Overblog
Suivre ce blog
Editer l'article Administration Créer mon blog

Publié par Messager

Le chanteur Diana a été inhumé au cimetière Santa Ana à Luanda

 

dimanche 11 septembre 2011 Jossart Muanza(AEM)

Le chanteur Diana Spray

Une vie et une carrière musicale plus qu’honorable se sont estompées brutalement à Luanda, en Angola, où le chanteur Diana Nsimba « Spray », ancien d’Afrisa International a été inhumé. L’auteur de « Santa », 65 ans, a succombé des suites de ses blessures après une chute du balcon du 4e étage d’un immeuble, situé sur la rue Rainha Ginga où il vivait dans un appartement avec sa famille. « Devenu aveugle depuis cinq ans, le chanteur avait l’habitude d’aller au balcon, seul ou accompagné, et jusque-là il ne lui était rien arrivé », témoigne son fils Edvândio Figueiredo. Retiré de la scène, le disparu avait toutefois l’intention de participer à la prochaine édition du festival « Muzongué da Tradição », à Kilamba, organisé en hommage à son groupe « Olympia ». L’Union nationale des artistes et compositeurs (UNACA) salue la mémoire de «  l’un des meilleurs compositeurs et interprètes que l’Angola ait connus. Une illustre figure qui aura consacré une partie de sa vie à la promotion et à la valorisation de notre musique. »

 

Simão Nsimba alias Diana Spray est né le 3 de Juillet 1946, à Maquela do Zombo. On retiendra parmi ses oeuvres « Margarida », « Ana », « Beto na Beto », « Canducha », « Valódia » , « Pongolola », « Laurette », « Bolingó Passi », « Homenagem a Franco », « Mena » et « Sim Senhora »” qui ont fait son succès en Angola dans les années 80. C’est à l’âge de 8 ans qu’il a rejoint avec ses parents la RD Congo où il a fait sa scolarité dans la ville de Kinshasa où il sera vite découvert par Sam Mangwana qui le présentera à Tabu Ley Rochereau. Sa remarquable prestation dans « Libala ya huit heures du temps » de Tabu Ley marque le début d’une brillante carrière dans African Fiesta National de 1968 à 1970, contre la volonté de ses parents qui préféraient le voir sur les bancs que sur scène. C’est aussi aux côtés de son mentor, Tabu Ley, qu’il se produisit, pendant une semaine, au prestigieux music hall parisien, l’Olympia.

En 1972, Diana quitte Rochereau et rejoint Les Grands Maquisards de Ntesa Dalienst, Lokombe, Kiesse Diambu (vocalistes), Jeannot Mboko, Maubert et Jean-Marie Kabongo (trompettistes), Dizzy Mandjeku, Augustin Nsingi Mageda (lead guitariste), Basile Loulou (vocaliste, musique pop), Kalambayi (guitariste), Michel Sax (saxophoniste), Dave Makondelé (guitariste), Domsis (tumbas), Franck Nkodia (basse) et Tambu (batteur). Huit ans après, il retrouve Tabu Ley dans son groupe débaptisé Afrisa.

De retour en Angola en 1976, il intègre le groupe Inter-Palanca. Avec ce groupe, dirigé par le chanteur   Matadidi, il participe au grand spectacle commémorant le premier anniversaire de l’Indépendance de l’Angola au stade omnisports Cidadela Desportiva. Alors que les chansons de Mario Matadidi « Café », « Obrigado Agostinho Neto », « Valódia », « Ba Kokossa » et « Muana Angola » caracolent au sommet des hits, Diana décide de créer son propre groupe. C’est ainsi que naît le groupe Olympia qui malheureusement commencera à décliner en 1986.

|Jossart Muanza (AEM)

DIANA AKEYI, KASI  ATIKELI  BISO BANZEMBO NAYE

  image002

 

 

Diana, Simão Nsimba, abotamaka na Angola, na mboka babengi   Kidisu Mbaza Nsoso(Maquela do Zombo), na mobu ya  3-7-1946. akendaka na Congo.Belge, elongo na ba boboti baye se tango azalaka na mibu mwambe (8 ans). Papa naye azalaka na Bar na kombo ya Binga Bar, na commune ya Barumbu, Lac Moero/Kassai,  esika  Diana akolaki.

Liboso ya kobanda mosala ya miziki. to pe kokota na lingomba ya miziki, ye azalaki kosala ba nzembo pe kopesa na bayembi minene ya tango wana. Diana asalaka nzembo na kombo ya  Marie Pauline oyo ye apesaka na Mizele na African Fiesta Sukisa ya  Dr Nico, asalaka pe  nzembo na kombo Delmo, apesaka yango na Kwamy. Tango bandeko pe baninga bamoni ete Diana asalaka ba nzembo ya kitoko , pe azali na mongongo ya kitoko, bango basengaki naye akota na lingomba moko ya  miziki po ye moko ayembaka  ba nzembo naye.

 

Lokola mobeti drum  Diclo, oyo abetaka na Ok Jazz  pe Festival de Maquisards azalaka na quartier moko na Diana na Barumbu, alobaka naye  aluka Sam Mangwana, tango wana Mangwana azalaka na lingomba ya African Fiesta National ya  Pascal Tabou  Rochereau. Na tango yango, Mangwana  azalaka pe kofanda na  Ville pene pene ya Armée du Salut, mosika te na esika Diana azalaka kofanda , rue  Mayenge  na  avenue Kassai  pe  na Lac Moero kaka na Kassai, pona Papa wa bango na kombo ya Binga , moteki monene, azalaka na mapango mibale.

 

 

                           Bokutani ya Sam Mangwana na Diana

 

 

Diana andimaka toli ya baninga pe bandeko, na yango ye akendeka koluka Sam Mangwana na ndako naye, pe akumbaki nzembo naye na kombo ya Diana, ye ayembaki liboso ya Mangwana , pe  Mangwana  asepelaki na nzembo yango pe mongongo ya elenge Diana. Be nakati ya ndako, Mangwana  ayekolaki nzembo yango pe akotisaki yango na Magnetophone na mongongo waye. Tango  Mukala ayaki  kotala  Mangwana na ndako, ayoki nzembo wana, kaka na mongongo ya pamba asepelaki.

Bongo Mangwana alobaki na Mukala ete, mokolo ya nzembo ezali elenge oyo. Na tango wana  bazalaka kobenga  ye Diana te, kasi  azalaka na kombo ya Simbad.

 

Sima ya mikolo Mangwana olobaka na  Diana akenda na Kingabwa na ndako ya Rochereau esika  African Fiesta National bazalaka kosala ba repetition. Na mokolo yango, repetition ezalaka kafu kafu po ete esengeleki kokota na Studio ya Renapec be na butu ya mokolo wango. Na tango yango, babeti lokola Roger Izeidi, Faugus, Michelino,Mwena, Guivano, Karé, Vieux Biolo, Willy Mbembe , Sam pe basusu bazalaka.  Liboso ya Diana kokende koluka mosala epayi Rochereau bazalaka kozala elongo bango basato, Mangwana, Michelino pe Diana, bondeko ekomaki makasi , tango bayaki koyeba ete Diana pe , azali  mwana ya ekolo ya  Angola, lokola bango babale(Mangwana  na  Mavatiku Michelino).

 

Na yango tango Diana akomaki na esika ya mosala to pe  (repetition), Michelino ayambaki ye, pe alobaki naye, kobanga te , yemba. Tango abandaki koyemba Rochereau asepelaki na mongongo waye. Kaka na butu ya mokolo yango bango nionso bakendeki na Studio Renapec pona  kosala ba nzembo ya sika , moko ya ba nzembo ya ngo ezali  na kombo ya Leopards , (leopards lelo to ganher  eh mama). Bokoti nionso wana ya  Diana  na lingomba ya African Fiesta National na mobu  ya 68. Nzembo naye Diana eyembama  na mingongo ya    Rochereau   pe Sam Mangwana, kasi  na palaki batia kombo ya Diana mosali nzembo yango.  Kasi na ndenge  boyebi ete, na mangomba ya miziki mobulu ezangaka te. Mangwana , Guivano, Michelino pe basusu, batikaka lingomba ya African Fiesta National  pona  kokela  lingomba ya Festival de Maquisards. Likanisi ya kosala lingomba mosusu ezalaki ya kala. Po liboso ya  komema Diana epayi ya Rochereau, Mangwana alingaka kokotisa na lingomba moko bazalaka kosala na bobombani(nzong nzing), elongo na  Youlou (Ok Jazz), Michelino, Mangwana etc..  pe  Gizenga  na makambo etali mabongisi,kasi esalamaka te po Franco na Rochereau batiaki bango miso. Na   yango,  tango bango batiki lingomba ya African Fiesta National,  Rochereau  alobaki na Diana boye,  kolanda   bango,   tikala   awa ngai nakobimisa yo na miso ya bato. Na tango wana Diana abimi nanu te, kasi nzembo naye (Diana ya mama).ezalaka kosala sango makasi penza. Pona kozipa  libulu oyo babeti wana  batikaka  oteyi  ya lingomba, ya African Fiesta National , Rochereau abengaka  Athel, Denis Lokassa, pe basusu.

 

Esengelaki malamu ko  mibongama pona kolakisa mosala ya sika . Na  yango       ba kendeki kofanda na Nganda na Kintambo pona mosala, sima  Rochereau abengaka  ba panzi sango pona kolakisa babeti ya sika  pe mosala.  Kasi  sima bakendeki lisusu na  Lukaya kaka  pona  ba repetition. Na tango wana Diana ayaka kosala nzembo na kombo ya  Libala ya 8 heures du temps, ematisaka putulu penza. Kasi bato bazalaka se koyoka kombo ya Diana, bayebaki ye te.

Bobimi naye na miso ya bato, pembeni ya Rochereau  ezalaka na Bar Vis à vis. Sango etambolaki mingi, ba panzi sango pe bakomaki na ba Journal  pe basakolaki na Rádio. Liboso ya kokende na Vis a Vis , Rocherau na Diana bakendaka na ndako ya madame Leonie(moko ya balandi ya lingomba ya African Fiesta National), kuna     nde  Diana akendaka  komibongisa (kolata). Na    African Fiesta National asalaka pe nzembo mosusu na   kombo ya Tsheke Mado.

 

Kombo ya Diana ewuti wapi? 

 

 

Tango elenge moyembi (Simbad) alukaka Sam Mangwana, ayaka na nzembo na  kombo ya Diana. Kasi mokolo moko  Rochereau azalaki elongo na Sam Mangwana  pe  Madame Leonie  na  elenge Simbad (Diana), Rochereau asimbaki kopo ya champagne na loboko, pe  asali batisimo. Alobika ete, banda lelo   kombo na yo ekomi Diana.  Kino mokolo wana elenge Simbad , akomaka na kombo ya mosala  DIANA.

 

 

Bolongwi ya Diana na African Fiesta National

 

 

 

Tango atiki lingomba ya African Fiesta National na mobu 1970, Dalienst  pe Michelino babengi  ye na lingomba ya Festival de Maquisards na tango wana,  Sam Mangwana pe Guivano balongwaki na  lingomba   ya  Festival  de Maquisards. Diana pe baninga baye ya lingomba basakaka mobembo na Mbuji Mayi, makambo nionso ezalaka kotambola malamu kuna  na Mbuji-Mayi. Kasi ndenge baloba, na mokili libaku mabe     ezangaka te, bango bakutanaki  na libaku  mabe, tango bakangi    Denis  Losono, kolo ya ba instruments ya lingomba na bango ya Festival de Maquisards .

Kuna na Mbuji Mayi mosala ebebaki pona  bazalaki  lisusu na ba instruments te, leta azuaki yango. Pasi akotaki makasi penza, moto moto,  azalaki koluka nzela ya kozonga Kinshasa. Kokoma bango na Kinshasa, basanganaki pe basalaki ba nzembo na Studio Vévé ya Verckys   Kiamwangana,  ba     nzembo lokola  Delya, Sónia, Biki, Essesse esalamaka na babeti oyo , Diana, Dalienst, Lokombe, Kiesse. Dizzy, Dicló, Barami, Jean Trompette, Johny,Bisikita, Makirimbia etc... Nakati ya bango banso  bawutaki na Mbuji Mayi, kaka Michelino moto abetaki te na ba nzembo wana pona ye azongaka na African Fiesta National.  Ba nzembo yango,  mingi bazalaka kobeta yango na Festival de Maquisards, kasi  tango bapalaki ebimaka,  ba bongolaki  kombo ya lingomba ekomaki Les Grands Maquisards. Pona ete ,sima ya bosali ba nzembo wana  na studio, Bisikita akendeki na  Bella Bella, Barami pe Dicló bakendeki na Ok Jazz,Jean Trompette akendeki na African Fiesta National, pe basusu.  Etikala  bango se mineyi, Diana, Lokombe  Dizzy , Kiesse pe  Dalienst . Na  Les Grands Maquisards, Diana abimisaka ba nzembo lokola, Essesse, Sónia, Rosa, Diamate, Dialo Awa, Marie Pierre etc….

 

 

                                 Bolongwi ya Diana na Les Grands Maquisards

 

 

 

Na mobu ya  74, tango Diana abendi nzoto oteyi ya  Les Grands  Maquisards, asalaka palaki moko ya 45 tours ya ba nzembo mibale(Masanga ma koko, pe mosusu na bosani kombo . Na  ba  nzembo  wana  ye  ayembaki  na Likinga    moyembi    ya  kala  ya Sensationel, Empire Bakuba   pe   Zaiko Langa   Langa. Kaka   na  mobu  wana  (74), Rochereau abengaka ye azonga na Afrisa.. Na bozongi na ye pembeni ya Rochereau, Diana asalaka banzembo lokola:   Sata, Zemi ya Bolingo, Convocation ya liwa, Mwasi ya Wendo, Photo ya Auguy, Lisolo. Ayembaka elongo na Rochereau ba nzembo lokola, Omanga, Makfé ( ya Michelino),  Palmares etc…Bakendaki pe na Festival na Tunis..

 

 

 

 

                                Bozongi ya Diana na Angola

 

 

Tango mboka ya Angola ezuaki lipanda , Diana azuaki likanisi ya kozonga mboka, na mobu ya 76, na bokomi na ya na Luanda  asanganaka na Mário Matadidi, na lingomba na ye, na kombo ya Inter Palanca.. Na  lingomba        oyo, bayembaki elongo na Matadidi Mário ba nzembo ndakisa,  Bakokosa, O camarada presidente disse, Mwana ngola vumbuka, Café, A nossa terra é boa, Volta Camarada .

Na mobu ya 77, kaka nakati ya lingomba ya Inter Palanca , Diana asalaka ba nzembo mibale,  Valodia   pe  Angola Nova. Banzembo oyo ematisaki putulu penza   na  Angola.

 

 

Na mobu ya 80, Diana atikaka  lingomba ya Inter Palanca ya Mário Matadidi, pona kosala lingomba ya ye meyi, na kombo ya Olímpia. Nalingomba oyo , okataka na  Studio ya Rádio ya Angola pona kosala ba nzembo oyo: Canducha, Mena, Bolingo Pasi, Amour Steves.

 

 

Na mobu ya 83, Diana akendaka na Kinshasa  pona  kosala palaki.  Na lisungi ya ndeko na ye na kombo ya Ison,  Diana akotaka na Studio Véve , elongo na babeti ya Bobongo Stars, pe asalaki  ba nzembo mineyi,   Loulou, Sim Senhor, Marguerida  pe Diana II.

Banzembo oyo abetaka na ba mboka ebele ya Afrique  pe mikili ya poto.Na Paris edition Safari Ambiance ya Maniatakus etekaka palaki  yango na bikolo ebele ya molongo(Monde).

 

 

Na mobu ya 85, Diana akendaka na ekolo ya França (Paris), kuna    mosali nzembo   na    kombo   ya  Momene, ebengaki  ye na Bruxelles pona  koyemba elongo  na  Dalienst, Josky Kiambukuta,Michelino (na lindanda), Dele Pedro(mobeti saxo ya kala ya Ok Jazz), Armando pe basusu. Basalaki  ba nzembo misato ya  Momene.

 

Sima nde azongaki na Luanda, pe akobaki na    mosala na kati  ya   lingomba   na ye Olímpia. Na mobu ya 89, tango ya liwa ya Grand Maître Franco, Diana   akotaki na studio ya Rádio ya Angola pe  ayembaki nzembo ya Hommage na Franco.

 

 

                    Mobembo ya  Diana  na  Congo  Brazzaville

 

 

Na mobu ya  2003, mokambi ya culture ya Congo Jean Claude Gakosso, abengaki ba babeti ya kala , ya Les Grands Maquisards, pona kobimisa  mokanda  pona kokanisa kondo Dalienst. Diana asanganaki na Dizzy, Kalambayi, Michel Sax, Makirimbia,Franck Nkodia, Dave pe ndambu ya babeti ya Brazzaville. Lokola moyembi Lokombe azalaki te, babengaki Malage De Lungendo pona koyemba na bango.

 

Na  2005, mokonzi Jean Claude Gakosso   abengaka   ye lisusu, pona   kosangana   na    baninga  ya Les Grands Maquisards, Dizzy, Dave, Kalambayi, Lokombe,Makirimbia, Franck. Pe babengaki Nyboma   na Guivano pe na ndambu ya babeti ya bana ya Poto Poto pona kosangana na bango.

 

 

Diana azalaki kosala kaka mosala ya miziki, maladi ya miso  nde  azalaki kosala ye nkokoso mingi, na 2006, akendaka na ekolo ya  Portugal  pona  kosalisa miso.

 

Na mobu oyo ya 2011, na sanza ya mibale to pe ya misato, ye azalaki na Kinshasa pona kosalisa miso.kasi  pasi ezalaki kokoba se kokoba.

 

Obs: Nazali kosenga na ba mbokatiers Nzembo moko ya Diana na bosani kombo ya nzembo yango, kasi maloba ezali boye:

Toleki mingi

 

Balobi basi baleki mingi

Toleki  mingi eh eh  ekomi nzembo

Toleki mingi ya solo

Moseka yaka totambolaka biso mibale

Biso mibale eh eh 

Soki ozwi  toleyi

Soki nazwi tolati

Namoni changement na nzoto na ngai

Mibali bakomi nde ya koluka

Ekenge na mbongo

Yango wana toleki mingi

 

 

Diana akufaki na mokolo ya lundi, 29-08-2011,atiki bana mineyi, nzambe azala na ye.

 

 

Nazali kosenga na ba mbokatiers babakisa maye mazangi na lisolo oyo. Soki pe nabosani, bo bongisa. Papa Faugus, Seskain Molenga, Mavatiku Michelino  banso bayebaki Diana to pe basalaka naye.

 

 

Luanda/ Angola   20-09- 2011   


 

ESSESSE, par Diana et les Grands Maquisards

 Pedro

 

 
EYANO NA MONINGA MBOKATIER, PONA LISOLO YA BO PANZANI YA FESTIVAL DE MAQUISARDS.

 
Ndeko mbokatier. pona motuna ya koyeba soki ko panzana ya Festival asalamaka na Kisangani te,  ngai nako limbolela boye. Tango bakelaka lingomba ya Festival de Maquisards, DIANA azalaka na African Fiesta National YA Rochereau. Banzembo lokola Coco colette. Yambi Cherie,Sisika, Mokili mobonguani etc... Diana ayemba ba nzembo wana te. Tango Sam na Guivano batiki Festival de Maquisards, basali lingomba na bango na kombo ya Festival SAM ET GUIVANO, na tango yango pe Diana  alongwaka na African Fiesta National. na yango Michelino na Dalienst, babengaka Diana pona asangana na bango, na lingomba ya Festival de Maquisards, ye pe andimaka. Kasi tango babandi kobeta na Kinshasa, succes azalaki te. po bato bazalaka kolanda mingi SAM na GUIVANO. Na yango patron na bango Denis, apesaka bango likanisi ya ko kende kobeta na Mbuji Mayi, kuna orquestre ekomaki  kosala succes, ba nzembo lokola ba Delya. Maria Mboka etc... azalaka kobetama na Mbuji Mayi, liboso ya kobima na ba palaki. Lingomba epanzanaki na Mbuji Mayi TE, kasi bazuaki ba nkokoso na tango sponsor na bango Denis LUSONi. akangamaka na Kinshasa na makambo ya politiki to pe ya mosolo. Ba instrument ya miziki oyo ye asombaka pona lingomba ya Festival, leta akangaki yango kuna na Mbuji Mayi, ba musiciens bakomaki na pasi. Kamua mbongo ezalaka na kesi bapesaka Dalienst akenda na Kinshasa pona koyeba soki makambo ezalaki ndenge nini.Ekendaka Dalienst mikolo ebele, na sima ekomaki moto na moto aluka nzela. Kasi tango bango banso bakutanaki na Kinshasa basalaka ba enregistrement ya ba Delya, MARIA Mboka, Essesse, Sonia na bango nionso kaka Michelino moto abetaka te. Nakati na bango bazalaki Lokombe,Diana,Dizzy,Dalienst.Kiesse.Barami.Diclo.Bisikita.Johnny,Jean Trompette. Makirimbia etc..  Nabanzi na limboleli ndeko Mbokatier lisolo ya Festival de Maquisards.Kasi Lokombe, Dizzy , Barami(na Angola), pe basusu bakoki kobakisa na lisolo oyo.
Papa MESSAGER luka nzembo ya Diana na kombo ya Dialo Awa. Pona photo ya Diana nakoluka yango.
 
PEDRO

Commenter cet article

CELESTIN 13/10/2012 03:08


Vraiment Diana azalaki moyembi ya solo à travers ya ba nzembo naye et ensuite  azalaka ko s'adapter facilement na ba orchestre nyonso otangeli biso oyo ye ayembaka. Epayi akeyi na lola
nzambe azala na ye pe asunga libota na ye mais pona kosukisa na sengi na bandeko ya mbokasiens soki bokoki koyo kisa ngai nzembo moko  ya feu Diana na kombo : Zemi ya
bolingo pona rendre hommage et par respect ya molimo na ye. Na sengi bino merci ya mingi pona nzembo wana.

bertino de gimbanda nzila 02/10/2011 22:59



Salut l'artiste merci aux kulutu mbokatiers qui ont su nous eclairer l'historiquement parlant  cet immense artiste . il etait enorme aux cotés de rochereau dans sa periode afrisa réecouter
makfe,sata dont  une prhase a eté repris par papa wemba dans lonie , palmares et omanga donc une  vrai complementarite vocale avec rochereau comme l'etait ndombe ou sam manguana, chers
kulutu mbokatiers faites nous ecouter si vous l'avez l'album de diana qu'il avait fait les bobongo stars  car pour moi jeune melomane que j'etait au debut des année 80 un vrai petit bijou a
l'epoque cet album valait  ceux de manguana ou muntouari,nyboma (doublé doublé)papa wemba (santa),likinga moselebende et de pamelo ainsi que celui de  theo blaise nkounkou, merci encore
pour ce que vous faites. bertino de gimbandanzila


 



pedro 30/09/2011 20:20



Le chanteur Diana a été inhumé au cimetière Santa Ana à Luanda ,le Vendredi  2 septembre 2011, et non le Dimanche 11 septembre 2011.


PEDRO



Pedro 30/09/2011 20:10



Le chanteur Diana a été inhumé au cimetière Santa Ana à Luanda, le 2 septembre(un vendredi), mais non le 12 septembre 2011.


Pedro



adeitoko 30/09/2011 13:38



@Pedro


Nalingi nayeba soki voyage oyo epanzaka bango ezalaki ya kisangani te! po d'après memoire na ngai Sam et Guvano babendanaki pe batiki bango na Haut Zaïre pe Michelino grâce ya ba Bébé Kigoma a
rejoindre Kinshasa pe a réintégrer Afrisa


je me rappelle Dalienst abuakelaki ye "obotama mobali, boni okimi pasi, " pe ye a repliquaki na loyembo intitulé "Marthe Maboke"  



Messager 29/09/2011 18:38



Pedro,


Luka phpto ya Diana po totia na blog.


 


Messager



Pedro 28/09/2011 20:45



NATONDI MBOKA MOSIKA PONA NZEMBO OYO (TOLEKI MINGI), YA NKONDO DIANA NA LES GRANDS MAQUISARDS.  NZEMBO OYO ,NAYOKA YANGO KALA PENZA. MELESI MINGI.


PEDRO



yala maurice 28/09/2011 10:10



J'ai lu attentivement et avec beaucoup d'attention tout le parcours de DIANA.Mon seul regret c'est que nous devons tous nous efforcer de faire ces eloges au moment où ces grands musiciens sont en
vie. Aujourd'hui je prends le cas du vieux JEANNOT BOMBENGA WEWANDO ,nous n'avions pas de ses nouvelles et c'est maintenant qu'il est en vie qu'il faut l'écouter et qu'il nous parle lui meme de
son entree dans l'african jazz et pourquoi etait il parti de cette grande formation.


En ce qui concerne le titre de la chanson de DIANA ,si je ne trompe pas c'est
KIMBOKOTO                           


                                                                            
Maurice Yala


                                                                            
Pointe noire -CONGO