Overblog
Editer l'article Suivre ce blog Administration + Créer mon blog

Archives

Publié par Messager

 

 

un commentaire vient d'être posté par Lemba Souvenir sur l'article Les tout premiers Léopards,

Extrait du commentaire:


Bana ya Commune ya Lemba, mbote na bino nionso, a travers bino mbote mingi na ba Mbokatiers nionso, lisolo nalingi na beta ezali ya souvenir, nabanzi mingi nakati na bino, ekozongisa bango mua ba
mbula mingi  na sima, mpe bakomona lisusu bolenge na bango.
Tozali bongo entre 1968 et 1969, ba Leopards bapesaki bango ba Vespa, ezali kutu-tuku,  na Kinshasa bazalaki kobenga yango "eskotere", Leon Mungamuni azali parmi ba Leopards oyo bazuaki ba
"eskotere", soki bozali lisusu na memoire, na tangu wana Mungamuni azalaki kovanda pembeni ya Bar Bantou na Lemba.
Mungamuni lokola alembaki na ye "eskotere" alingi atekisa yango, pe azali koluka motu oyo akosomba yango, tangu wana Vespa ya sika na magasin ezalaki na prix ya 200 zaires, deux cents zaires,
malheureusement po na Mungamuni, ba voitures ya VW TAILLE BASSE ebimi na Difco, batu mingi bakomi ko preferer na bango voiture VW ke "eskotere", surtout ke, ezala ba voitures to ba tuku-tuku,
bakomi kopesa yango na credit.
Vespa ekomi eloko ya ba Bills na Kinshasa, ya ba musiciens pe  ya ba joueurs.
Vieux Randolph Scott ayoki sango ke Leon Mungamuni - Leopard - azali kotekisa "eskotere" na ye, lokola bango mibale bazali bana ya Lemba, ezalaki facile, transactions esalama dare-dare.
Vieux Randolph ayebisi Mungamuni, mon frere probleme ezali te, nakopesa yo tout de suite 5 zaires, cinq zaires, nazali kozua "eskotere" nasala na yango RODAGE, soki rodage ezali concluant, nazali
kozonga bongo toyokana talo nini oyo nakosomba tuku-tuku, kasi nde nakosomba vespa oyo, kaka ndenge ezali, nde po na prix ekozala determiner apres rodage.
Ekendeki vieux Randolph Scott na vespa libela, deux semaines eleki, sans ke azonga lisusu epayi ya Mungamuni, bino moko boyebi Lemba ezali na yango na ba princes te, kaka prince oyo ewuta na
Foire tii na Terminus, prince ya By pass, prince ewuta na Ngaba tii na sous-region (terrain ya charles-roi), prince oyo ewuta na porte-noire tii na Kapia.
Vieux Scott azalaki na petite na ye moko, muana ya Docteur en medecine, Marie Musonge, bango wana mibale na "eskotere" ya batu ya Mungamuni, Lemba mobimba.
Vieux Mungamuni akeyi kofunda vieux Randolph Scott na Camp GD ya Lemba oyo ezalaki entre Pont ya Ngaba na Lemba, en face ya Bekombe Marie Louise, night club, tangu wana Camp Mobutu ezalaki camp
ya ba policiers avant bakoma ba gendarmes.
Sikoyo vieux Scott na Mungamuni, na vespa litigieux na bango, bazali na camp GD, bazali kozila babenga bango na bureau ya Adjudant po basamba, na loyenge wana, vieux Scott akeyi kobotola muasi ya
gendarme moko, azalaki kopasola koni, abotoli ye epasoli..., vieux Randolph Scott aye na epasoli oyo, po akata-kata "eskotere",  eyindi na camp GD, na makele wana, Adjudant ya ba GD akiti,
puisque bureau na ye ezalaki na etage, apekisi vieux Scott, atika mobulu.
Na colere wana vieux Leon Mungamuni alobi, akotekisa lisusu vespa na ye te, kasi vieux Scott azali kaka ko insister ou bien bazongisela ye 5 zaires na ye, ou bien asomba vespa, lokola loi ezali
kaka loi, bayebisi vieux Randolph na Adjudant, soki bango  nionso misato bazalaki bana ya Lemba te, mbele alingaki a appliquer loi, puisque Adjudant pe azalaki muana ya Lemba.
Pour rappel ba vieux na biso oyo ya Lemba : Mungamuni, Randoph, Pilote Mbo, Max Mongali et tant d'autres, bango nionso bazali presque age moko.
Apres wana Mungamuni akotisi liboko na poche, abimisi 5 billets ya 1 zaire apesi vieux Randoph, pe vieux Randolph asengi vieux Mungamuni pardon, pe asengi ye alimbisa ye.
Affaire esukaki ndenge wana. 

Lemba Souvenir

Pour être informé des derniers articles, inscrivez vous :

Commenter cet article

Richard kasongo 20/02/2010 23:56


Ntoma ndenge nini elamba oyo ya MASSAMBA DEBAT eyaki kozwa succes na congo-kinshasa??? ebanda ndenge nini..  Merci.-  Richard Kasongo.-


Ma Kathy 20/02/2010 20:48


Batu oyo bazalaki na ba Eskotere :
Verckys Kimwangana
Bavon Marie Marie
Gaspy
Bolhen
Trois Hommes (commune Matete)
Jean Jacques Kembo
Ba Traficants (oyo bazalaki kotekisa ba pantalons ya Masamba Debat)
BA "Je le connais" ya Banque Nationale
La plupart ya ba Vieux ya Ndjili
Ba joueurs ya Daring Imana 
ainsi de suite, et la liste n'est pas exhaustive. 


Malala 20/02/2010 15:51


Nakanisi lisusu tangu oyo vieux Rochereau asombelaki ba musiciens ya African Fiesta National ba Lambretta na ba Vespa, bongo vieux Sam Mangwana na Festival des Maquisards babuakelaki vieux Kasongo
: "osombeli Boyi na yo Moto Guzzi mpo olongola soni mawa, nionso okosala se pamba, batu nionso bayebi mabe na yo, wapi moyen babunga yo, mokili mobonguani ye ee mama aaa...."
ah ! Kinshasa, kin-malebo, mboka ya ngele, mboka ya makambo, Lipopo, Leo ville. 


Richard Kasongo 20/02/2010 14:51


En tout cas , mokili oyo ya Nzambe makambo ebele, misusu toyebi, misusu toyeba, misusu tokoyeba te soki mutu ou batu bayebisi te.. Pe misusu tokotikala koyebaka yango jamais po mokili eza monene.
Lisolo kitoko ya Eskotele... Merci.- Richard Kasongo.-