régime ya Président Mobutu, cas ya Joseph Kabila ezali mpe kolakisa ndenge nini mutu awuti na vie civile akoki kokoma Général en sautant ba grades ebele mpe akoma mokonzi ya armée na âge ya 27 ans. Cas ya John Numbi mpe ezali lisusu kolakisa ndenge nini civil akomi tee na ko diriger état-major!!! Numbi, bien que abengami Général, azali na ye policier, civil. Kasi azuaka ebonga ya chef d’état-major ya Force aérienne sans pour autant azala un ancien ya armée de l’air. Donc, sans formation aucune. Ezali grave ! Kasi, neti na ekolo na biso, gravité ezalaka lisusu te, ye azalalki wana sans problème.
Sita tika totala ndenge nini soda akomaka officier na armée na biso.
Soki soda asilisi kelasi na ye na Ecole ou Académie militaire, pete ya liboso akozua ezali ya Sous-lieutenant. Awa esengeli toyeba que soda akoki kozala na Académie militaire ou na enseignement civil (mutu a se faire enrôler na âge ya 18 ans kasi asengi a continuer ba kelasi na ye ya médecine, génie civil, sciences, droit, commerce, économie, agronomie, etc. Tango akosilisa kuna, akozua pete ya Sous-lieutenant).
Soda oyo asali Ecole ou Académie militaire, ye akozua fonction ya Chef de Peloton. Komata pete ya Lieutenant (premier Lieutenant) na ya Capitaine, ekosenga formation moko te. Ezali mpe ndenge wana mpo na oyo asali ba études non-militaires.
Totikala kaka na soda oyo asali Ecole ou Académie militaire. Tango akomi Capitaine, elingi koloba que wuta pete ya Sous-lieutenant tee ya Capitaine, azui expérience ya commandement na terrain. Expérience iye ewuti na mbula misatu oyo ye a commander Peloton yambo akoma Lieutenant. Mpe esengeli lisusu que hiérarchie militaire epesa ye appréciation malamu !!! Soki hiérarchie endimi mosala asali, en tant que premier Lieutenant, akozua fonction ya Commandant en second ya Compagnie. Yango ezali transition obligatoire mpo akoma Commandant Compagnie na pete ya Capitaine. Wuta pete ya Capitaine mpe na fonction ya Commandant Compagnie nde akokoma na possibilité ya koyekola sika ba techniques ya état-major na Ecole de commandement ya état-major ya Centre Supérieur Militaire ya Kinshasa. Soki asilisi kuna nde azui pete ya Major mpe akoki kobanda kokonza ba unités minene ya armée lokola : Bataillon, Brigade na Régiment. Sima mbula mibale nto misatu ya expérience professionnelle, akotindama na Ecole de guerre na ba pays oyo tozali na yango na coopération militaire. Mingi mingi : U.S.A., Belgique, France, Israël. Na Ecole de guerre ezali mpo na ko continuer ba kelasi ya état-major. Neti akomi déjà technicien d’état-major (T.E.M.), sika akokoma breveté d’état-major (B.E.M.). Soki te, akosala Administration militaire mpo akoma breveté ya administration militaire (B.A.M.). Soki abimi kuna nde akoki sika kozua pete ya Lieutenant-colonel. Sima ya ngonga mokuse, akomi Colonel mpe aye komata Général de brigade, Général de division, Général de corps d’armée mpe sukisa na Général d’armée.
Na armée ya solo, officier azuaka pete kaka soki azali kosala ba formations oyo ezali kokende na pete oyo ye azali koluka mpe armée nde ekofutela ye ba kelasi nionso wana. Ata soki azui yango mpo olongaki bitumba (guerre), esengeli atangela yango lisusu kelasi, pamba te, ba fonctions na ye ekozala ya malonga te. Kasi epayi na biso, baye batanga ba kelasi oyo, ba trainer mingi na pete ya Major ou Lieutenant-colonel mpo na discrimination. Cas ya Général Kisempia Sungilanga Lembe ezali kolakisa ndenge a trainer depuis 1984 akoma B.E.M. ya Ecole de guerre ya Belgique, aye kokoma Général de brigade na 1999, soit 15 ans plus tard. Ezali injuste mpe inconcevable. En revanche, ba oyo basalakai ba kelasi ya armée te, bakoma ba Généraux kala !!!!
Oyo ezalaki biyano na mituna miye otunaki ngai.
Patriotiquement,
Emmanuel Kandolo