/image%2F0931504%2F20140222%2Fob_7467d6_bannier-mbokamosika-jpg)
Réplique d'Emmanuel Kandolo à Papatoto
Ndeko Papatoto,
Matondo na ba commentaires osali. Sika tika nayanola na mituna otuni.
Motuna ya liboso :
Okoki ko expliquer ngai procès ya Licopa en détail ?
Emmanuel Kandolo : La Ligue congolaise pour la paix (LI.CO.PA.) ezalaki lisanga clandestin oyo ebandaki ko couvrir ba actions politiques ya Patrice Jean de Dieu Kudia Kubanza « koukou Jean de Dieu ».
Mpo to comprendre malamu, esengeli totala mua moke botamboli bua Kudia Kubanza. Ye azali masuwa (même promotion) na Joseph-Désiré Mobutu, na école centrale ya Luluabourg na 1952. Kombo wana ya Kudia Kubanza elingi koloba : soki ozali koliya, kanisaka mpe lobi = celui qui se nourrie sans pour autant oublier de penser au lendemain. Kudia Kubanza a évoluer na justice militaire tee na ndenge akomaki na grade ya Colonel mpe Auditeur militaire général ya Forces Armées zaïroises. Na 1969, tango ancien gouverneur Daniel Monguya akangemi na Rwanda sur demande ya ba autorités congolaises, mpo babandaki ko soupçonner ye que alingi asala rébellion na ba traces ya Colonel Jean Schramme, makambo ya Kudia Kubanza ezalaki lisusu clair te. Na 1969 wana mpe yango nde Président Mobutu alongolaki Colonel Kudia Kubanza na armée. Mbula mibale yambo balongola ye na armée, akomaka makomi moko na domaine ya droit pénal militaire : « Quelques réflexions sur la justice militaire », R.C.A. 1967. Oyo elakisaki nini ezali koleka na justice ya ba soda.
Na cadre ya ba contacts Kudia Kubanza azali na yango na LI.CO.PA, azalaki na batu oyo asololaka na bango na Brazzaville. Na yango, likambo ya LI.CO.PA. eyaki komema na kabambi ya procès mpo na Atteinte na sûreté intérieure de l’Etat. Patrice Jean de Dieu Kudia Kubanza na Bernardin Mungul Diaka Koda Kombu bafundamaki mpo na complot contre vie ya Chef de l’Etat et Président de la République na koboma ye na ba bombes mibale ya retardement. Bafundamaki lisusu na ko armer batu mpo ba changer régime par la force mpe ko enlever bana ba Président Mobutu na Belgique mpo e forcer ye alongua na pouvoir mpe akima R.D.Congo. Na nionso oyo ba témoins bazalaki parmi lesquels : Xavier Matanda ma Temo.
Likambo ebotamaki tango batu ya service immigration ya beache Ngobila bakangi lettre Kudia Kubanza akomeli contact na ye ba Brazzaville, Nima Gapey « Odon Lowolo » ezali kombo ya code. Bien avant wana, na mai 1971, Union de la jeunesse socialiste congolaise (U.J.S.C.) e manifestaki na Brazzaville mpo na ko soutenir ba manifestations ya ba étudiants ya Lovanium na Kinshasa. LI.CO.PA ezalaki na sima ya action ya Brazzaville wana. Likambu oyo elukaki incident diplomatique entre Kinshasa na Brazzaville. Gouvernement ya R.D.Congo elobi polele que République Populaire du Congo ezali relais communiste oyo ezali ko agir sous couverture ya LI.CO.PA mpo eluka mobulu na instabilité na R.D.Congo. Yango wana le 21 août 1971, ministre ya Affaires étrangères ya R.D.Congo, Mario-Philippe Cardoso ( Lelo azali 2ième vice-président ya Bureau ya Sénat mpe akoma Mario-Philippe Cardoso Losembe Batwanyele) a declarer Chargé d’Affaires ya République Populaire du Congo, lieutenant Gaston Eyabo, « persona non grata » personne indésirable ! Gouvernement ya Congo-Brazzaville ekamue mpe esali nionso mpo elakisa bonne foi na yango mpe na ndenge yango ezali kosala mbilinga mbilinga te . Yango wana, esalaki tout, eye kokanga Ando Ibarra, tango ba autorités ya R.D.Congo balobi que ye nde relais ya Kudia Kubanza na Brazzaville. Basambisi ye kuna mpe babambuli ye mbula misatu ya boloko mpe mbula zomi ya bannissement. Na oyo etali explusion ya Lieutenant Gaston Eyabo, Congo Brazzaville e protester diplomatiquement mpe elobi que diplomate na ye ayebi makambo oyo Kinshasa ebenganeli ye te.
Na lettre oyo bakangaki na Beach na 18 décembre 1971, yango ezalaki eyano na oyo ya « Odon Lowolo », Cour suprême elobi que Kudia Kubanza asosolaki koyina na ye na régime ya Président Mobutu mpe akanaki que suka suka asala coup d’Etat mpo ameka kotiya régime socialiste na R.D.Congo. Na ba relations na ye,Kudia Kubanza atangi Cléophas Kamitatu ( Ye balandelaki ye te mpo ye nde azalaki fiti na likambo wana mpe abandaki ko informer Centre national de documentation « C.N.D. » nionso Kudia Kubanza asalaka)na Bernadin Mungul Diaka. Période wana, yango nde Président Mobutu ayaki ko ridiculiser ye Kudia Kubanza na lecture ya lettre ya 30 décembre 1971 na stade du 20 mai. Yango ezalaki lettre ya ba aveux mpe anbimaki manso ya mabe alingaki asalela régime mpe asengi pardon na miso ya batu nionso na maye akomaki na lettre ya 15 décembre 1971, oyo bakangaki le 18 décembre 1971 na Beach Ngobila (tolobela yango na lisolo ya stade du 20 mai). Nionso oyo ezalaki déjà mitambu C.N.D. ebandaki kokanga mpe kokueyisa ye na kati. Tango wana, Colonel Albert Tukuzu Gusu Wo nde azalaki administrateur délégué.
Bernadin Mungul Diaka ye mpe azalaki na collimateur ya C.N.D. mpo tango Président Mobutu alongolaki ye ministre ya Education nationale, akanisaki akotiya ye ministre ya Affaires étrangères tango Justin-Marie Bomboko akotaki na disgrâce. Ye ayebaki kaka que ndenge asala mission ya ko enlever Moïse Tshombe malamu, suite logique ezali tee akoma na tête ya diplomatie mpo tango wana azalaki ambassadeur na Bruxelles. Malheureusement, asalaki faux pas ya kosalisa ndeko na ye ya Bandundu, Kudia Kubanza. Yango wana Président Mobutu atiaki ye libanda. Neti (épouses) mama Mungul na mama Kudia Kubanza bazali baninga, Mungul Diaka ayebanaki na Kudia Kubanza sima ya ba relations ya ba mama. Tango balongoli Kudia Kubanza na armée, Mungul Diaka apesi ye villa na ye na Limete mpo afutela kuna. Kuna nde babandaki kokutana na masolo mpe kosolola na ntina ya avenir politique ya Mungul Diaka oyo alingaki Kudia Kubanza a aider ye na ba relations na ye oyo azali na yango na armée mpe na koluka ba moyens en hommes na matériels ya kosala coup d’Etat.
Na procès wana , Kudia Kubanza asalaki défense na ye ye moko. Par contre, Mungul Diaka azalaki na ba avocats mibale : Maîtres KUBA ya Barreau ya Kinshasa na Fontaines ya Barreau ya Paris.
Basambisamaki le 11 février 1972, mpe Cour suprême e condamner bango mibale na 10 ans ya boloko na 10 ans ya inégibilité na ya privation ya droit ya vote mpe na ba amendes ya kofuta.
Président ya Cour suprême ezalaki Marcel Albert Lihau Eboa Libama, Procureur général de la république ezalaki Léon Lobitsch Kengo wa Dondo. Wana ezalaki na mobimba ndenge procès elekelaki.
Kudia Kubanza, suka suka, ayaki kokueya na mutambo mua suka na 1978 na procès du siècle, procès de terroristes. Neti azalaki lisusu militaire te, babomaki ye na masasi te. Version persistance elobaka que babuakaki ye na cage ya léopard Mimi na Mont Ngaliema. Vivant azali kobundana kasi léopard ezali kopanza ye devant Président Mobutu na verre na ye ya masanga na maboko. Il semblerait que a lalisa Mimi nzala pendant trois jours, avant akotisa Kudia Kubanza na cage na ye. Yango wana tee lelo, nzotu na ye emonana te tout comme ya baninga mususu babomaki bango elongo.
Motuna mibale :
Na dernier bouquin ya Charles Onana (CES TUEURS TUTSI, Au Cœur de la tragédie congolaise) ye alobi boye : ″ A la maison blanche, une réunion très importante du conseil national de sécurité a lieu le 18 août 1960. Ce jour-là, le président Eisenhower laisse entendre au patron de la CIA, Allen Dulles, qu’il faut se débarrasser de Patrice Lumumba. ″
Est-ce que le groupe de Binza était constitué dans le but de la mise en œuvre la volonté de président Eisenhower (l’élimination physique de Patrice Lumumba) ?
Emmanuel Kandolo : Groupe de Binza esalemaki na bokabuani bua parti ya Patrice-EmeryLumumba, Mouvement National Congolais, M.N.C., le 19 juillet 1959. Tango ekabuani, Lumumba atikali ngambo moko, Joseph Ileo, Cyrille Adoula na Joseph Ngalula bakeyi ngambo mosusu. Na bokeyi bua bango, ba Américains via ba Belges bayaki kosimba Groupe de Binza. Yango ekomaki bras ya exécution ya plan na bango na Congo. Kasi, yambo groupe de Binza ekueya na maboko ya ba Américains, yango ezalaki likanisi lya Mgr. Van Weayenberg, Auxiliaire ya Maline mpe Recteur Magnifique ya université catholique ya Louvin na Belgique. Ye alukaki kosangisa la jeune élite congolaise ya diaspora mpo na kolakisa bango nzela mpo ete na bozongi bua bango na Congo, bakoka kosala musala na makanisi ma kokonza ekolo na lolenge lolongobani. Kasi yango elekaki ndenge wana te mpo ba Américains na ba Belges bazalaki na boule mususu na oyo etali ba intérêts na bango na Congo-Léopoldville.
Groupe de Binza ezalaki na : Joseph Désire Mobutu, Victor Nendaka, Justin-Marie Bomboko, Albert Ndele, Cyrille Adoula, José Nussbaumer, Ferdinand Kazadi, Damien Kandolo, Albert Bolela, Joseph Ileo, Thomas Kanza, Joseph Ngalula, Marcel Albert Lihau, Charles Bokanga, Jonas Munkamba, Mario-Philippe Cardoso, Etienne Tshisekedi, Paul Mushiete, na Henry Takizala.
Oui, Président Dwight Eisenhower, apesaki mitindo tout comme roi Beaudouin 1er ya Belgique apesaki lotomo na ba officiers belges oyo bazalaki na Katanga, epayi ya Moïse Tshombe, mpo ba superviser opération ya koboma Lumumba. Maloba oyo, Directeur ya C.I.A., Allan Welsh Dulles, ye moko abimisa yango na munoko mua ye. Colonel Marlière ya services ya renseignements belges na Congo, Larry Devlin, Chef ya Antenne ya C.I.A na Léopoldville (Kinshasa) na cerveau moteur ya crime, Timberlake, batangami na ba rapports ebele ebimi sur liwa ya Lumumba. Lisusu, Larry Delvin na livre na ye Chief of Station, Congo: Fighting the Cold War in a Hot Zone, Ed. Paperback, 290 p. a confirmaka ordre ya President Eisenhower na ba propos ya Sidney Gottlieb, spécialiste ya C.I.A. na empoisonnement, tango ayaka na Congo kokutana na ye na cadre ya ko barrer Lumumba.
Motuna ya misato :
Est –ce que Mr Larry Delvin (Responsable de l’antenne de CIA à Kinshasa en 1960) était à la base de la création du groupe de Binza ?
Soki na tuni yo ba mituna yango parce que nazali na ba documentation ezali éclair te.
Emmanuel Kandolo : Ye azalaki metteur en scène ya Groupe de Binza version U.S.A na Belgique, c’est-à-dire groupe de Binza ya ba étudiants lisusu te, kasi oyo ya ba politiciens.
Papatoto : Kasi ba eyano na yo na affaire Pierre Kanyonga esungi nga parce que ba documents oyo nazalaki na ngo ezalaki incomplet.
Nasuki awa mpe pesa yo merci mingi.
Emmanuel Kandolo : Merci mpe na yo lokola. Tika nabakisa, na suka en te disant que Pierre Kanyonga akomaka livre kitoko : Dix ans de régime Mobutu ou les années les plus sombres du Congo-Zaïre, Monthey, Suisse Ivy, 1976. Livre oyo na ndenge kanyonga ayaki kolongua na J.M.P.R. Belgique mpo na kosala M.A.R.C.nde ezalaki ebandeli ya makambo oyo ememaki ye na liwa.
Patriotiquement,
Emmanuel Kandolo