Overblog
Editer l'article Suivre ce blog Administration + Créer mon blog

Archives

Publié par Messager

 

 

Ndeko Serge,

 

Jean Foster Manzikala (Manzikala Mandrikini) « Trouble Trouble » azali originaire ya province Orientale, na district ya Ituri na Territoire ya Irumu. Jean-Forester Manzikala azali muana ya soda ya Force publique mpe akoli na camp militaire ya Hardy (Lieutenant-colonel Ebeya) na Thysville mpe atangi ba kelasi na ye kuna na Sainte-Thérèse. Sima ya ba kelasi na ye, abandi mosala na administration coloniale, mpe aye kokota na politique na M.N.C., sima M.N.C.- Lumumba.  Na 1960, akomi Président ya Province Orientale en remplacement ya Charles Badjoko. Akonzi province Orientale tee na 1961. Sima ya wana, wuta 1962 tee na 1966, Président ya province ya Kibali-Ituri. Na 1966, Président Mobutu a nommer ye Gouverneur ya Katanga na esika ya Godefroid Munongo suite na liwa ya Colonel Damien Tshatshi mpe na ndenge azalaki na contrôle ya ba ex-gendarmes katangais oyo Tshombe akotisaki na A.N.C. Mission ya Manzikala na Katanga ezalaki ya ko punir terriblement ba opposants katangais, kosenga na ba Lubakat ba dénoncer ba traîtres katangais (Lunda) na étrangers (mindele oyo bazali pro-Tshombe), na ko sokola police nationale na Katanga.

Major André Ikuku nde azalaki le bras exécuteur ya ba ordres nionso Chef na ye Manzikala abandaki kopesa ye wuta : planification ya ba enlèvements, lolenge ya kokanga batu illégalement mpe ko torturer bango, tee na ndenge bakoboma bango sans procès ni décision ya justice. Manzikala na Ikuku bazalaki kolala na moyi mpo na butu nde ezalaki tango bango babandaki kosala mosala makasi ya koniokola batu tee na liwa.

Le 12 juin 1967, tango sabotage ya pont ya Lubudi esalemi na cadre ya Plan Kerillis, Manzikala azui mokano mua ko attaquer ba mindele oyo ba services na ye ebandaki ko soupçonner que bazali complices na ba mercenaires. Mingi bakima na Rhodésie du nord, misusu bakota na Angola. Manzikala azali liseki te, soki okueyi na mutambu na ye, ba chances ya kobima kuna vivant ezalaki muke. Sima ya ba koboma ebele ya batu na Katanga, likambo eyaki kotombwana, basali ye na batu ba ye procès mpe bazui condamnation ya cinq ans. Tango akeyi na Kinshasa, Général Erneste Masiala nde ayaki ko remplacer ye na ebonga Gouverneur ya Katanga.

Sima ya kofandisa ye moke na touche, le 10 janvier 1970, Président Mobutu a bombarder ye Inspecteur d’Etat mpe Chef ya sûreté urbaine ya Kinshasa. Ezalaki ebonga moko fait sur mesure mpo na ye. Au fait, Président Mobutu azalaki un peu déçu na résultats ya referendum ya 1967 mpo na Kinshasa ba résultats ezalaki malamu te na 81% mpe Kongo-central na 88% pendant que ba provinces mosusu esalaki 99% ou 98%. Na déception ya résultats ya Kinshasa, Président Mobutu aloba polele na discours na ye ya 24 juin 1967 que : « na Kinshasa, batu ya mobulu mobulu (opposants) bazali ko saboter ba efforts oyo nouveau régime ezali kosala na kokotisa na mitu ya batu ba sentiments tribalistes na but ya kofandisa ba désordres. Kasi tokotala ! ». Na 1970, tango cinq ans oyo ye alobaki que akotika pouvoir na ba civils esengeli ekoka na novembre, na janvier 1970, asaleli Manzikala ebonga ya sika ya Inspecteur d’Etat mpe Chef ya sûreté urbaine ya ville de Kinshasa. Sûreté urbaine oyo ezalaki sous autorité directe ya Président Mobutu ye moko. Ezalaki na rapport te na responsable régional ya documentation (RE.DOC.) oyo abandaki ko dépendre na Administrateur ya Département ya documentation intérieure (A.D.I.). Manzikala ye azali étroitement en contact na Président Mobutu (entre Président na ye, intermédiaire azalaki te) mpe azalaki na ba services na ye autonomes. Na cadre wana nde ayaki lisusu kosenga na équipe na ye ya Katanga, na Colonel Ikuku mpo azala responsable ya sûreté mpo basala musala ndenge babandaki kosala kuna na Katanga. Sika awa na Kinshasa, batu oyo babandaki koloba loba que esengeli pouvoir ezonga na ba civils ndenge déclaration ya haut commandement elobaki le, 24 novembre 1965, bakoyoka ndenge Manzikala, na tête ya ville ya Kinshasa, akobanda konionga bango !

Inspecteur d’Etat azalaki mpe pouvoir ya gouverneur ya ville urbaine ya Kinshasa.  Kasi esengeli toyeba que na 1969, responsable ya ville ya Kinshasa akomaki kobengama Commissaire urbain. Inspecteur d’Etat na ba attributions na ye azalaki mpe na oyo ya Commissaire urbain ya ville de Kinshasa.

Tango Manzikala bandi mosala, a surprenaki batu banso na elateli na ye ! Akomaki kolata treillis militaire ya vert olive na ekoti na yango na munduki na loketo. Wana ezali message oyo a lancaki na ba oyo bazalaki kokanisa que Manzikala ya Katanga na oyo ya Kinshasa ezali Manzikala moko te !!! Ezalaki clair que ye alingaki que mutu nionso a comprendre que azali un « flingueur de sang froid » mpe mutu nionso esengeli omikebisa na pouvoir ya Mobutu !!! Abandi kokanga batu na ba simples dénonciations bakosalela ye na batu ba ye mpe abandi koboma mpe ko installer climat ya terreur na Kinshasa. Na kati wana, batu banso bazalaki ndenge moko : miyibi, ba yankees, ba bills, ba opposants politiques, ba bitambola tambola na butu, mutu nionso oyo afundami kuna, ezalaki kopona te. Abandaki koboma batu ebele tee na ndenge ayaki koboma Thomas Eale, jeune dirigeant ya J.M.P.R. nde likambo emataki ngomba mpe Président a suspendre ye, sous prétexte ya indiscipline mpe manque ya respect na hiérarchie, na octobre 1971. Na mars 1972, procès na ye esalemi  na Cour suprême de justice. Malheureusement, Cour endimi esambisa ye na huit clos, sûrement mpo ebomba ba natures ya atrocités oyo asali mpe na kombo ya mutu oyo apesa ye carte balnche ya koboma. Tellement que azalaki persuader na soutient ya Président Mobutu na nionso abandaki kosala mpo ye nde apesaki ye mission wana ya kofandisa terreur na Kinshasa, azalaki  même pas na considération ya Cour suprême mpe abandaki kofinga tee na Président ya Cour, Marcel  Lihawu, na Avocat général, Panzu valentin, Ministère public na procès wana.

Manzikala azuaki condamnation à mort mpe batu na ye bazuaki vingt ans de prison. Sima, Président Mobutu abongoli peine wana na perpétuité mpe sima ya mbula mitano, abimisi ye na boloko na bénéfice ya grâce présidentielle. Est-ce que Manzikala « Trouble Trouble »  azalaki vraiment na Makala ? Elobamaka que azalaki na ye na une des luxueuses villas ya cité ya O.U.A. Azalaki na ye à l’aise kuna neti mutu azali ko passer ba paisibles vacances. Curieusement na ba cas mingi ya ba procès tomona na Zaïre, soki Président Mobutu azali na kanda na mutu wana, babandaki kobotola ye biloko na ye nionso mpe mutu abambami completement mpe sima ya boloko, bakotinda ye na mboka. Kasi, manzikala ye azalaki na cas wana te ! Au contraire, ye azalaki jamais inquiéter mpe atikalakii bia biloko ye bionso, ba biens meubles na immeubles mpe azalaki toujours na mbongo mingi mpe ebele ewuta na ba trafics ya  Mercure, Or, Diamant. Ezalaki ya kobombama te mpo abandaki yango na ba mines na ye privées ya Ituri mpe na Katanga na Gécamines epayi  abandaki kosala ba affaires minene kuna. Ye abandaki kolala likolo ya mbongo.

Tango abimi na « détention », akeyi na Bruxelles na Belgique mpe afandi na hôtel Hilton kobanda 1978 tee 1981mpe aboyi ko régler note ya hôtel : trois millions huit cent vingt mille francs belges (six cent trente sept mille francs français soit cent huit mille euros).  Ba responsables ya  Hilton bafundi likambo na justice belge mpe bakangi ye mpo na délit de grivèlerie !!!  Na même moment ba familles ya ba opposants zaïrois na ba belges oyo Manzikala abomaki ba ndeko na bango babandaki kosala ba démarches mpo justice belge esambisa ye na mpo na batu abomaki na Katanga mpe na Kinshasa!!! Président Mobutu asali intervention, ba belges babimisa ye sima ya trois mois ya détention provisoire mpe azonga Kinshasa sans a futa niongo azali na yango. Avant wana, Président Mobutu abandi kosala ba menaces na gouvernement belge que soki etiki Manzikala te, esengeli Belgique eyeba que Zaïre ezali contre campagne oyo yango ezali kosala mpe soki elobi ebanda kokanga ba fonctionnaires belges oyo bazali na Zaïre, ba prisons ekotonda mpe places ya kotiya ba misusu ekozala te tellement que bango bakozala ebele. Belgique ebangi ! Devant ba menaces mpe na kolengisa  wana,  eyanoli ba opposants zaïrois na ba Belges que makambo oyo Manzikala asala, eleka kala dans le temps (prescription) mpe moyen ya kosambisa yango ezali te. Na oyo etali mbongo ya Hilton, justice esengi na yango eluka solution na représentation diplomatique ya Zaïre na Bruxelles. Justice etika likambo mpe Manzikala abima boloko pepepe (blanchi).

René Mosengo « Moreno » ayemba Manzikala na nzembo : Jean-Foster Manzikala. Moreno asalaki enregistrement ya nzembo oyo na ba musiciens ya African jazz. Ndeko, tango yaya na yo abandaki koloba na yo que : « Ozali esprit Manzikala », effectivement elingaki koloba que ozali esprit mabe. Na Kisangani elobamaka boye : « Uko na roho mubaya sawa Manzikala » mpo na ko expliciter degré ya mabe ya mutu comparativement na esprit diabolique ya Manzikala.

Na Kinshasa, Manzikala azalaki kofanda na super villa na Djelo Binza (Binza pigeon) kasi ayaki ko préférer kokende kofanda na villa na ye ya Kisangani na plateau Boyoma na quartier ya Immo Tshopo. Ye akomaki paralyser na makolo manso mabale mpe akomaki kofanda na kiti. Bien que akomaki ndenge wana, soki otali ye que miso makutani, azalaki kaka kobangisa ! Ye akufa na 1985, na Prison ya Makala, na Kinshasa. 

 

Patriotiquement,

 

Emmanuel Kandolo

 

Pour être informé des derniers articles, inscrivez vous :

Commenter cet article

Alemisse 31/10/2020 20:14

Merci pour la belle histoire Nga naza mofandi na faradje wapi ba kudi manzikala aza moto ya ituri mais kasi ya haut uéle soki bho lingi photo ya tombe ezali pe tombe naye ezuami na 1km ya monument ASOSA SAIO GAMBELA na centre ya FARADJE 0824597565

Messager 01/11/2020 07:57

Tindela biso photo ya tombe yw Faustin Manzikala.

SOUS STATUT 29/01/2010 21:22


Ndeko Kandolo,
mbote na yo, tika ete namema mpe ya ngai temoignage, Esprit Manzikala, bien que azalaki Criminel Notoire, kasi tangu akomaki Gouverneur to Inspecteur d'etat ya ville ya Kinshasa, amonaki ete batu
oyo basalaka na Hotel de Ville, bazalaki koya na mosala na retard tango inso, alors ye moko Esprit Manzikala ayaki na Bus na ye, biso nionso toyebi Tata wana azalaki na mosolo mingi, ndenge toyebi
ye azalaki mokonzi na Ibali Ituri, tango ya ba rebellion, kuna esika Or mpe ba richesses misusu ezali, alors ayebisaki basali banso ya Hotel de Ville, kobanda na moyi ya lelo, bino moko bomoni
nayeyi na Bus na ngai, na esika esalaka mpe ekotisela ngai falanga, kasi na preferer na alleger probleme na bino ya transport, kasi na condition moko, kobanda lelo, oyo na kati na bino akomeka
lisusu koya mosala na retard, akoyeba ngai soki nazali nani, balobi banda JOUR wana, ti ndenge bayaki kokanga ye Manzikala, retard na mosala esilaki na Hotel de Ville. Tala ndakisa ya malamu Esprit
Manzikala alakisaki, discipline na mosala.
Sous Statut. 


Messager 25/01/2010 09:04



Losako ndeko Emmanuel Kandolo,


 


Natondi na esengo tango na moni ke oyanoli moko ya mituna na nga. 


 


Ofongoli nga mayele bo momesano.  Nayebisi muasi na nga ke oyo lolenge ya batu toza na bango posa pe lisusu bato tokoki kotosa na mboka na biso na esika ya bato oyo bamemeli biso
kosuana na internet na ba kombo makasi makasi lokola "Polemique" pe ekoma na minoko ya bato nionso lokola ba tshaku.


 


Ndeko Kandolo oza tres important ndenge oza kokabola buanya na yo na batu nionso, aza moyimi te po oyebi kokabola na ba ndeko.  Oza un baobab ya mobesu pe yakotema, une vraie reference,
quelle connaissance!!!


 


Okoki kosala buku mobimba ya ba biographies ya bato oyo ba marqua na mboka na biso.  Nayebi te est ce que na mboka na biso toza pe na ba buku oyo eza na ba connaissances ya boye? 


 


Nzambe abatela yo, po ekozala perte monene ndeko Kandolo soki lelo oza lisusu na bomoyi te, quelle perte!  Biblioteque mobimba ekolimua, please sala otangisa baye baza pene na
yo ndenge oza kotangisa biso na internet po mayele oyo ebunga te.  Ya solo oyo eza "ba cours par correspondance, sans exagerer".


 


Na Zaire ya Mobutu tozalaki na ba mythes na ba enigmes ebele oyo nanu tozuela biyano te.


 


Merci lisusu pona biyano, po naza na mituna ebele.


 


Mokolo malamu pe Nzambe abatela equipe mobimba ya Mboka mosika.


 


Wa bino ndeko Serge. 



Jerome Nzembelé 19/01/2010 22:31


Bonjour Gd Frère K.
Juste une petite réctification à propos de ce fou de Manzikala, Il est mort en 1987 en prison de Makala où il était enfermé pour avoir tué son domestique.
Face à ce nième crime, son mentor de président, contrairement aux attentes du fou n'avait voulu rien savoir sur sa demande de gràce. Et c'était d'ailleurs bien fait pour lui car comme on
dit, tout se paye ici bas.


Maxime 31/05/2017 18:42

Au fait en lisant cet article sur Jean Forster Manzikala,je me suis rappelé une histoire quemon feu pere m avait racontee sur lui. Na tangu wana mon pere awutaki kosilisa kelasi na ENDA ( Ecole Nationale de Droit et d'Administration), yango nde ezalaki lokola Grande ecole ya ba futurs cadres de la Republique . Ba Professeur minene lokola ba Jean Zigler ( auteur du livre Main Basse sur l'Afrique) nde bazalaki kuna.donc ba idees na bango ezalaki ba progressiste. Alors tango papa na ngayi Nzita Puati Di Mavambu ( ancien territorial,Commissaire de Region ,pe Vice Gouverneur )bazuaki ye na mosala na Ministere de l"interieur comme Conseilleir Charge des Affaires coutumiers et contentieux. na epoque wana election esalamaki na kibali ituri, pe Manzikala azalaki en competition na politicien mususu. tangu ba depouille ,Manzikala azalaki ko perdre election. alorsa decide ya ko enlever rival na ye , comme ca devant vide de presence ba ko proclamer ye vaincoeur. likambowana emati ti na kinshasa , pe baye kotinda Nzita Puati na Boboyi wabaka,ba jeunes conseillers bakende kosala enquete. Kuna manzikala alakisi bango malle ya mbongo poba ndima ba proces verbaux bango baboyi. ba sali rapport pe ba annule election wana. kasi sima papa ba ye kotinda ye comme Commissaire urbain na Lubumbashi , kuna akuti Manzikala comme Gouverneur...tango manzikala azo koyamba ba commissaire nyonso ya Province na ye , atangi kombo ya Nzita puati pe a se souvenir na enquete ya kala na Haut Zaire. ayebisi ye omoni ndenge mokili esalaka makambo. Batindi yo awa comme commissaire urbain na lubumbashi po oza elite , mais ngayi na za na droit ya kosenga ba changer affectation . alors alobi na ye na zo tinda yo na Kalemie ( tangu wana rebellion eza ko nginda kuna na ba bob Denars pe ba Kabila). Vieux pe andimi kokende kuna .asali mosala ,pe a pacifier District na ye. si koyo ekomi likambu Gouverneur aya ko sala inspection , ye Manzika akomi kobanga ..peut etre Vieux akobomisa ye kuna,pona ba plan na ye il fallait Vieux abima vivant te na Kalemie. kasi na suka bayaki kosolola malamu. pe asengaki Papa alimbisa ye...histoire des annees 68-69