Overblog
Editer l'article Suivre ce blog Administration + Créer mon blog

Archives

Publié par Messager

Sujet : A propos des Présidents à vie et de la Constitution de la R.D.C.

 

 

Ndeko Serge,

 

 

Nasepeli na intérêt ozali kolakisa na masolo ma R.D.Congo. Ko hésiter te, soki ozali na mituna, tuna yango. Soki nazali na biyano, nakopesa yo yango.

 

Sika, tika nameka koyanola na maye otuni :

 

1) Ndeko Serge : Pona nini ba presidents africains balingaka kotika ebonga ya kibokonzi te?  Eza po babangaka mabe basalaka to pona ba preparaka avenir na bango te sima ya ki bokonzi?

 

Emmanuel Kandolo : Motuna mua yo mozali très large. Ezali ko preciser temps na espace te. Soki tozui contexte présent, na Afrique tozali na ba Etats oyo système démocratique ezali stable : Mali, Sénégal, Bénin, Ghana,  Afrique du Sud, Botswana,  Malawi, Zambie, Lesotho, Namibie na Tanzanie. Kuna, ekomi mua mpasi mutu azala Président à vie (Lesotho ezali royaume. Kuna mpe ezali mpasi Premier Ministre atikala libela mpo ezali monarchie constitutionnelle oyo elandaka liloba ya peuple). Ba Etats mosusu oyo etangami te, ezali kobunda mpo ekoma mpe démocratique, kasi bitumba yango ezali kosalema na lolenge esengeli te mpo volonté politique ezali te. Soki volonté politique ezali te, elingi koloba que ba intérêts ya groupe na pouvoir nde ezali na priorités par rapport na intérêts ya ekolo. Yango wana risque ya ko multiplier ba mandats mpe ko modifier Constitution mpo ebakisa ba mbula na ba mbula, ezali kolakisa mposa ya kowumela na bokonzi.

Bokonzi nionso oyo elingaka changement te, etiaka en place ba mécanisme ya ko renforcer pouvoir mpo epika makasi. Ba mécanismes wana, mingi mingi ezalaka contraires na droits de l’Homme. Yango wana, ekomaka que pouvoir bapesaka yango te. Kasi, babotolaka yango na prix ya makila.

Donc, kowumela contre volonté ya peuple na pouvoir, esengaka kaka makila etanga mpo mokonzi alongua na ebonga wana.

 

Point mosusu ezali que, ba intérêts ya groupe oyo ezali na pouvoir, mingi mingi ekutanaka na ya ba pays oyo mokonzi ya ekolo ya Afrique azali ko défendre ba intérêts. Soki ayebi que azali na soutien ya ba grandes puissances, priorités na ye ekozala nde ya kosepelisa mingi mingi ba oyo basimbi ye na pouvoir wana.

 

2) Ndeko Serge : Mr Barthelemy Bisengimana Rwema akomaki pene ya president Mobutu ndenge nini? Apart kozala Rwandais, eloko nini ya malamu asala pona mboka na biso?

 

Emmanuel Kandolo :  Barthelemy bisengimana rwema

 

3) Ndeko Serge : Mr Pinga Kasenda azalaki vice président ya nini, ya mboka to ya MPR?  Misala na ye penza ezalaki nini?  Est ce que azalaki likolo ya premier ministre?

 

Emmanuel Kandolo : Professeur Mpinga Kasenda azalaki vice-Président ya Bureau permanent ya Comité central ya M.P.R. Président ezalaki ye moko Mobutu.

Comité central ezalaki organe ya conception, inspiration, orientation na ya ba décisions ya M.P.R. Yango ebandaki kotiya molende na respect ya ba options fondamentales ya M.P.R. mpe na lolenge ya ko appliquer ba résolutions nionso ezuamaki na Congrès ya M.P.R.

 

4) Ndeko Serge : Pona nini constitution ya mboka Congo il faut ba belges nde basala yango?  A qoui sert tous nos professeurs et docteurs?

 

Emmanuel Kandolo : Ba Belges basalaka loi fondamentale na Table Ronde politique, ya janvier 1960, yambo tozua lipanda. Kino tozua lipanda, na 1er août 1964 nde Constitution ya yambo esalemaki na ba congolais. Yango ebengamaka : Constitution de Luluabourg.

 

Président ya Commission constitutionnelle ezalaki Joseph Ileo. Secrétaire général, Marcel Lihau. Mpe ba membres bazalaki : Etienne Tshisekedi, Tshibangu Muyembe, Mantomina Kiala, Albert Mpase, Antoine Wembi, Barthélemy Dipumba, Paul Muhona na Henri Takizala.

Commission esangani na Luluabourg kobanda le 10 janvier 1964 tee na 10 avril 1964. Referendum esalemi kobanda na 25 juin tee na 10 juillet 1964 mpe na 1er aout 1964 Président Joseph Kasa Vubu a promulguer yango na décret présidentiel.




Sujet : Cités indigènes, Fonds d’avance, matche Zaïre-Cameroun (’72)

 

Ndeko Dom Munsiensi,

 

Tomeka kolanda  ba frontières  ya ba communes ya Makala, Bumbu na Selembao mpo na komeka  kopesa biyano na mituna mia yo.

1. Commune ya  Makala

Na Nord, avenue Kikwuit, frontière na Kalamu. Na Sud, By-pass, frontière na Lemba. Na Est, avenue de l’université, frontière na Ngaba. Na l’Ouest, avenue Elengesa, frontière na Bumbu.

2. Commune ya Bumbu

Na Nord, avenue Kwuilu, frontière na Ngri Ngiri. Na Sud, avenue Bumbu, frontière na Selembao. Na Est, avenue Elengesa, frontière na Makala. Na Ouest, avenue du 17 mai 1997.

3. Commune ya Selembao

Na Nord-est, avenue Bumbu, frontiere na Bumbu. Na Nord-ouest, avenue Congo-central, frontière na Bandalungwa. Na Sud, By-pass, frontière na Mont Ngafula. Na Sud-est, avenue du 17 mai 1997, frontière na Ngaliema. Na Est, camp Luka, frontière na Ngaliema. Na Ouest, avenue Elengesa, frontière na Makala.

 

Sika enongi toyebisa que prison ya  Makala etongamaka na 1950 na mabele ma  village Makala-Lemba. Tango wana, cité indigène esukaka na avenue Kabinda, mpe Kintambo ezali mosika na ngomba. Entre prison na  esika population ezuami, ezalaki esobe munene mpe na camp Léopold II.

Sanatorium ebanda kotongama na 1955 mpe esilaki na 1958, année ya mise en service na yango. Etongami mosika na batu mpo na ko isoler baye bazali kobela bokono bua tuberculose. Kombo Makala ebakisamaki na sanatorium mpo tango yango etongamaka, prison iye ezalaki na mabele wana, ebandaki kobengama Makala. En revanche, tango, mundele abandi kotonga yango nde mokonzi ya Makala na batu baye, ba se déplacer na esika ekomi lelo oyo commune ya Makala. Ba sources mosusu ebengaka ye mokonzi  Malala, mosusu, Malela ou Makala. Bref, ezali kaka mutu moko wana.

Na elan wana nde Institut technique Industriel oyo etongamaki wana ebandaki kobengama na kombo ya Makala tee, tango ordonnance ya 30 mars 1968 eye kobongola makambo, Institut oyo ekoma kobengama : Institut technique Industriel de Bumbu.

Kombo ya Makala etikala na monoko ya batu mpo efanda makasi na lolemo. Kasi, lelo oyo,  sanatorium ekoma Hôpital général de Selembao, kasi , toyokaka batu bazali kaka kobenga yango « Sana ». Prison ya Makala, ekoma Centre pénitencier et de rééducation de Kinshasa (C.P.R.K.). kasi, tee lelo oyo, na langage courant, ebengamaka kaka Makala (même pas prison de Makala).

Donc, selon découpage administrative ya commune ya Selembao, C.P.R.K na hôpital général (ex-sanatorium), ezali na commune ya Selembao. Par contre, Institut technique industrielle, ezali na commune ya Bumbu.

 

Patriotiquement,

 

Emmanuel Kandolo

 


Sujet : Les pendus de la pentecôte

 

Ndeko Ngimbi Kaluvueziko,

 

Matondo mingi ndenge opesi biso ba références ya ouvrages na yo, oyo ozali kolobela masolo iye elobamaki na sujet oyo. Soki okosepela, tika na proposer yo, soki okoki ko tindela Mboka mosika ata exemplaire moko na dédicace, mpo esunga blog na masolo lokola oyo. Courriel ya blog ezali kaka na page ya accueil.

 

Merci d’avance na lisungi lya yo.

 

………………………………………………………………………………………………………………

 

Ndeko Historien,

 

Merci mingi na complément ya information opesi. Ndenge kaka olobi, masumu wana ezali kaka kofutama.

 

Patriotiquement,

 

Emmanuel Kandolo

 

……………………………………………………………………………………………………………

 

Sujet : le Major Kayembe et le mécénat

 

Ndeko Louison,

 

Capitaine Kayembe atanga ya Angleterre, na Académie Militaire Royale ya  Sandhurst (A.M.R.S.). The Royal Military Academy Sandhurst (R.M.A.S.), Kasi, nayebi te soki kuna azalaki promotion moko na Colonel Mouammar Kadhafi.

Ndeko, Capitaine Kayembe Simon azalaki  Commandant compagnie affectée na sécurité rapprochée ya Président Mobutu. Kokanisa te que le fait que nalobaki que azali garde corps, ezali kokitisa ye !!!  Ezali bongo te. Nakokaki mpe kobenga ye officier de sécurité.

Yo olobi  que azali Aide de camps. Yango ebengamaka officier d’ordonnance. Bokeseni bozali makasi kati na rôle ya officier de de sécurité na officier d’ordonnance.

1. officier de de sécurité azali reponsable ya sécurité rapprochée ya Président de la République. A époque ya Kayembe, pete ya officier ya sécurité ezalaki Capitaine. Avant suka ya règne ya Maréchal Mobutu,  Commandant ya Division Spéciale Présidentielle (D.S.P.) asalaki proposition ya komatisa pete mpe Maréchal andimaki yango,  ekomaki oyo ya Lieutenant-colonel mpe fonction na ye ezalaki Commandant bataillon sécurité rapprochée présidentielle.

2. Officier d’ordonnance ezali officier oyo azali tango inso na mokongo mua s Président de la République. Mosala mua ye mozali mua ko veiller na confort ya mokonzi : kosimbela ye chemise ezali na allocution ou discours, kobendela na kopusela ye kiti, kosimbela ye parapluie, etc. Bref, azali na service ya mokonzi.

Kobunga te que Capitaine Kayembe a changeaki complètement ! Akomaki mutu ya biyoma mpe kokotela batu na ba ndaku na butu na munduki. Wana ekomaki vie oyo ye akomaki na yango mpo amibebiselaki mosala na indiscipline mpe abandaki kosakana na ba consignes ya sécurité pendant que ye azalaki Chef ya sécurité rapprochée ya Président.  Balongola ye na Division des Troupes Aéroportées de Combat (DI.TR.A.C.) mpo na ba raisons mosusu te. Soki mutu ayebisi yo bongo, akosi yo. D’ailleurs, azalaki apprécier na Général Bumba, Commandant ya DI.TR.A.C., mpe na Colonel Yeka, Commandant DI.TR.A.C., tango Général Bumba akomaki  Chef d’état-major ya F.A.Z.

Bon, Yeka akomaka Général durant n commandement na ye ya Base ya Kitona. Colonel Eluki nde akitanaki ye en tant que Commandant  ya DI.TR.A.C.

 

............................................................................................................................

 

Ndeko Mayanga,

 

Tokoki ko supposer te qu’il y a prescription mpo révision ya procès oyo esalemi nanino te. Soki neti esalemi, mpe Tribunal compétant e retenir na chef ya baye bapesaki mitindo ya koboma, que ezali entreprise constitutif ya génocide, mpo ezali ba actes oyo esalemi réellement na intention  ya ko détruire une classe d’individu, wana, infraction ya génocide ekofanda. . Dans ce cas, action publique résultant d'une infraction ekozala prescrite te mpo infraction ya génocide ezali imprescriptible.  Soki boye, kaka ba juridictions pénales militaires nde ekosambisa ye.

Sika totala mibeko milobi : loi n° 024/2002 ya 18 novembre 2002 Portant Code Pénal Militaire

TITRE V : DES CRIMES DE GENOCIDE, DES CRIMES

CONTRE L’HUMANITE ET DES CRIMES DE GUERRE

CHAPITRE PREMIER : DES DISPOSITIONS GENERALES

Article 161 :

En cas d’indivisibilité ou de connexité d’infractions avec des crimes de génocide, des crimes de guerre ou des crimes contre l’humanité, les juridictions militaires sont seules compétentes.

CHAPITRE II : DES CRIMES DE GENOCIDE ET DES CRIMES

CONTRE L’HUMANITE

Section 1 : Du crime de génocide

Article 164 : Le génocide est puni de mort.

Par génocide, il faut entendre l’un des actes ci-après commis dans l’intention de détruire, en tout ou en partie, un groupe national, politique, racial, ethnique, ou religieux notamment :

1. meurtre des membres du groupe ;

2. atteinte grave à l’intégrité physique ou mentale de membres du groupe ;

3. soumission intentionnelle du groupe à des conditions d’existence devant entraîner sa destruction physique totale ou partielle ;

4. mesures visant à entraver les naissances au sein du groupe ;

5. transfert forcé d’enfants d’un groupe à un autre groupe.

Une telle démarche na ekolo na biso ezali très difficile compte tenu ya ba lourdes supposons ya pouvoir en place na makambo ya complicités ya ba crimes à grand échelle oyo esalemi na Kivu mpe na Bas-Congo. En tout cas, ezali kosenga volonté politique makasi. Yango wana, jusque-là, aucune résolution ekota na application.

 

Na oyo etali ba journaliste, lelo oyo ekolo na biso ezali na ba moins bons journalistes ebele mpe bazali na formation moko ekemba te mpe ekoki meme pas kobengama formation. En plus, mingi bazali na culture livresque na ya documentation et archive  te : bayebi nzela ya bibliothèque te, balingaka kotanga te, bayebi importance ya recherche na documentation te. Yango wana, tozali na ba journalistes ya investigation te. Soki bazalaki, mbele polémique oyo ezalaka sur identité na ba origines ya Président Joseph Kabila, esila kala mpo balingaki bakende biska nionso oyo ekomami na biographie officielle na ye mpo na recherche ya information mpe ko confronter version officielle na ba résultats ya ba éléments nionso recueillis sur le terrain. Kasi, eloko ezali kosalema te.

Ba Hommes politiques na biso  mpe balingaka kokoma mikanda te mpe bazali na paresse intellectuelle ya makasi. Bazali incapable ya kolobela réalité politique ya R.D.C. mpo batangaka te, balingaka ko se documenter te mpe accès na archives elobelaka bango eloko moko te. Par exemple, Parlement na biso na R.D.C. ezalaka na bibliothèque te. Or, eyebani que Parlement nionso oyo esengeli ezala na bibliothèque ya malonga. Ba politiciens ya R.D.C. bazali na temps libre ebele, kasi bazali kobebisa yango na makambo ya pamba pamba. Bakokaki kokoma ba mémoires, ba ouvrages mpe kosalisa ba conférences na ba différents thèmes. Kasi, rien !!! Ba interview bapesaka na ba journaux, elakisaka ndenge bango na ba journalistes nazali ko nager na mayi moko wana ya médiocrité. Na lolenge oyo, ndenge nini ekolo ekende na kokufa te ?

 

……………………………………………………………………………………………………………………………………………………

 

Ndeko Dio Dio,

 

Nayebi ndaku ya Général AlphonseDevos Bangala Oto wa Ngama mpe nazalaka na matanga ya Jojo Bangala. Nazali koyeba lisusu que batiaki corps na sima ya lopango mpo espace ezali monene par rapport na liboso ya lopango. Ba dignitaires nionso ya M.P.R. bazalaki wana mpe mama Bobi ayaka mpe na matanga wana.

Na avenue Révolution wana, Professeur Kinsala Ndontoni, specialiste ya ba maladies neuropsychologiques,  azalaki na cabinet médical na ye pene wana.na croissement ya ba avenues Révolution na Hortensias. Sur la même avenue Révolution, nayebaki mpe Citoyen Maniayi « vieux Manier ». Nazali komona lisusu ba avenues Gardenias, Marantas, Hortensias en perpendiculaire na Révolution tee na jonction ya Révolution na petit boulevard.

Ba Tshimbalanga bazali ebele : na place commercial, na Cannas na Pétunias. Peut-être, okoki  kozala moninga na Dédé Tshimbalana na Pétunias mpo wana azali génération na bino na ba Jojo. Ndeko Dio Dio, nabosani te, bino bozali na Salivias. Soki nabosani te, na nzeinga nzinga bna biso wana, Monsieur santos, industriel portugais moko, azalaka pene wana. Bon, Bukasa, yo moko oyebi tositobeta masolo. Entraîneur Yvon Kalambay Ngoy , nayebi que abandaka kofanda wana.banda kala mpe asombaka esika wana tango azalaka joueur professionnel na Belgique.  Tango bino bozalaki nanu bana, azalaka na Renault 6 ya beige, sima ayaka kokoma na R16. Ba séries wana, akomaka déjà diplomate na Paris. Nabosani te, Docteur Mpongo, toujours agitateur !

Nabanzi que osila koyeba qu’avenue Révolution ekoba kobengama, avenue Moba wuta A.F.D.L. ekota na Kinshasa, le 17 mai 1997.

 

..................................................................................................................................

 

Ndeko Jérôme Nzembelé

 

Ba photos ya batu bazalaki impliquer namakambo maye tozali kolobela awa, ezali. Nayebi que livre album photos moko ezalaka na ba photos ya ba compagnons de la Révolution. D’ailleurs, awa, na ambassade na biso ya Paris, na mokolo mua 17 mai 1997, babuakaka yango libanda. Soki mutu azali na livre album photos wana, akoki ko contacter Mboka mosika.

Lelo oyo, tokomi kokende na 45 ans ya makambio oyo, batu bakobanda koloba, ba consultations ya ba archives mpe ekoki kosalema. Esengeli lisusu tosala mua effort mpo tomeka kosalela ba résolutions ya C.N.S. Bon, na ekolo na biso, batu mingi bazalaka na mémoire courte. Yango wana, ezali lisusu ko compliquer makambu.

 

Patriotiquement,

 

Emmanuel Kandolo



Pour être informé des derniers articles, inscrivez vous :

Commenter cet article

Jean-Pierre 22/02/2010 00:08



Ndeko Grand Chroniqueur Historique Emmanuel Kandolo:


Nayebi te soki okoki ko posteler biso awa mokolo moko photo ya General Kikunda ya tango ya kala ya regime ya Mobutu, periode azalaki commandant ya Force Aerienne Zairoise. Et si possible en tenue
militaire... Po naluki yango na site na biso eye namoni yango te.
D'avance, merci...


 



Mayanga 20/02/2010 10:28


Bonjour frère Emmanuel Kandolo

Pour caractériser un acte de génocide, je crois qu'il ya un aspect très important dont il faut tenir compte : le nombre.
Eliminer physiquement 4 membres d'un groupe quel qu'il soit ,ne peut être assimiler à un génocide.C'est un crime ,un assassinat politique,un meurtre ect...
Dans la définition que vous avez publiez,il est dit en substance : qu'un génocide se définit par une volonté manifeste d'éliminer systématiquement, TOUT ou UNE PARTIE d'un groupe quelconque(donc à
grande échelle comme au Rwanda).
Pour ce qui est des journalistes et des hommes politiques, je suis d'accord avec vous. Par contre ma question de savoir lesquelles des résolutions de la conférence concernant cette affaire des
Pendus de la Pentecôte, ont été suivi d'effet , n'a pas eu de réponse.Je suis sûr que vous l'avez car votre documentation est simplement impressionnante.
Bravo et merci pout tout.


Dom Munsiensi 19/02/2010 23:15



Merçi ndeko E.Kandolo na biyano na yo,soki natali malamu ngai nabotama na selembao pene ya prison MAKALA et puis natangi ba ecole primaire na CO na comune
ya MAKALA et puis humanité na Institut Technique Industriel de Bumbu (ex ETSO MAKALA) donc ma vie s'est passé na territoire de MAKALA LEMBA.
Merci mingi.
Dom Munsiensi



Tundanonga 19/02/2010 10:41


Mpo oyo etali Bisengimana.

Bisengimana azalaka na groupe ya liboso ya baetudiants ya Congo belge na Ruanda-Urundi oyo bazwaka babourses ya liboso avant lipanda, mpo batanga na poto. Ye azwaka oyo ya ye bourse lokola
ruandais, mpe azalaka na ye ruandais kaka. Tango Seskoul akendaka na stage ya journalisme nde akutanaka na ye mbala ya liboso. Lokola balingaka bango mibale kotombola mkopo mingi, bakomaka
bacamardes. Kasi, tango Seskoul asalaka coup d'Etat na ye ya le 24-11-1965, tango yango Bisengimana asilisaki baetudes na ye ya ingenieur na Belgique. Ndenge nini akomaka directeur ya cabinet ya
Seskoul, ezali sekele ya l'etat, kasi ekoki kozala kikamarade ya bango ya tango wana. Tundanonga