Youyou, de l’OK-Jazz, pour égayer Zembe

Youyou, de l’OK-Jazz, pour égayer Zembe

Bandeko ya Mbokamosika,

Mbote na bino mpe longonia na mosala bozali kosala mpo na kosepelisa bafana ya miziki ya mboka na biso. Nalingi bobetele ngai ndule mibale. Ya yambo ezali na kombo “Youyou” mpe ebetemi na OK Jazz na mibu 1962-63. Youyou nasengi ezali te oyo Pepe Ndombe ayembaka na mibu 1980. Mpo na kopesa bino mwa makanisi na nzembo yango, eyembami na Vicky (soprono) Franco (alto) mpe na Youlou, nakanisi, na eteni ya mibale mpo ezali na bacouplets na refrain, mpe na guitare solo ya ye mei Franco. Couplet (Vicky): “Youyou naboyi yo te. Yo moko oweli bomengo na bisengo ... Kanisaka ata mwana oyo toboti....Narepeter lisusu: Naboyi yo te.” Refrain (Youlou/Franco): “Youyou naboyi yo te. Yo moko oweli kaka se bisengo ya la vie. Noboyi yo te. Yo moko oweli kaka se bomengo. Mondule ya mibale ezali “Heuruesement Kisi ya Mabe te”, composition ya Vicky Longomba na ebeteli ya OK Jazz.

Botondi.

Wabino ndeko,

Zembe

Youyou,par Franco et l'OK-Jazz

Ndeko ya mwasi Zembe,

Ezali mbala ya yambo okomeli biso. Yango wana tokoyokisa yo nzembo osengi na nkombo ya Youyou. Oyo mosusu ya Vicky toyebi yango, kasi ekosenga biso tango molayi po na boluki.

Mbala ya sima, kasinika pe kosunga blog na biso .

Msg

Ndeko Messager,

Nazali na esongo mingi na tango nazali kokomela bino mwa maloba oyo mpo nazali mpe koyoka nzembo “Youyou” nasengaki. Natondi bino botondi. Ya solo bozali bilombe ya miziki. Nalingi koyebisa bino ete ezali mbala ya liboso te nasengi nzembo. Mbala ya liboso nasengaki nzembo “Masuwa Enani” ya Michel Boyibanda. Nzembo wana elelisaki bato ebele na esengo mpe ebimisaki bacommentaires mingi ya kitoko. Ezalaki na Fevrier 2011. Nazali kozela

“Heureusement Kisi ya Mabe Te”. Ezali na beat moko ya soukouss ya elengi mingi, na dialogue instrumental entre Dessouin na Franco. Ezali mpe une des rares chansons ya OK Jazz ezangi saxo.

Botondi

Wabino ndeko

Zembe

#musique