Overblog
Editer l'article Suivre ce blog Administration + Créer mon blog

Archives

Publié par Messager


Ba ndeko, 

 

Antoine Mandungu Bula Nyati « Tony Tony, Carbure » abotami na Kinshasa, le 14 septembre 1935. Azali mu Mbala. Asali école primaire epayi ya ba sango mpe na sima akoti na Force publique na 1952. Tango Congo ekomi lipanda, azalaki na pete ya Sergent. bembeni ya mosala mua soda, asali ba cours du soir na section commerciale tee aye kolonga yango. Na 1958, azui mise en disponibilite na Force publique, mpe akomi Rédacteur en chef ya Emancipation (journal) mpe azali ko signer ba articles na ye na kombo ya Tony Tony. Na même moment a décider asala politique na parti du peuple (P.P) mpe a participer lokola observateur na Congrès ya ABAKO na décembre 1959 na Kisantu. Na sima ya wana, na janvier 1960, akeyi na Bruxelles na Table ronde comme suppléant ya P.P. Na 1961 azui inscription na Institut Pédagogique National (I.P.N.). Kasi, ayaki ko changer boule mpe alandi gouvernement ya Antoine Gizenga na Stanleyville. Kuna azui ebonga ya responsable ya jeunesse na information populaire ya M.N.C.- Lumumba, sima ya wana akomi Rédacteur en chef ya journal Uhuru (liberté)  mpe membre ya Comité National de Libération (C.N.L.).

Akeyi na Union des Républiques Socialistes Soviétiques (U.R.S.S.) na août 1961. Kobanda wana  tee na juin 1964 asali ba études ya journalisme na université d’Etat ya Moscou Lomonossov  mpe na ba stages na République Démocratique ya Allemagne (R.D.A.) Tango asilisi, atikali kuna na U.R.S.S. une année en tant que représentant ya République Populaire du Congo (ya Gbenye). Sima, azongi na Stanleyville mpe, azui ebonga ya responsable ya propagande na organisation ya M.N.C- Lumumba. Abandi mpe koleka mingi na radio Stanleyville na kombo ya Tony Nyati. Tango rébellion ya Gbenye epoli, akimi, akeyi na Suisse na 1966 kotanga na Institut africain ya Genève.

Entre 1966 tee na 1973, azali kobaluka entre Suisse, France na R.D.A. tee tango Président Mobutu asalaki voyage na Chine populaire na janvier 1973, akeyi kokutana na ye kuna mpe Président ayebisi na Commissaire d’Etat na Orientation nationale, Sakombi Inongo, a bombarder ye Rédacteur en Chef ya revue Zaïre na Bruxelles, en remplacement ya Buana Kabue. Wuta Bruxelles, Antoine Mandungu, Abongoli kombo, andimi kombo ya sika ya authenticité, Mandungu Bula Nyati (ou Bula Mandungu Nyati). Mbala moko abandi kosala propagande ya régime ya Président Mobutu mpe kokoma ba articles na gloire na ye. Na début 1974, abengami na Kinshasa, akomi conseiller principal ya Président de la République, chargé des questions sociales et culturelles. Na cadre wana nde ayaki kokoma organisateur ya combat du siècle kati na Mohammad Ali na George Foreman na Kinshasa na octobre 1974, sous la supervison ya Directeur ya Bureau du Président de la République, Bisengimana Rwema. Sima ya réussite ya événement wana, akomi Commissaire d’Etat na Affaires étrangères (Ministre) le, 7 janvier 1975, mpe a jouaki rôle ya médiation na conflit na Angola mpo na connaissance na ya politique étrangère soviétique na Afrique. Tour à tour, azalaki Commissaire d’Etat na Orientation nationale (Ministre ya information), 23 février 1977, Travaux publiques et aménagement du territoire. Kobanda na 21 janvier 1978 tee na 18 janvier 1980, Gouverneur ya ville ya Kinshasa. Wuta 18 janvier 1980 tee na janvier 1985, Gouverneur ya Région ya Shaba (province ya Katanga).

Na septembre 1984, tango azalaki kaka Gouverneur ya région ya Shaba, akeyi na République Fédérale ya Allemagne (R.F.A.) na formation spéciale na Direction ya police nationale allemande na Nuremberg na DM8. Sima ya wana, aye kokoma Président-Directeur général ya Garde civile na 1985. Wuta le, 18 avril 1986 tee na 22 janvier 1987 azongi lisusu na poste ya Commissaire d’Etat na Affaires étrangères. Na janvier 1987 tee na mars 1988, Commissaire d’Etat na information. C’est à ce titre nde asakolaki likambo ya Mobutu et Mubarak 1 (M.M.1), Kisi ya SIDA.  Kobanda le, 7 mars 1988 tee na 26 mars 1988, Commissaire d’Etat na administration du territoire na décentralisation (intérieur). Le, 28 novembre 1991 akomi Ministre ya Intérieur na développement communautaire.  

Na ba relations asalaki na Allemagne Fédérale, Mandungu a introduire moninga na ye, ingénieur Luth Kays, epayi ya Président Mobutu. Masolo eboti Orbital Transport Und Racketein Acktiengesd Schaft Ag (OTRAG), le 27 mars 1976.  Sima ya mbula mibale, na 1978, OTRAG ekomi liquider. Mandungu asali société ya sika na kombo ya Société Agricole et Minière du Zaïre (SAGRIMIZA) na ba installations ya OTRAG. Akomi ko cumuler Gouverneur ya Shaba na Président ya Société privée na ye !!! Na 1980, akomi membre ya Comité central du M.P.R.

Mandungu asalaki musala malamu na conférence nationale souveraine mpe na supervision na ye, élections nionso esalemaki na transparence : Bureau ya C.N.S., tango azalaki Ministre ya intérieur. Sima ya wana, ayaki kokoma Chef ya majorité parlementaire mpe asangani na Maître Gérard Kamanda wa Kamanda mpo na kosala Front commun des nationalistes (F.C.N.) na 1991. Sima, bayaki lisusu kokabuana, ekomi na ba ailes mibale : F.C.N - Mandungu na F.C.N - Kamanda.

Avant wana, esengeli lisusu toyeba que carrière ya Mandungu ezalaki vraiment claire te : azalaki kofunda batu na sûreté belge, sima akomi na gouvernement ya Stanleyville. Kuna nde esika babandaki koboma batu na monument ya Lumumba na centre ville ya Stanleyville. Tango akomaka ministre ya information, abandaki mpe ko lutter contre liberté ya presse. Na moment ya ba massacre ya chrétiens na 1991 na Kinshasa, ye nde azalaki Ministre de l’intérieur. Donc, azalaki mpe na période mulayi ya rôle trouble.

Mandungu, ye mutu abandaki kotambola na kombo ya Lumumba na munoko na Stanleyville, akimaki Zaire, tango moninga na ye mosusu ya Stanleyville, L.D.K.akotaki triomphalement na Kinshasa. Akendaki kopema na Cotonou na Benin epayi ya Président Mathieu Kerekou. Ex-révolutionnaire. Kuna nde atika mokili na l’an 2000.

 

Patriotiquement,

 

Emmanuel Kandolo
Pour être informé des derniers articles, inscrivez vous :

Commenter cet article

Serge 03/10/2018 11:51

Merci mingi ndeko Emmanuel. Na tanga ka makomi na yo mingi mpe ne sepelaka mingi ndenge opesaka biso ba nsango ya mboka na biso oyo tolingaka mingi. Kasi na lingi osalisa nga na mwa mituna na nga. Nalingi na yeba Biographie mobimba ya Louis Namwisi Ma Koy. Soki mpe okoki ko betela biso lisolo ya Général Sébastien Eluki Monga Aundu. Merci mingi

Bertrand 28/03/2018 15:55

Un très grand merci à Emmanuel Kandolo pour cette page d'histoire. On devrait rassembler tous ses articles pour en faire un livre.

Gloire Bula 04/02/2017 17:30

Je suis son petit donc koko naye il n'était pas mu Mbala

Mbingazo 27/03/2018 11:33

Nasemboli bomoyi ya kondo Mandungu manso te.
Esengeli boyekola lingala malamu zambi mbebe etondi na kati ya makomi eye.

Antoine Mandungu Bula Nyati « Tony Tony, Carbure » abotami na Kinshasa, le 14 septembre 1935. Azali Mombala. Asali école primaire epayi ya basango mpe na sima akoti na Force Publique na 1952. Tango Congo ekomi lipanda, azalaki na pete ya sergent. Pembeni ya mosala mwa soda, asali cours du soir na section commerciale mpe asilisi. Na 1958, azwi mise en disponibilité na Force Publique, mpe akomi Rédacteur en chef ya émancipation (journal) mpe azali ko signer articles na ye na kombo ya Tony Tony. Na tango wana akwi mokano ya kosala politique na parti du peuple (P.P.) mpe azalaki lokola motali na Congrès ya ABAKO na décembre 1959 na Kisantu. Na sima akeyi na janvier 1960,na Bruxelles na table ronde lokola ntoma ya P.P.
Na 1961 azwi amikomisi na eteyelo ya likolo (Institut Pédagogique National -I.P.N.). Kasi, ayaki kobongola makanisi mpe alandi gouvernement ya Antoine Gizenga na Kisangani (Stanleyville). Kuna, azwi ebonga ya bokambi bilenge na eye etali M.N.C.- Lumumba. Na sima akomi mokomi mpe mokambi ya journal Uhuru (liberté, bosomi) mpe moko ya Comité National de Libération (C.N.L.).
Akeyi na Union des Républiques Socialistes Soviétiques (U.R.S.S.) na août 1961. Wuta wana kino na sanza ya motoba 1964 asali kelasi ya bokomi sango na université d’Etat ya Moscou Lomonossov  mpe na stages na République Démocratique ya Allemagne (R.D.A.). Tango asilisi, atikali kuna na U.R.S.S. Mobu moko lokola ntoma ya République Populaire du Congo (ya Gbenye Christophe). Na sima azongi na Kisangani (Stanleyville) mpe akomi mokonzi ya propagande na organisation ya M.N.C- Lumumba. Abandi mpe koleka mingi na radio Kisangani (Stanleyville) na kombo ya Tony Nyati. Tango batomboki ya Gbenye bakpeyi, akimi na bokeyi Suisse na 1966 kotanga na Institut africain ya Genève.
Wuta 1966 kino 1973, azali kosala mobembo na Suisse, France mpe R.D.A. Eleko Président Mobutu asalaki mobembo o mboka Chine Populaire na sanza ya yambo 1973, akeyi kokutana na ye kuna mpe Président ayebisi na Commissaire d’Etat ya Orientation Nationale, Sakombi Inongo, akomisa ye mokonzi ya bakomi ya revue Zaïre na Bruxelles, na bokitani ya Buana Kabwe. Wuta Bruxelles, Antoine Mandungu, Abongoli kombo, andimi kombo ya sika ya authenticité, Mandungu Bula Nyati (to Bula Mandungu Nyati). Abandi sesepi kosala propagande ya régime ya Président Mobutu mpe kokoma ba articles mpo ya kembo ya Mobutu. Na libandela ya 1974, abengami na Kinshasa, akomi conseiller principal ya Président de la République, chargé des questions sociales et culturelles. Engebene na mosala mwa yeye akomaki mobongisi ya etumba mobu kama (combat du siècle) Mohammad Ali - George Foreman na Kinshasa na sanza ya zomi 1974, eye etalamaki na mokambi ya bureau ya monyangeli ya ekolo, Bisengimana Rwema. Sima ya bolongi mosala mona, akomi Commissaire d’Etat na Affaires étrangères (Ministre) le, 7 janvier 1975, mpe asalaki mosala monene na maye matali matata o mboka Angola mpo na mayele ayekola na politiki ya Union Soviétique na Afrique. Mbala na mbala, azalaki Commissaire d’Etat na Orientation nationale (Ministre ya information), 23 février 1977, Travaux publiques et aménagement du territoire. Kobanda na 21 janvier 1978 kino na 18 janvier 1980, Gouverneur ya ville ya Kinshasa. Wuta 18 janvier 1980 kino na janvier 1985, Gouverneur ya Région ya Shaba (province ya Katanga).
Na sanza ya libwa 1984, tango azalaki kaka Gouverneur ya région ya Shaba, akeyi na République Fédérale ya Allemagne (R.F.A.) na formation spéciale na Direction ya police nationale allemande na Nürnberg na DM8. Sima ya wana, aye kokoma Président-Directeur général ya Garde civile na 1985. Wuta le, 18 avril 1986 tee na 22 janvier 1987 azongi lisusu na poste ya Commissaire d’Etat na Affaires étrangères. Na janvier 1987 tee na mars 1988, Commissaire d’Etat na information. C’est à ce titre nde asakolaki likambo ya Mobutu et Mubarak 1 (M.M.1), Kisi ya SIDA.  Kobanda le, 7 mars 1988 tee na 26 mars 1988, Commissaire d’Etat na administration du territoire na décentralisation (intérieur). Le, 28 novembre 1991 akomi Ministre ya Intérieur na développement communautaire.  
Na ba relations asalaki na Allemagne Fédérale, Mandungu a introduire moninga na ye, ingénieur Luth Kays, epayi ya Président Mobutu. Masolo eboti Orbital Transport Und Racketein Acktiengesd Schaft Ag (OTRAG), le 27 mars 1976.  Sima ya mibu mibale, na 1978, OTRAG ekomi ekpeyi. Mandungu asali société ya sika na kombo ya Société Agricole et Minière du Zaïre (SAGRIMIZA) na ba installations ya OTRAG. Akomi ko cumuler Gouverneur ya Shaba na Président ya société privée na ye !!! Na 1980, akomi moko ya Comité central du M.P.R.
Mandungu asalaki musala malamu na conférence nationale souveraine mpe na supervision na ye, élections nyonso esalemaki na transparence : Bureau ya C.N.S., tango azalaki Ministre ya intérieur. Na sima, akokomaki mokonzi ya majorité parlementaire mpe asangani na maître Gérard Kamanda wa Kamanda mpo ya kosala front commun des nationalistes (F.C.N.) na 1991. Sima, bayaki lisusu kokabwana, ekomi na ba ailes mibale : F.C.N - Mandungu na F.C.N - Kamanda.
Epayi esusu, esengeli toyeba lisusu ete mosala ya Mandungu ezalaki mpenza polele te: azalaki kofunda batu na sûreté belge, sima akomi na gouvernement ya Stanleyville. Kuna nde esika babandaki koboma batu na monument ya Lumumba na centre ville ya Stanleyville. Tango akomaka ministre ya information, akomaki mpe kobundisa bosomi ya presse. Na tango ya bobomi bakristo na 1991 na Kinshasa, ye nde azalaki Ministre de l’intérieur. Elingi koloba ete , azalaki mpe eleko molayi ya mobulu.
Mandungu nde akomaki kotambola na kombo ya Lumumba na Stanleyville, akimaki Zaire, tango moninga wa ye mosusu ya Stanleyville, L.D.K.akotaki triomphalement na Kinshasa. Akendaki kopema na Cotonou na Benin epayi ya Président Matthieu Kerekou. Ex-révolutionnaire. Kuna nde atikaka mokili na mobu 2000.
  Patriotiquement,

smet 04/11/2016 16:59

Merci mingi na ndengi ozali ko edifier ou ko tangisa peuple histoire ya mboka.
est ce okoko ko loba histoire ya koko na biso, Mata edouard commandant ya ba sapeurs pompiers onatra oyo ba pesa kombo na camp onatra en face ya prison ya ndolo?

Messager 04/11/2016 17:34

Tokumeka koluka ba archives

Messager

bombaka 05/10/2011 06:37



monsieur mandungu azali monunu ya bobangi oyo na kinshasa tobengaka balobo kimombala na ye ewuti wapi po azali ndeko ya papa na biso rev enguta, papa mandungu abotama na commune ya kin na av
kabinda



Eric NZEZA 11/02/2010 14:53



Triste fin pour Bula mandungu ! Mobutu et sa classe politique ont raté une grande opportunité de figurer dans l'histoire du pays en lettes d'or.
Je suis vraiment amer à chaque fois je pense à la gabegie financière de la deuxième république. Eteya biso ...



Pascal Muanda Muanda 11/02/2010 09:59


Kulutu Emmanuel Kandolo,
Mbote na yoliboso.Ozali ko epater ngayi,kokamua,ozali vraiment grand historien.
Gardons contact
Pascal Muanda


Garba Emeka 11/02/2010 00:45


Tangu conference ya Nord-Sud, to francophonie esalamaki na Benin na epoque ya president Soglo dieudonne Nicephore,  president Mobutu akendeki na Togo mpo nakobondela General Eyadema Gnassigbe
Etienne aya mpe na conference wana, puisque Eyadema azalaki kolinga Soglo ata moke te, puisque ye azalali president oyo ba voter democratiquement, apres transition na sima na CNS, na kanda wana
Eyadema azalaki kozua lisusu pongi te mpe aboyaki koya na likita wana na Cotonou.
Ba delegations nionso ya monde entier bakomaki deja na Cotonou, y compris Jacques Chirac ya France,  entretemps Mobutu azali kaka na Lome na Togo, apres baye ko annoncer ete Marechal Mobutu
azali koya sans Eyadema, biso nionso ba Congolais (zairois) tokeyi na aeroport ya Cotonou, na groupe choc ewutaki na Nigeria, donc tozalaki na ba Ambassadeurs ya Congo na Nigeria na Benin, mokolo
wana na Cotonou, mpo nakoyamba Vieux Seskoul.
Avion ya air zaire akiti, president Soglo ya Benin, akanisaki ete president Sese Seko aye na avion wana, waya, tangu porte ya avion efunguami, tomona kaka ba berets verts na ba berets rouges
bakiti, sans vieux Seskoul, quelle farce, mua doute ekoti. Entretemps ba soda congolais bazwi controle ya aeroport ya Cotonou, une heure apres tomona lisusu avion mosusu ya Leopard Volant, akiti,
bandeko, bongo tangu porte ya avion afunguamaki, oh la la, tangu Nkoyi Mobali na toque ya Leopard abimisi motu, mokili eningani, quelle animation DJA LELO etoki kotoko. Saddam Kongolo mpe ayaki
nzela moko na tata na ye na Cotonou.
Tangu Afdl ekotaki na Kinshasa, ba dignitaires mingi ya MPR parti- etat, bakimaki na Cotonou mpe na Lome. Kaka mokolo Aurlus Mabele ayaki kobeta miziki na Cotonou, lokola azalaki kofanda na Hotel
moko na vieux Bula Mundungu, nde esika toyaki koyeba mpe komona vieux Bal, tokeyi kopesa ye mbote, mpe vieux Bula Mandungu azalaki kotanga BIBLE mokolo yango.
Eleki mua mikolo delegation ewutaki na Kinshasa, ezalaki bongo Directeur ya Cabinet ya president Mzee Kabila, vieux Thomas Kanza, na vieux Yerodia Ndombasi, d'ailleurs balakisaki vieux Kanza na Tv
ya Cotonou, balobaki botala motu oyo akomaki Discours ya Lumumba Patrice, bino moko boyebi ndenge Afrique elelaka Patrice Emery Lumumba, mikolo wana biso ba Congolais tomataki ngenge ya danger na
Cotonou.
A part mission officielle na bango na Cotonou, epayi ya general Mathieu Kerekou, ba vieux na biso oyo misato, bakutanaki na vieux Bula Mandungu, mpe bayebisaki ye ete president LDK azali na mposa
mpe asengi na ye azonga na Kinshasa, kasi vieux Mandungu aboyaki na motema moko kozonga na Congo.
Ndenge toyokaki ete, raison vieux Bula Mandungu apesaki, alobaki atiki politique mpe akomi kosambela. Ekoki mpe kozala ya solo, puisque Saddam Kongolo mpe ayaki na Cotonou, kokutana na vieux
Mandungu, mpo nakosala MPR en exil, il parait vieux Mandungu abenganaki Saddam Kongolo, a part wana Saddam Kongolo abandi koya mingi na Cotonou na cadre ya societe na ye, ya telephone.
Vieux Bula Mandungu asombaki ndaku na quartier Eau Vive na Cotonou , ezali lokola Gombe na Kinshasa, comme un malheur ne vient jamais seul ba Sinangale bamelaki ye, mpe mbongo mpo nakozongisa
ebotaki ba probleme sur probleme.
Sima wana vieux Mandungu aye kosomba ndaku na quartier lokola Debonhomme na biso na Kinshasa, kasi ndaku yango ezalaki inacheve, puisque ezalaki ya etage, kaka na nse nde ye moko vieux motu
asilisaki yango, kasi na likolo babetaki kaka beton, etage emataki te, parcelle ezalaki tres bien, cloture na makambo nionso.
Vieux Bula Mandungu akomaki kosambela tres tres fort, akotaki na eglise moko ya quartier esika asombaki ndako, mpe ba Beninois ya quartier wana balingaki ye mingi, lokola akomaki kobela-bela, apres
messe il faut lisusu baya kosambela na lopangu epayi ya vieux, wana nde ekomaki rythme ya vie ya vieux Mandungu, losambo na bible.
Ndenge kaka boyebi, mpo na biso ba congolais, ki pasteur ekoma mosala ba nkoko batikela biso, ba pasteurs congolais bazalaki na ba eglises nionso ya ba beninois, bongo mokolo vieux Mandungu Bula
Antoine akufaki, sango etambolaki rapide, biso nionso ba Congolais, ezala ba congolais ya Brazza, Kinshasa, Libreville, Luanda, Bangui, pour ne pas dire BATU YA AFRIQUE CENTRALE, tozalaki kuna na
matanga na lopangu ya vieux, mpe tosengaki ebembe eya na ndaku, puisque na Afrique de l'ouest ebembe ezalaka na la morgue, kaka jour ya enterrement nde eye na ndaku, kasi biso tolingaki matanga ya
vieux na biso esalama na ndenge ya Authenticite na biso, mpe esalamaki kaka ndenge biso bana ya Congo tolingaki.
Oyo ezali temoignage na ngai na fin ya vie ya vieux Bula Mandungu. 
Garba Emeka.