/image%2F0931504%2F20140222%2Fob_7467d6_bannier-mbokamosika-jpg)
Investiture d'OBAMA: par E. Kandolo
Ba ndeko,
Batu mingi bakani baya na investiture ya Président Barack Hussein Obama mpo na ko symboliser moment historique oyo. Pour la toute première fois na histoire ya Etats-Unis ya Amérique, mutu moindo akomi Président ya ba Américains. Mingi kati na biso na blog na biso oyo ya Mbokamosika toyebi eloko nini yango elingi koloba mpe na ndenge histoire ya Etats-Unis esalemi na bato moindo oyo mundele akendeki kokanga na Afrique mpo na komema na bowumbu na Amérique. Lelo oyo, sima ya deux cent ans ya lutte ya droits de la personnes humaine, suka suka eye komonana que eloko eleki ba véritables valeurs humaines oyo mutu ya mokili azali ko lutter mpo yango ezala liboso ya manso ezali te.
Libota na biso mobimba, kobanda na papa na mama, tosangaki kuna mpo na ko vivre événement oyo. Esengeli nabakisa que Obama azali mokitani ya moyumbu te. Ye azali noir oyo abotami na Africain oyo ayaki kosala ba kelasi na ye na Etats-Unis. Détail oyo ezali lisusu ko fasciner ba Américains dans ce sens que bazali koloba que ezali kaka neti moindo ya Afrique nde aye kopesa loboko na moindo ya Amérique (African American).
Tokomaki na Washington D.C. par Dulles te mpo na ba raisons personnelles. Toyelaki na J.F.Kennedy, terminal I. A partir ya wana tosali nzela tokomaki na ndaku juste na 23h 30 heure locale (11:30pm). Na tongo na yango esengelaki tokende na Capitol (Assemblée nationale ya Etats-Unis). Eyebanaki que batu bakoya mingi yango wana biso to préferaki tolongua ndaku na 7h00 du matin (7:00am). Ba nzela etondi na batu mpe ba colones ya bus na ba voitures nionso ezali kosuka na portes ya ville. Batu ebele na métro, na makolo, na nse ya ba tunnels na esika nionso bazali kotambola malembe malembe sans komitungisa mpe ba services de l’ordre tout comme ba agents oyo D.C. etia na ba endroits touristiques mpo na ko orienter batu, babandaki kosala musala na bango malamu. Nzela nzela ba pombiers, ba ambulanciers, ba volontaires, policiers, gardes nationaux basimbi makambo sans problème. Avenue Pennsylvania na ba avenues nionso ezali perpendiculaires na yango ezalaki bien quadrillées. National Mall mpe batiaki yango bibende na ba portes oyo batu bakokotela na kobimela. Ba portes ya jardin ya Capitol na ya entrées nionso ya National Mall efonguamaki na mua retard : au lieu de 7h00 ndenge esengelaki, yango efonguamkani na 7h50. Quelle organisation ? Selon la presse américaine : alerte ezalaki na niveau ya Orange, 4.000 policiers, 10.000 gardes nationaux plus ba milliers ya ba pompiers, ambulanciers na volontaires bazalaki na service. Espace aérien ezalaki interdit na survol mpe fermer na rayon ya 60 km. Batie 5.000 toilettes portables, 3.000 bus ezalaki na service ya batu (donc soki batandi ba bus wana ekosala ligne droite ya 130 km) ba écrans géants na ba baffles chaque 50 m.. Na likolo ya ba batiments, ba tireurs d’élite prêts ya ko réagir. Na ba portes nionso batie ba postes de sécurité na nse ya ba tentes ya pembe. Obligatoirement esengeli koleka na métal détecteur mpe na fouille neti kaka na aéroport. Liquide nionso (sauf mpo na batu bazali na ba bébé), parapluie, objet tranchant, nionso ezali kotikala wana. Ba pancartes kaka ya carton mpe na dimension réduite nde ebandaki koleka.
Na ba écrans géants batiaki na libanda, na 8h 00 tomoni Barack na Michelle Obama bazali kobima na Blaire House (Résidence Blaire) mpo bakende na Saint John’s Episcopal Church (Eglise Episcopale Saint Jean). Résidence Blaire ezali juste na liboso ya lopango ya Maison Blanche. Yango etongamaka mpo na le tout premier Directeur général ya santé publique ya Etats Unis, na 1824. Sima eye kokoma résidence ya ba hautes de marque ya Maison Blanche. Président Truman mpe afandaka kuna tango rénovation ya Maison Blanche esalemaka entre 1948 na 1952. Par ailleurs, Eglise Saint Jean, ezali na balabala elandi, na H St. NW, yango ezali ndaku ya nzambe oyo epambolaka ba chefs d’Etats Américains. Ba rites oyo esalemaka kuna, eyebanaka te mpe balakisaka yango te. Na kati kuna, ba pasteurs na ba sango oyo balandaka oyo akomi Président mpe bayaka kuna mpo na kosangisa ba prières. Selon ba indiscrétions tobanda koyoka banda kala que ba rituels wana ezalaka ya kosala alliance mpe kolaka na oyo etali kokangisa bokasi bua nzambe na ya U.S.A nionso wana na kati ya ba sécrets elobamaka kuna. Bref, sorte ya culte mystique avant intronisation.
Na 9h 49, sortie ya Eglise mpe basimbi nzela ya bokeyi na Maison Blanche esika couple Bush ebandaki kozela bango mpo na komela mua café, thé ou chocolat chaud mpe ko changer ba civilités mbala ya suka yambo bakende elongo na Capitol. Na bokomi ya couple Obama, Michelle apesaki Laura Bush cadeau mpe babendanaki na kati ya Maison Blanche. Tango bango bazali komela ba boissons chaudes, biso mpe masolo na ba animations. Sénat américain ekabolaki 240.000 tickets. Kasi batu mosusu oyo bazuaki ba tickets yango, misusu babandaki kotekisa yango entre 2.000$ na 40.000$. Notons que ba sénateurs bakabolaki ba tickets wana ndenge balingaki mpo ezalaka ndenge wana. Sika mutu na mutu akotala soki alingi atekisa yango ou aya ye moko!
Vers ba 11h 00, batu batondaki mingi na Nationa Mall. Malgré malili makasi esalaki -15 ̊C. mpe -20 ̊C. na facteur vent, Selon police, batu bazalaki entre un million cinq cent na un million huit cent mpe deux million tango prestation ya serment esalemaki. Un million elingi koloba : otelemi mpe opanzi makolo likolo ya double page ya journal. Deux million : otelemi likolo ya page moko ya journal. Donc espace entre batu ezalaki muke. Distance ya National Mall kobanda na Capitol tee na Monument ya Abraham Lincoln ezali à peu prés (estimation à vue) distance ya kobanda na échangeur ya Limete tee na aéroport ya Ndolo sur le bulevard Lumumba. Na largeur, espace wana ezali comparable na vraies dimensions ya terrain ya stade ya football d’une ligne de touche à l’autre.
Tango Bush na Obama banbandi koya, ba drapelets ebandi kopepa mpe batu koganga. Wana bazali na kati ya voiture Cadillac ya sika oyo esalemi mpo na Obama (ezalaka ndenge wana, chaque mandat, Président ya Etats Unis azalaka na droit na voiture ya sika). Kombo na yango ya code ezali « The Beast », Cadillac modèle secret défense, de marque General Motor (GM), immatriculée U.S.A. 1. GM ezali compagnie oyo e fournisaka ba voitures spéciales mpe régulières na gouvernement Américain. Eyebani que Président Américain esika nionso akendeke, ezala na Etats-Unis ou na étranger, voiture wana ememaka ye parce que yango ezali très sure koleka ba voitures nionso ya mokili. Selon ba rares indiscrétions oyo ekueyi na presse américaine, voiture oyo ezali na exemplaire moko kaka te. Volume ya masse ya blindage na yango ezali ya 20 cm, chassis ezali na fond plat ya 12 cm ya acier mpe na vitrage blindé na yango ezali na volume ya double cheeseburger ou ya six tranches ya pain coupe, ba pneus ezali anti-crevaison ya Kevlar renforcé. Ezali lisusu na système de vision nocturne na ya défense oyo ezali na ba lances ya ba bombes lacrymogènes na kobeta masasi. Ba portières na yango ezali na même poids na ya Boeing 747.
Tango Bush na Obama bakomi, batikalaki quelques minutes na Capitol mpe sima na yango Obama ayaki kokota mutu ya suka ndenge protocole ebongisaki. Bush, Président sortant, na ba anciens Présidents nionso bazuamaki wana. Sénatrice Dianne Feinstein nde azalaki maîtresse de cérémonie. Na ebandeli ya cérémonie, pasteur–fondateur et principal ya église Saddleback Valley na Californie, Docteur Richard « Rick » Warren asalakai mabondeli. Sima ya wana, Aretha Louise Franklin, la reine de soul (Queen of soul), figure emblématique de la ségrégation, ayembaki « My Country, Tis of Thee » composition ya Samuel Francis Smith. Sima, Itzhak Perlman (violoniste), Antony McGill (clarinettiste), Gabriela Montero (pianiste) na Yo-Yo Ma (violoncelliste) babetaki « Air and Simple gifts » ya John Williams. Tangu ndule esili, mutu ya liboso a prêtaki serment ezalaki Joseph « Joe » Robinette Biden, Jr. devant John Paul Stevens, juge na cour suprême ya Etats Unis. Sima nde Obama aye ko prêter serment devant Président ya cour suprême américaine, John Roberts : "Moi, Barack Hussein Obama, je jure solennellement de remplir fidèlement les fonctions de Président des Etats-Unis, et, dans toute la mesure de mes moyens, de sauvegarder ; protéger et défendre la Constitution des Etats-Unis". Sima ya wana, Obama ayaki kosala discours na ye. Na kati alobaki que boponami na ye ezali kolakisa que espoir ezali makasi koleka kobanga. Azali komema makambo ya sika na komipesa na mosala, ko éviter vie facile, kotombola justice na kolakisa ba valeurs ya ba Américains na oyo etali kolanda nzela elongobani. Esengeli kobongisa lokumu ya Amérique mpo ba valeurs na yango ebebaki na lolenge Etats Unis etamboli na kosangisa sécurité na yango na ba idéologies ya mboka. Akosala nionso mpo mboka efonguama na mokili tout en tenant compte ya bokeseni na bikolo mosusu na oyo etali ethnie, culture, économie, politique, etc. Kosukisa ba dogmes elemba, na maye manso oyo elakelamaki kasi esalemi te. Avant ya kosukisa, la poétesse Eliszabeth Alexander atangaki « Praise Song for the Day » poème moko kitoko composé na quatorze tercets. Elobelaki mosala ya mukolo nionso, mpe maye ba oyo nionso basalakai na etumba ya liberté mpe muinda oyo ekolakisa mutu nzela. Na suka, révèrent Pasteur-docteur Joseph Lowery ayaki kosala bénédiction finale.
Sima ya cérémonie, Président Obama akeyi kotika Président Bush na hélicoptère na ye. Neti Bush azali lisusu mokonzi te, hélicoptère oyo ebengamaki “Executif One”. Ekobengama na kombo na yango “Marine One” kaka soki Président en exercice azali na kati. Mpe yango échangeaka commandant de bord soki mokonzi a changer. Mais tangu Bush apumbue, batu bawololi ye mpe misusu bazali kofinga ye. Hélicoptère ekumbi ye na Meryland na Andrews Air Force Base mpo amata pepo na ye Boeing 747 na kombo ya « Special Air Mission 2800 », mpo azali lisusu Président te. Ekobengama « Air force One » soki kaka Président actuel azali na kati. Na avion na hélicoptère ya Président, commandat de bord asalaka durée ya mandat ya Président oyo ye akobanda komema, quatre ou huit ans. Na cas ya Bush basali huit ans. Tango couple Obama ezongi na Capitol, Obama akeyi ko signer procès verbal ya prestations de serment « Executif Order » mpo ezala na légalité constitutionnelle. Sima ya wana, mua masolo, akeyi kolia na ba sénateurs elongo na ba membres ya famille na ye mpe na ba rares invités trillés sur le volet. Tango bango bakeyi kolia, biso mpe tobimi tobandi kokende na restaurant mpo tolia, mpe sima tokende na department of Treasury (ministère de finances). Tango tobimi na Capitol, tozui Constitution avenue mpo tobuka na 14ième avenue mpo tokueya na angle ya 15ième avenue na Pennsylvania, toyoki na batu que pendant diner offert na sénat mpo na Obama, ba sénateurs Edouard kennedy na Robert Byrd basali malaise. To continuer nzela mpe toyebaki que tokozala na chance ya komona ba Obama pamba te mingi mingi couple présidentiel ekitaka na ba endroits oyo ba bâtiments fédéraux ezali mpo wana batu ta services secrets bazali na contrôle na yango mpe entre ba bâtiments oyo, ba risques ya likama ezali élever te. Kala te, vers 16 h couple Obama eye koleka biso wana. Distance entre Capitol na Maison Blanche ezali ya 2.5 km. Il fallait tomona bango, yango esalemaki bongo. Bana na bango bakitaki te mpona ba raisons ya sécurité. Michelle azali mbinga ya muasi, mulayi, jambes arquées, ba formes na ba mollets (mikolo bibendu, mfundu ne mabunda eloba ba luba). Obama nzoto mike na mua libandi, suki ya pembe ekomi kobima. Heure wana, service secret azalaki à ses gardes, ngai nameki ko utiliser téléphone rien, ezali kosala te, réseaux nionso brouiller, disposif na bango ezalaki parfaitement en place, mpe comme d’habitude ba portières ya The Beast ezalaki ya kofunguama au cas où likambo ekokaki koya, babuaka bango na kati. Nakobakisa lisusu que même tango Obama abandaki kosala discours na ye na Capitol, communication téléphonique ebandaki koleka te. Yambo akoma wana, ligne ebandaki kokatanakatana, tango kaka ba anciens Présidents bakomi boye, nionso ekatani.
Sima ya wana, tozongi na ndaku komibongisa mpo biso mpe tosengelaki tokutana na restaurant ya un grand hôtel na D.C. en compagnie ya ba familles amis oyo toyebani na bango. Makambo e continuaki tee na parade. Tango parade devant clôture ya Maison Blanche esili vers 22h, na minuit, Obama akendaki kobina na dix ball dansantes oyo esalemaki na honneur na ye. A tournaki tee na deux heures du matin esika nionso ball esalemaki. Mususu ezalaki ofele mpo na ba familles oyo bazali na makoki mingi te, misusu 175$ mpe kati ya prix mpo na ba mineurs, etc.
Ba ndeko, Washington ezali ville ya 600.000 milles habitants majoritairement noire. Donc, muke mingi. Organisation ya ba festivités oyo na bakonzi ya D.C. na ya gouvernement fédéral ezalaki réussite munene (encadrement ya batu, sécurité, moyibi esalemi te, accident moko te, nionso esalemi malamu). Tango tosilisi na restaurant na ba une heure du matin, mboka esi ekomaki peto, na National Mall bakongoli ba poubelles nionso, ba barrières na nzela elongue, etc. Très bonne organisation mpe mutu na mutu asali mosala mua ye.
Investiture ya Président noir na Etat unis ezali elembo ya longue lutte oyo baye banso ba mener mpo na ba droits civiques. Yango elingi lisusu kolakisa que bolingo ya mboka elingi koloba kobunda etumba mpo na avenir mpe bongo na bongo. Ba oyo ba luttaki, lelo oyo mingi bazali lisusu te. Kasi baye ba récolter ba fruits ya etumba wana ezali bakitani ya batu oyo baniokuamuaki mpo lelo oyo mutu oyo awuti na minorité a diriger Etats-Unis. Peu importe durée ya lutte, kasi soki conviction na noblesse ya lutte wana ezali liboso ya nionso, mingi ekosalema. Longonia mpe na Obama ndenge azalaki likolo ya ba races na ba blessures misusu oyo ekokaki kokabola batu. Azali oyo asangisi ba Américains, yango ezali eloko batu balingaki, bosangani mpe bokokaki, atako mingi ya kosala ezali.
Ngai personnellement nakanisaki discours ya Pasteur-docteur Martin Lutter King. Kasi tobosana te que Obama baponi ye na ba Américains mpo asalela bango mosala, mpe crise financière oyo ekotisi mobulu na économie mondiale ewuti na Etats Unis. Ye nde akolukela bango ba solutions na maye mazali kotambola te na mboka na bango mpe yango emeka kotombola économie na bango na nionso oyo ezali ko engendrer.
Patriotiquement,
Emmanuel Kandolo