E. Kandolo revient sur "Dr Nico Kasanda"

Matanga ya MODIBO, par Kallé et l'African-Jazz

Merengue Colline, par Nico et l'African-Jazz (1957) fournie par Clément Ossinonde

Nico 1

Ba ndeko,

Nazali komona te pourquoi soki nazali kokoma na lokota oyo nazali à l’aise, ekoki kokoma tout un problème ? Soki nayebi kokoma na francais malamu te, esengeli kaka na tingama na français mpo na ba raison ya soi-disant mondialisation ? Ebongo, pourquoi ba langues na biso mpe ekoki kozala outil ya communication na mondialisation te ? Pardon, botika ngai nakoma na lingala mpo naboyi mindondo ya français mpo yango etungisaka ngai mingi. Na molongo, napesi longonia na baye bazali ko soutenir ba langues na biso mpo ko appuyer promotion an yango mpo culture na biso ekufa te.

Sika, tozongela masolo ma Dr. Nico mpe na biyano na mituna ya ndeko paptoto.

1. Effectivement Dr. Nico azalaki na tournée ya Afrique de l’Ouest, na 1963. Pendant que Dr. Nico azalaki na African Jazz, azala na ba voyages nionso. Mobembo ya Mali na Guinée-Conakry esalemaki na bokasi bua ambassadeur ya Mali na Léopoldville, Alioune Diakité. Ce dernier, azalaki na poste na Léopoldville wuta 1962 tee na 1964. Sima na wana, akeyi na Brazzaville, toujours comme ambassadeur, kobanda 1964 tee na 1968. Ye abandaki kobengama mingi na kombo ya ambassadeur Alioune, na milieu privé mpe alingaki lisano mingi. Na Léopoldville tout comme na Brazzaville, ayebanaki na ba bars nionso ya minene mpe abandaki kosala ba grands kata na ba champagnes ya talo mpe ko séduire basi bakenda sango. D’ailleurs, muasi ninii abandaki ko résister na ye ? Vieux Roger Izeidi, amonaki makambu na ye mpo ambassadeur Alioune abotolaki ye nzele na ye, Marie-Josée Bompeli. Dr. Nico ayemba ye na nzembo ya « Meringue Président », na African Jazz mpe, « Boni boye ? », na African Fiesta Vita. Ambassadeur Aloiune asambuisa ba champagnes ya ndenge na ndenge mpe azali kosukola na yango makolo ma Marie-Josée. Nakobakisa lisusu que ambassadeur Alouine azalaki mpe très impliqué politiquement na politique intérieure na Congo - Léopoldville mpe na Congo Brazzaville. Attitude oyo ezalaki contraire na convention de Vienne.

Voyage ya Mali na Guinée-Conakry nde esalaki que miziki ya Congo eyebana makasi na Afrique de l’Ouest mpe ba orchestres misusu ebotama na kombo ya African Jazz : na Gambie, African Jazz Band, na Labah Sosseh (paix à son âme). Na Guinée Conakry, Guinée Jazz mpe na Bembeya Jazz National. Tobosana te que avant African Jazz etambola na Afrique de l’Ouest, eyebanaki déjà mpo nzembo ya « Indépendance cha cha », ebandi kobeta na ba fetes nionso ya indépendances ya bikolo wana. Ezali bongo tee lelo oyo.

Soki tozongeli nzembo ya « Matanga ya Modibo », na kati, Grand Kallé abuaka Mariam, épouse ya Président Modibo Keita. Kombo na ye mobimba ezali Mariam Travele. Azalaki enseignante mpe combattante na droits civils. Abunda politiquement pembeni ya molongani na ye. Esengeli mpe ko souligner que azalaki belle mpe élégante. Président Modibo na ambassadeur Aloiune, bazalaki ba compagnons de lutte mpe baninga makasi. Na ebandeli ya nzembo, batangaka Modibo na Aloiune. Mpe lisusu na kati, Soudiata (Soundiata Keïta, empereur ya grand empire ya Mali). « Naleli Léo » (Mujos) ezali mpe kolobela mobembo ya Mali.

2. Mpo na koyanola na motuna moye, esengeli nanu koyeba que ba Ghanéens bayaka mingi kosala mosala na Congo-belge mpe babandaki ko vivre ne bon termes na ba Congolais. Ndule na bango, Highlife, ezalaki na succès mingi na Léopoldville tout comme ya biso mpe tango emataki, eyebanaki makasi kuna, na Ghana. Ba Ghanéens, bapesa makila na bango na cadre ya force ya O.N.U. Congo. A. Djim, Ambassadeur ya Ghana, na Léopoldville, na 1960, azalaki mpe fan munene ya Docteur Nico. Tobungi te na circonstances nini azalaki expulser na Congo kaka na meme annee, 1960. Na oyo etali lolenge Président Kwame Nkrumah akumisaki Dr. Nico, ezalaki na cadre ya komatisa lokumu ya mutu nionso oyo azali kosala lokumu ya Afrique na domaine na ye. Tobosana te que Président Kwame Nkrumah azali père ya pana africanisme africain.

3. Kokabuana ya Dr. Nico na Rochereau ewuta na attitude ya vieux Roger Izeidi. African Fiesta Vita ezalaki orchestre ya bango misatu mpe ensemble babandaki ko gérer na ba Editions Vita. Roger Izeidi azalaki na fonction ya Chef ya orchestre. Akenda ko s’emgager na signature ya contrat ASL, maison d'Editions na Nairobi, na Kenya, sans que a informer Dr. Nico. Tango ce dernier a apprendre yango, évidemment a proposaki sanction ya ko remplacer Roger na Rochereau na ebonga ya Chef ya orchestre. Rochereau azalaki na ba hésitations mpe elakisaki que ayebaki ba manœuvres nionso ya vieux Roger. Yango ezalaki interpréter nenti likita ya clan ya Bayanzi. Na ngambo mosusu, Rochereau azalaki na ba bonnes relations na Victor Nendaka, patron ya sureté nationale congolaise mpe membre très influent tya Groupe de Binza. Asalela Nendaka nzembo ya « Sophie Elodie », fille ya Nendaka, tango abotamaka na 1966. Mutu te akoki koyangana appui ya Nendaka na African Fiesta national Ya Roger Izeidi na Rochereau. Tika nayebisa lisusu que kokabuana wana, esalaki que Dr. Nico na Rochereau, balobana te pendant 15 ans. Mpe na kati wana, Rochereau abuakelaki Dr. Nico nzembo ya « Likala ya moto”. Dr. Nico azongiselaki ye « Toyebi nganga na bino ». Na ki ennemi wana, Rochereau atikala kotanga kombo ya Dr. Nico te na nzembo ya « Mokitani ya Wendo ». Et pourtant, atanga ba alanga nzembo ya minene ya tango wana !!!

4. Le jeune Nicolas Kassanda, a planifiaki asala mariage na ye na Alphonsine, na 1960. Kasi, esalemaki lisusu bongo te mpo voyage ya Europe eyaki mpo na kokende na Table ronde na Bruxelles mpe kotambola na bikolo bisusu. Sur place na Bruxelles, esika African Jazz ezalaki loger, mosika te na Bon marché, une jeune demoiselle belge, azalaki journaliste na Le soir de Belgique, akomaki article moko elobelaki talent ya Nicolas Kassanda na guitare. Ba relations esalemaki mpe ekomaki kopusana à tel point que ayaki kosenga na Dr. Nico atikala na Bruxelles. Kasi, motema ezalaki kaka na fiancée na ye atika na Léopoldville.

Makambo eyaki kokomela ye sima ya ba mbula na molongani na ye, epesaki ye mutu pasi mpo alingaki ye mingi mpe eyebani que soki muasi olingi, atamboli na mutu mususu, esalaka malamu te mpe yango ememaka makambo ebele na couple. En fait, gestion ya nionso wana, ezali très difficile mpo na Docteur Nico. Na oyo etal vol organisé esalemaki na ba Editions Sukisa, Docteur Nico alandelaki likambo na justice, batu bakangemaki mpe ba kombo minene etangemaki neti ba suspects, kasi, procès etikala kosalema te.

Ndenge biso banso toyebi, Président Mobutu atindaki Dr. Nico na ba soins na Bruxelles tout en sachant malamu que akozonga ne vie te. Eyebani mpe malamu que Dr. Nico atikala koyembela regime ya Président Mobutu nzembo ata moko te mpe atikala ko participer na ba manifestations ya animation te. Maladi elongaki Dr. Nico, eyebana mpe na signes ya liboso ya manifestation na yango, esalemaki tango awutaki na Etas-Unis. Nabosanaka te, mokolo mosusu, namonaka ye na nganda ya ba Kasaïens moko ezalaki na matonge, kua Ndaya Tshiteku. Kuna ezalaki esika batu babandaki kokutana mpe koliya : makubua, tushi, meshi, tukunda, mpose, mutu wa mbuji, konyi, tumbele, tshiomba tshia kabiola, ndakala, etc. mpe miziki oyo ebetamka kuna ezalaki kaka ya Kasai. Tango Dr. Nico akomi wana, ezalaki tshimvundu !!!

Ndenge ndeko Ossinonde Clément alobi, ba enregistrements esalemaki na Brazzaville mpe sima ya wana, Lucie Eyenga na Abeti, bakendeki kobeta na Paris. Bon, promotion ya ba nzembo oyo esengelaki ezongisa Sukisa na marche, esalemaki penza makasi te. Na cadre ya collaboration na Akuason, ba albums iye nde esalemaki : Dieu de la guitare na Dr. Nico ausx U.S.A. Production : Bade star music.

Nameki kotanga ba nzembo oyo ekoki koyokisa biso lisusu guitare ya Dr. Nico

Instrumental : Barumbu (Nico), Nico Azongi (Nico), Merengue président (Nico), Afrique de l’Ouest (Nico), Adieu Freetown (Nico), etc.

Na guitare hawaïenne : Mabu hawaïenne (Nico), Ndaya Paradis (Rochereau), Worried Mind ( Ray Charles), Nakeyi Abidjan (Nico), Rochereau Pascal (Rochereau), Limbisa ngai (Nico), etc.

Rythi mboka mosika (Mujos) , Lucifer (Nico), Jolie bébé (Nico), Abramela (Mujos), Keba (Rochereau), Libaku ya nguma(Mujos), A si tu viera (Nico), Bisengo ya capital (Nico), Tabalisimo (Rochereau), Sizarinne (Nico), Natiya zuwa ya tina (Rochereau), Iwi (Rochereau), Nella Negrita (Mujos), Marie Nella (Nico), Natali yango pamba (Nico), Boni boye? (Nico), Olga (Nico), Worried mind (Ray Charles) Dr. Nico abeta yango na ba guitares mibale : haiweinne mpe na gipsie. Nakeyi Abidjan (Nico), Limbisa ngai (Nico), Mambu haiwaienne (Nico), Pauline (Nico), Rochereau Pascal (Rochereau), Ndaya Paradis (Rochereau), Kiri Kiri (Nico), Fiesta kombo ya sika (Rochereau), Riphine missive (rochereau), Oiga Kalle Cha cha (Kallé), Muasi abandaka (Rochereau), Eraorando, Saouda (Nico), Je m’en fous (Nico), Rendez-vous à midi (Nico), ya Gaby (Nico), Le chant de Mallory (André Popp na Pierre Cour), Nico bateta lindanda kitoko esika ya violon mpe ebetama na version originale. Jaloux jaloux (Rochereau), Mpo na bimaki na yo (Nico), Biantondi Kassanda (Nico), Indépendence cha cha (Kallé), Bolingo suka te (Kallé), Kelya (Rochereau), Aimer c’est mon habitude (Nico),Merengue scoubidou (Nico), Impossible (Nico), Bougie ya motema (Nico), Parafifi (Kallé), Est-ce que tekele (Nico), Mea culpa (Rochereau), Pasi ya pamba (Nico), Tosekana (Dechaud), Suki pembe bna African Jazz (Nico), Arsene Dionge (Rochereau), Marie Pauline (Nico), Yoka lelo fiesta (Nico), Muana ya Tabu (Rochereau), Mokili matata (Nico), Tumba (Nico) , R.D.C. Kinshsa (Nico), Sentiment emonani Vicky), Okosi ngai libala (Nico), Lassan yembela ngai (Nico), Bety (Mujos), Baila,cha cha cha (Essous), Serenade sentimental (Essous) , M.N.C Uhuru (Kallé), Vive Patrice Lumumba (Vicky), R.D.C. Kinshasa (Nico).

A suivre…

Emmanuel Kandolo

#musique