/image%2F0931504%2F20140222%2Fob_7467d6_bannier-mbokamosika-jpg)
Ba kombo ya ba orchestres
Mbote ba ndeko,
Na mitunaka soki kombo ya ba orchestres ezalaka vraiment important kaka il faut ezala yango. Ex : Ndenge ba Zaiko bawelaki kombo tii bakomaki Zaiko Langa Langa Nkolo mboka na « Zaiko » Familia Dei. Félix Muanuaku dit Pepe Felly akendaki na eteni ya « Zaiko » Wawa. Ndambo ya kombo ya Zaiko Evoloko Atshuamo akendaki nango « Langa Langa » Stars, Ben Nyamabo pe akeyi na ndambo Choc « Stars », Mbenzu dit Bozi Boziana alobi Anti « Choc », Matumona Fanfan dit Defao ye pe akati ya ye eteni Big « Stars », Monza 1er amemi « Stars » Mania. Tomoni African « Jazz » ya Grand Kalle, OK « Jazz » ya Luambo Makiadi Lokanga Lo Ndju Pene dit Gd Me Yorgho, Bana « OK » ya Lutumba Ndomanueno dit Simaro Masiya, Konga « Jazz » ya Bokelo Isenge dit Johnny Bokelo, (bolimbisi pona kobakisa Mbelekete « Jazz »), « African » Fiesta, « African » Fiesta Sukisa. Agbeka Mumba dit KoffiOlomide aye na Quartier Latin Entreprise pe baleki na ye bamemi « Quartier Latin » Academia (bango balobaki ke bango batu nayaki na kombo wana na rythme), Wenge Musica ekatana lelo biteni na biteni lokola « Wenge » Maison mère, « Wenge » BCBG, « Wenge » Kumbela, « Wenge » Tonia Tonia, « Wenge » Aile Paris etc…
Nakomi na ordre ya ba kombo pe ya ba création te, nalingi kaka koyeba importance ya kombo na orchestre eza nini ? Soki otiki kombo ou bien ozui kombo mususu qui n’a rien avoir na orchestre oyo owuti ekosala nini ? Pona nini ba musiciens bakangamaka kaka na ndambo ya kombo ya orchestre oyo bango bawuti ? Emeneya Mubiala dit King Kester na ndeko na ye Pepe Nkosi Bipoli Mfumu Ntaku basalaki Victoria Eleyson tango balongua na Viva La Musica, malgré kombo ekesanaki na orchestre bawutaki, basalaki succès oyo moko te akoki kowangana yango na Congo na biso.
Nani ako limbola biso likambo oyo!
Serge Kongo na biso