Les dernières réactions d'Emmanuel Kandolo

Sujet : Réponses d’Emmanuel Kandolo à Ya Moti et Sony Mokonzi

Ndeko ya Moti,

Na comprendre maye manso oyanoli ngai. Nako souhaiter kaka suka suka omeka kosolola na Pablo. Nakoki ko promettre yo que soki Pablo aye na France, soki nayebi, nakosala yo signe mpo omeka kokutana na ye, osolola na ye sur Maxime na makambu oyo bayebisaki yo mpo omeka ko confronter ba versions. Tika nabakisa que Professeur Docteur Kinsala Ndontoni azali moko ya ba meilleurs spécialistes congolais ya maladi ya mutu. Azali ko exercer na Centre neuro-psycho-pathologique (C.N.P.P.)du Mont-Amba ya Université de Kinshasa na Polyclinique privé na ye na Limete.

Patriotiquement,

Emmanuel Kandolo

Ndeko Sony Mokonzi,

Ba informations sur origine portugaise ya vieux Jeannot Bemba ezali ya lokuta mpe ezalaki campagne mabe ya ba adversaires politiques na ye!!! Kombo na ye ezalaki Jean Pollet, kombo oyo ezali ya ba portugais te. Petite fille na ye, Liliane, muasi ya Jean-Pierre nde azali muena lulua, congolaise d’origine portugaise ngambo ya tata na ye. Texeira ezali kombo ya tata na Liliane, avant authenticité. Sima ayaki kokoma Samba. Kananga mobimba eyebi famille Samba mpe doute ezali te que ba membre na yango bazali bena lulua, babotami kuna mpe balobaka langue locale.

Soki Jean-Pierre Bemba azali na biloko na Portugal ezali mpo na attachement ya famille na ba raisons immobilières na géographiques.

Ndeko, blog na biso oyo ezali wana pona kokabola, kopesela, mpe totunanaka mituna. Soki moko kati na biso azali na eyano, apesi yango na ndeko oyo azali kotuna motuna na ye. Bongo nde esengeli ezala mpe ezali nde bongo !!!

Patriotiquement,

Emmanuel kandolo

Sujet : Mabele, Ntoto : un porte-malheur ?

Ba ndeko,

Nakobakisa likolo lia commentaire ndeko Messager asali en disant que bénédiction ezali lipamboli oyo ezali kofongolela mutu nzela na maye akosala mpo epesa ye libaku malamu na etamboli na ye mpo akoka ko réaliser ba objectifs oyo amikateli na etamboli na ye. Yango mpe ekoki kopesama na bikelamu binso oyo mutu ya mokili akeli. Na oyo etali mutu, mapamboli mapesamaka na etamboli ya nzela ya liloba ya nzambe ; na but ya réussite na concours ou na examen ; na ebandeli ya carrière professionnelle ; na libala ou na ba alliances ya ndenge na ndenge. Na bikelamu bia mutu, mapamboli mapesamaka na outil ya production neti : moyen de transport, boulangerie, ferme, élevage ; na ba établissements touristiques : bar, restaurant, hôtel ; na ba établissements commerciauxl ; mesa na zando, wenze, ligablo ; na espace ya sport na loisir : stade, terrain de jeu, parcs d’attraction, espace vert, jardin botanique, jardin zoologique, etc. Nionso oyo esengaka mapamboli mpo na succès, réussite, sécurité, manque ya accident, manque ya agression, porte chance ou porte bonheur, etc.

Na oyo etali mabele ma biso, esengeli toloba que vraiment tozali na problème munene. Soki totali na histoire ya ekolo na biso kobanda mundele a découvra Congo na Diogo Cao tee lelo oyo, makambo ebele eleka na kati : bakonzi ya mboka bango moko bakanga batu na bango mpo batinda bango na bowumbu en complicité na mundele, exploitation de l’homme par l’homme, exploitation ya sol na sous-sol, nionso oyo na prix ya ba trahisons, ba alliances contre-nature na kosopana ya makila. Tango mundele akeyi, indépendance ekokaki kozala occasion toyokana, tosenga bolimbisi kati na biso mpe tobongisa na intérêt général. Tolobi tee, toboyi, tobandi kosala lisusu makambo kaka moko wana tobandaki kofunda mundele, tozali kolemba tee mpe tozali kaka kokoba se kokoba. Soki tozongi lisusu na sima, tokomona que bakonzi mingi, basi na mibali, ba prophètes, ba agitateurs ya consciences oyo bakufi mpo na conviction ya justice sociale, bakutana na liwa na ndenge ya somo. Mingi basala ba prophéties mpe mingi esika bakufela etikala na bilembo bibele. Nionso wana e attiraka attention na biso kaka te. Mbala ya suka awa, na Conférence Nationale Souveraine, opportunité epesamaki tobongisa, toluka kosala véritablement réconciliation nationale, kasi ikeleve !!!

Lelo oyo batu nionso oyo bazali kokufa pour rien, ezali kaka makila oyo ezali kobakisama na charge ya R.D.Congo mpe ezali ko continuer ko maudire mabele ma biso mpo makila wana etangeli etumba ya libération te, etangi pamba sans motuya, likolo na trahisons ya ndenge na ndenge oyo biso tosali na ba ndeko ba biso mpo na ba intérêts personnels et égoïstes na biso na objectif ya ko garantir bomengo bua baye balingi kodondua na sol na sous-sol ya ekolo na biso. Yango wana tokobanda kaka koloba que mabele na biso baloka yango. D’ailleurs, esengelaki nde tolobaka que mabele ma biso toloka yango na bozangi bolingo mpe buania oyo nécessairement esengeli peuple na dirigeants bazala na yango.

Sika bandeko, nzembo oyo ndeko Messager atieli biso, eyembami na Sam Manguana na orchestre O.K. Jazz. Yango ezali kolobela vie ya mutu nionso mpe na kati na yango vieux Simaro Lutumba, alobeli vie na ye na oyo ezali ko symboliser bolingo na ye. Ndenge biso banso toyebi, soki bolingo na kolingana ezali esika mutu azuami, vie ezalaka na elengi. Peut-être mingi batiaka matoyi te, soki ba ndeko, totie matoyi malamu, tokoyoka na kati atangi Mbole, Jeanne = Di zuani « sobriquet ya Jeanne ». Jeanne Mbole azali muasi ya vieux Simaro Masiya, muasi kitoko mpe très sympathique et habituellement de bonne humeur. Nazua occasion ya kosolola na ye mbala na mbala. Vieux Simaro atongela ye ndaku kitoko na avenue Kamina na Yolo-Nord. Alela ye lisusu na « Ebale ya Zaïre ». Bien que babota te, bolingo wana efanda makasi. Simaro atangi lisusu Kadi, muasi mususu oyo a comptaka mingi na vie na ye. Kadi ezali Kadima. Asalela ye mpe nzembo eyembama na Joe Mpoyi na O.K Jazz. Atangi lisusu muana na ye Lola. Nakati ya nzembo Mabele, alobeli vie na ye ya kala ya ki yankee tout en spécifiant que suka suka ezala otengama na nzela ou otambolaka ndenge elongobani, égalité ezali na liwa. Atelemeli lisusu etamboli ya mutu na vie, par la justice, l’honnêteté. Abendi matoyi ndenge ya kozala ekenge na falanga tout en soulignant mabe ya batu ya mokili na kowela biloko mowe amonelaki mpasi mpo azua. Amoni mpe lolenge basusu babosanaka malamu basalela bango, mpe kobunga na bango ya kosalela moninga malamu soki azali lisusu kokoka te na vie. A souligner lisusu sens ya mémoire na respect ya maloba ma mowe tout étant réaliste que na liwa, bato nionso te nde bazalaka na mawa tout comme liwa ya mutu epesaka esengo na baye bayinaki ye mpe na ndenge kakoluka kotambola na basi baye ye azalaki na bango tango azalaki na mokili. Wana ezali mokili na makambo na yango.

Na yango, soki topesi juste valeur na mabele ma biso mpe tozui conscience ya esika mabele esengeli ezala na existence na survie ya peuple na descendance na ye, wana lien sacré ya sang na mabele ekofandisa nationalisme ndenge esengeli mitema na biso ezala na bolingi bua ekolo. Kasi, soki tozali kaka na kobunga oyo tozali na yango oyo, kosopana ma makila na trahison oyo elati biso, yango ekozala toujours symbole ya non-existence entre bolingo ya mabele na baye bazali wana. Suka suka, toko perdre yango. Wana nde tokoya kokosela mabele makambo en disant que ezali porte malheur alors que biso nde tozali ba faiseurs ya bonheur na malheur na yango na ba prises de décision na biso irresponsables oyo ezali ko tenir compte ata muke te na ba générations à venir.

Totiya lisusu litoyi na nzembo oyo ya Mabele Ntoto (Ntoto ezali na kikongo=mabele).

Patriotiquement,

Emmanuel Kandolo

#opinion