Réfugiés, métissés, loposo ya nzoto en RDC

Papa Mondongo na Papa Zakama,
Ngai nazali muana na bino ya Lemba, sikoyo nazali na 19 ans, nabotami na 1990, na Lemba kaka, nakoli na Lemba kaka, natangi na Lemba kaka.
Ezali esengo ya koyeba histoire ya commune na biso, nalingi natuna boye, ndenge bowuti koloba, na tangu na bino Lemba ezalaki na Basi ya kitoko, ya pembe, bayemba yango na ba nzembo na Papa
Bokelo.
Bobakisi lisusu basi yango bawutaka mingi na Kasaï suite na ba rébellions ya mboka na biso.
Jour moko tozalaki kolanda ba théatre ya kala, Mama Nzita azalaki boyi epayi ya Papa Nsengo, tangu batuni ye, mama yo ozalaka na bana te, mbala moko abandi kolela, alobi ye abotaki bana na Mundele,
bongo mundele yango akima na bana na Poto.
Lokola grande-soeur na biso azalaki kobima na Blanc moko, mère a profité abandi koloba na grande-soeur, yo wana ozali kobima na mundele ya batu, oyebaka loposo wana elingaka nzala te, biso awa
tozali na biso na mbongo ya kobokola muana ya métis te. après wana, ekomi discussion entre mère na grande-soeur, yo moko oyebi ndenge ba soeur bazalaka monoko molayi envers ba mère.
Après Mére ayebisi biso, na tangu na bango na Lemba ba ressortissants mingi ya Kasaï balekaki ba métis na pembe.
Motuna na ngai ezali boye, lelo ba congolais nionso bakoma noir, ya pembe ekoma ya kotanga, nakendeki nga na ba masta na ngai na province ya Kasaï, na cadre ya ba coop, kasi kuna pe batu tout
bazalaki kaka noir, yango nazali kotuna bino ba Papa na ngai, phénomène yango ewuti wapi. Ezali souffrance ya nzala oyo tozali na yango na Congo ou bien nini. Po soki nalandi maloba ya mère na
biso, tangu alobaki na grande-soeur : biso tozali na biso na mbongo ya kobokola muana ya mundele te, loposo wana ekokaka nzala te. Natuni motuna oyo na cadre ya histoire ya Lemba.

Jean-Webo

Bonjour,

un commentaire vient d'être posté par Coco sur l'article Lemba et ses Bills, sur votre blog mbokamosika

Extrait du commentaire:

Jean Wobo,
napesi yo mbote, natangi makomi na yo, nazui vraiment un cas de conscience, mpo na tango na biso, tozalaki koloba, ah tala azali na moyindo ya ngolo, azali na motane ya madesu, teint na biso
ba congolais ezalaki différent na ba Africains misusu, soki ozali noir trop, tokobenga yo Ghana, puisque ba soda ya ba ghanéens oyo bayaka na compte ya Onu bazalaki moyindo makasi. mpo nafungola yo
boule, tala kaka soki motu awuti mikili, tala teint na ye ndenge ezalaka, lokola mua ko brillé moke, teint wana nde biso ba congolais tozalaki na yango vers les années 1960. Ndenge olobi, emonani
ete, sikoyo bokomi na moyindo ya Monganza to ya Mongusu likolo ya ba grand nzala. sujet oyo ezali tellement complexe, moyen na répondre yo malamu ezali te. Soki moyen ezali Messager atiya
yango à la une. où allons-nous, même loposo na biso ekomi en voie de disparition.

Coco

Coco na Jean Webo,

Liboso natondi bino mpo na limemia na bino. Nasepeli mingi ndenge muana na biso Jean Webo ebengi baye baleki ya na mbula "Papa" Mondongo na papa Zakama.
Na maye matali ba réfugiés ya kasaï na Lemba nakobakisa moke ete, terme réfugiés esalema mpo na moto oyo akimi mboka naye mpo na komibomba o mboka mopaya. Kasi na 1960 réfugiés ekomaki kombo bapesaka na ba congolais baye bakimaka bisika ya mobolu. Na Katanga, ba Luba kasaï, Balubakat y compris Laurent Kabila, Basongye, ba Lulua, Batetela, babenganaka bango na Tshombe mpe bazongaka na mboka na bango, basusu bayaka na Léopoldville. Lolenge moko Baluba kasaï basusu bakimaka bitumba na Bakwanga mpe bayaka na Léopoldville. Yango etindaka Franco ayemba nzembo moko ya ntina : "Na congo nazali réfugiés te". Tokoyoka yango.
Mpo na ba métis bokotanga article moko nasalaka na ebandeli ya blog na biso, nde bokomona ndenge métissage ebotama na congo.
Na maye matali loposo, na congo mobimba loposo na biso ezala sembe sembe. Ozala moyindo, ozala pembe, climat esala ete nzoto ya congolais etanga mafuta. Tozali na Sauna naturel ewutaka na moyi ya mikolo minso. Kasi, loposo etanbolaka nzela moko na bopeto(hygiène) mpe na lolenge ya kolia(alimentation). Loposo ezali tala tala ya santé ya moto nyoso. Soki tango ezwami tokozongela lisolo oyo. (Messager)

Article d'archives:http://www.mbokamosika.com/article-12513369.html

Na Congo Nazali réfugié te

, par Franco & OK-Jazz.

#société