Overblog Suivre ce blog
Editer l'article Administration Créer mon blog

Publié par Messager

KALLE AKEYI !!!

Oyo ezali au revoir ya ba Kinois epayi ya Vieux kallé : KALLE AKEYI...

Nayebaka Monsieur Joseph Kabasele tangu nazalaki na âge ya 8 ans, juste quelque temps après l´indépendance, nazalaki na ba cousins na ngai na commune ya Kintambo (Léo II), bongo la grande-soeur (cousine si vous voulez) azalaki makango ya Vieux Kallé, ba weekend nazalaki kokende na Léo II, nazali muana ya commune ya Ngiri-ngiri, namona vieux Kallé pe napesa ye mbote ya maboko au moins 10 fois na vie na ngai, lokola nazalaki kokutana na ye epayi ya ba cousins na ngai na Léo II, souvent vieux Kallé azalaki accompagné na vieux Vicky Longomba.

Les deux vieux bazalaka bien sapés, en plus babandaki kosimba mouchoir de poche na maboko, chaque fois bazalaki kopangisa motoki ya kingo pona col ya chemise ezua salité te.

Jour moko ezalaki concert ya African Jazz na moyi, na Nzuzi Bar na Léo II, wana ba vieux Nico na Roche déjà balongua, cousine na ngai pe na vieux Kallé déjà baboyana kala, ba soda ya ONU, ezalaki ya ba noirs, Nigeria ou Ghana, babimisaka bagarre moko ya danger na concert wana, esukaki mbila akueya, pe concert ekatana.

Jour vieux Kallé akufaki nalandaki matanga na ye na T.V. ezalaki na lopangu ya Cardinal Malula, na côté ya Ecomoraph, balakisaki vieux Roger Izeidi na Tv, alataki chemise ya pembe pe pantalon ya moyindo, azali koloba : Kallé alingaki ngai mingi lokola propre petit-frère na ye...

Mokolo ya enterrement ya vieux Kallé nawutaki na ville (Gombe) ezalaki na avenue du 24 novembre (ex Josephine Charlotte) actuelle avenue Mulele, bawutaki déjà na messe na église ya Notre-Dame, sikoyo bazali kokende na cimétière ya Kalina (to cimètière ya mindele) na Gombe, batu bazalaki mingi le long ya avenue du 24 novembre, bazali kopepa mangalala, batu misusu maputa, au revoir ya suka ya ba Kinois ezalaki : KALLE AKEYI....

Bongo dimanche oyo elandaki na émission ya la Voix du Zaïre, oyo ebetaka ba nzembo ya tango ya ba Wendo, ezalaki émission spéciale kaka po na vieux Kallé, bongo tangu baye koningisa loyembo ya :

Mokolo ya liwa mama ngai akosala boni yaya

suki epanzani mayi na miso akolela muana na ye akeyi mama....

Nani alelaka te na nzembo oyo, KALLE AKEYI.

 

Emery Muya

Commenter cet article

Jean 19/02/2011 00:45



Mayele ya Bakoko ndenge batikaki yango nde Ndeko Serge Kongo na Biso, akomelii biso yango na proverbe.



Crispin-Régis Lukoki 18/02/2011 15:53



Ndeko Serge na bandeko nioso ya lisolo.Likambo ya ndako oyo bozali kolobela,ezali ndako ya awa na mokili ya n´se te.Il s´agit d´une maison que le Grand KALLE doit construire dans l´au-delà,epayi
tokendeke sima ya liwa,po mokolo ba musiciens misusu bakowa,bakomela na ndako wana.Grand Franco pe ayembelaki tata naye ndenge wana.Textuellement;TONGAKA NDAKO EPAYI OKEI,NGAI WAYO NAKOMI KOYA
KOFANDA.Mbote mingi na bino ban´so.


Crispin-Régis Lukoki  



Serge Kongo na biso 17/02/2011 22:19



Mbote lisusu,


Ndaku toza kolobela awa ewuti na maloba ya nzembo ya Kuyena Muzita ayembelaka Gd Kallé na liwa na ye, eza ndaku ya sens propre te
po moweyi atongaka ndaku te.  Ezalaki ndaku ya ba bien matériel
te.  Ba musiciens nionso ya mikolo oyo ya kala bazalaki kolobela bozui na bango te, bizaleli wana ya mabe eye na ba parvenus.


Wana ezalaki kaka pona kokomisa maloba na biso mua muke claire.  


Mokolo malamu.


Serge Kongo na biso.



Messager@ 17/02/2011 19:17



Nalingi napesa mua liloba na motuna ya ndeko oyo atuni soki Grand Kallé atikala kotonga ndako ya monene.


Na liwa ya Grand Kallé, Cardinal Malula a répondaka na kati ya Homélie na bato mingi babandaka kotonga Kallé ete atiki eloko te. Aloba ete Kallé asala mosala kitoko ya musique oyo esepelisa
mitema ya bato. Yango nde réussite monene ya Grand Kallé. Côté materiel eza na rapport moko te na immense oeuvre musicale Kalle atika.


Nalingi lisusu kobakisa ete liboso ya  dépouille funèbre ya Kallé entre Cathédrale St Anne na Cimétière ya Gombe, miziki nionso ya kala esekuaka pe e défilaka na Avenue du 24 novembre maputa
likolo, mpe babandaka koyemba ba nzembo ya chaque muziki. Ezalaka très émouvant.


 


Messager



Mea Culpa 17/02/2011 12:13



Nayebi te soki Vieux Kallé azuaki temps ya kosilisa kotonga ndako ya monene, po na sima na ye presque bango nionso balanda ye...


 


Ndeko Serge,


Omoni monoko ya bato, soki malili ezali, batu bakobanda koloba ah! Elanga eza molayi, soki moyi eleki makasi ah! Oyo ndeko ya mbula.


Soki ozongi mua sima moke, na liwa ya Gd Kallé, Franco na Rochereau bazalaki te, nabanzi bazalaki na Paris to Bruxelles, ndenge nini mokili mobimba eyebaki ete bango mibale bazalaki te, po
toyokaki ndenge babuakaki lolaka : NAZUA NGANGA WAPI... ASOMBELA NGAI LIWA YA KALLE KATHO.


Lokola bazuaki Nganga wana ya kosomba liwa ya Vieux Kallé te, yango nde ezali réponse ya makasi na motuna na yo, eloba bakoko : Mokolo ya liwa Nganga azalaka te, Munganga azalaka te, Papa Wendo
abakisa : Liwa talo mingi na miso ya Nzambe Mokonzi...



Serge Kongo na biso 17/02/2011 11:36



Mbote na bino et surtout na ndeko Emery Muya,


Na kala na yebaka Gd Kalle Jeff physiquement te mais nayebaki ba nzembo na ye po azalaki koleka na radio na “tango ya ba
Wendo”.   Na pokwa moko boye tozalaki kozela Maboke “Theatre” mais batieli biso interview ya Lukunku na mutu moko azalaki koloba français kitoko
mais likukuma, Kabaselle Tshiamala dit Gd Kalle.  Tolembi nzoto pe topanzani.  Mokolo ya liwa na ye
batiaki ba nzembo y compris interview wana, sima nde naye koyeba ke mutu ayemba Para Fifi ye wana, eza kaka likambo ya éspace et le temps.  Zaba muntu
zaba valeur ndenge balobaka na CFA.  Eloko mususu soki Tshilumba wa Baloji dit Tino Baroza abetaki guitare solo na côté ya Kassanda wa Mikalayi dit Dr
Nico  c’est que azalaki une grande carrure quand même po son ya guitare ya Dr Nico eza tellement aigu lokolo ya Gd Me Yorgho pe  ebeteli wana eza lisusu ten a moyi ya lelo.   Esalaka nga mawa un jour
Popol Mukelenge dit Popcorn azalaki ko interviewer Koffi na Mont Fleury, na milangua ya Koffi abimi na lisolo oyo bazalaki nango, alobi Gd Me Luambo azalaki na ye un grand guitariste
te.  Bayebisa nga te, nga moko natala yango parmi ba centaines ya ba K7 etondi nga awa ndako.  Sima ameki
kobeta Sebène moko ezuami na “Likambo na nga na papa bakoloba bakolemba aaa” (Chancun pour soi) ya Vieux Joscky Kiambukuta Lemvo.


Na mokolo ya liwa ya Gd Kalle, Kuyena Muzita ayembaka na radio “Gd Kalle oke, papa, credo toyembi te eee, olakaki nga na mboka
Paris, soki tozongi credo eko yembama, Kalle Katho, félicité, Papa y’Africa Jazz mokili mobimba, tongaka ndeko yeye, oyo biso tokokomela.”  Naybi te
soki azuaki temps ya kosilisa kotonga ndaku pe ya munene ndenge nini po sima na ye ebele balandi ye.  Journée malamu ba mbokatiers.


Serge Kongo na biso.