Overblog
Editer l'article Suivre ce blog Administration + Créer mon blog

Archives

Publié par Messager

securedownload

 

 


Ba ndeko,

 

Tozali kaka kokoba lisolo ya etamboli ya Leopards du Zaire na qualification ya Coupe du monde 1974 na Allemagne fédérale.

Na accra ba equipes oyo elandi nde ebetaki.

Black Stars ya Ghana : Lante France (Gardien), Assumadu, Sam Amartefio, Akuetth Armah, John Esun (Defense), Mama Aquah, Joe Sam, Ibrahim Sunday (Milieu), Malik Jabir, Kwasi Owusu, Polo Mohammed.

Entraineur : Bismarck.

Léopards du Zaïre : Kazadi Muamba (gardien), Muepu Ilunga, Mukombo Mwanza, Buanga Tshimena, Ngoie Kafula (defense), Mana mambuene, Mavuba Mafuila Ku Mbundu, Kidumu Mantantu (milieu), Tshinabu wa Munda, Ntumba Kalala, Kakoko Etepe.

Blagoja Vidinic

Comme d’habitude ba Ghanéens bazalaki sympathiques na acceuil na bango mpe bazalaki na détermination yak o gagner ba Zaïrois mpo Fédération na bango ebengisaki Dimitru, entraîneur ya équipe olympique ya Roumanie, mpo a seconder Bismarck mpo na kolonga Léopards du Zaïre. Na ba interview esalemaki na  Winneba (à 56 km na Ouest ya Accra, esika Black Stars bazali ko préparer match contre Léopards), ba joueurs na staff technique bazalaki confiant que bakopolisa Léopards.

Match aller ezalaki équilibrer mpe ba actions mingi penza ezalaki te. Léopards epolaki na penalty severe (ballon etutaki loboko ya Muepu)  sifflé na arbitre guinéen, Camara. Akueteh Armah nde atiaki yango. Soki arbitrage ezalaki vraiment malamu, mbele, Ntumba alingaki azua penalty ata mibale mpo bapapolaki ye na surface mbala mibale, kasi albitre akangi misuse.

Na Match retour na Kinshasa, Léopards emibongisaki malamu mpe ezalaki prêt. Stade du 20 mai etondaki mpe Président  Mobutu ayaki na stade en compagne ya homologue na ye ya Mauritanie, Président Moktar Ouldadah.  

Mobilisation ezalaki makasi mpe ba joueurs bango moko bayebaki malamu que Ghana na Zaïre ezalaka tembe na tembe , ezala na équipes nationales ou na mazembe.

Léopards ebetisaki : Kazadi Muamba (gardien), Muepu Ilunga, Mukombo Mwanza, Buanga Tshimena, Ngoie Kafula (défense), Mana Mambuene,  Kidumu Mantantu,  Mbungu Ekofo (milieu), Kembo Uba Kembo, Ntumba Kalala, Kakoko Etepe.

N.B. Mayanga azali kaka na blessure yango wana azali indisponible. Na Vita, Mutombo nde azali kobeta esika na ye.

Blagoja Vidinic

Black Stars: Lante France,  Assumadu, Ayi Aquah, Akuetteh Armah, Sam Amartefio (defense), Joe Ghartey, Osei Kofi, Eric Amankwa, Polo Mohammed

Kwasi Owusu, Isaac Eshun (Attaque)

N.B. Malik Jabir, John Eshun, Yaw Sam na Dan Oppong bayaki  ya Kinshasa te mpo bazaki sélectionner  na équipe continentale africaine oyo ekendeki na Mexique. Président Lokwa ya FE.ZA.FA. aboyaki likambo ya ko céder ba joueurs zaïrois na sélection wana.

Tango ba hymne natinaux ya ba pays inso mibale esili kobetama, toffandi. Na tondo, Kwasi Ewusu na Isaac Eshun babandi (ba centrer) mpe Eshun apesi na Amankwa. Au lieu akanga balle malamu, atengami muke mpe eselemuki ye. Le temps a se rattraper boye, Ntumba abendi ye yango rapidement mpe apesi na Kakoko. Ce dernier, na touche moko ya ballon, azongiseli Ntumba. Ye mpe asali ndenge moko, na une touche, azongiseli Kakoko. Wana, Kakoko azali kopasola nzela en toute vitesse mpe asi a anticipaki koya ya Assumadu, apesi ye koko na feinte, epumbusi ye pembeni mpe abuakeli lisusu Ntumba, ballon kitoko na mutu. Ntumba, na elan wana, apumbue mpe abeti mutu na ballon tres bien travailler par Kakoko, mpe alalisi yango. 1 à 0 na première minute ya match. Il n’y avait pas mieux qu’un début ya match  na kofongola moniama na première minute. Yango esali mbala moko un but partout na ensemble ya deux matchs. A partir ya but ya Ntumba pouce, ba zairois nionso bamilobaki que : « sika to refaire retard na biso ya un but, mpe tozali na 89 minutes ya koluka qualification en imposant notre jeu ». Rivalité ya Zaïre na Ghana na football ebandaki kosala que ba rencontres na biso ezala kaka na ambiance mosusu.

Tango ba  Ghanéens ba zongisi balle na tondo, bameki kopusana na milieu ya terrain, kasi Ngoie a recuperer, apesi na Mana, mbala moko alekisi na Kidumu. Kidumu asopi Joe Ghartey, immédiatement apuseli Kembo mpe atumbi munduki, eleki juste pene na but. Ghana mpe emeki ko attaquer na organisation ya Osei Kofi en combinaison na Amankwa, kasi Buanga a briser yango. A relancer Kembo mpe atandi accélération na mopanzi mpe abuakeli Kakoko. Koya kaka balle wana ezali koya na nse, Kakoko a reprendre yango puissamment mpe ebeti giza na poteaux avant ekangama. Lante France, amoni yango te ! 2 à 0. Juste sima ya but ya mibale, Mana, apanzi mediane ya Ghana mpe apesi na Mbungu, a tirer en force, cette fois, Lante France ebimisi balle na corners.  Kidumu mpe Ntumba ba multiplier ba attaques, kasi Lante France azali kolongola yango mpe mi-temps ekoki na score ya 2 à 0.

Na reprise, Léopards e relacher mua moke mpe par deux fois, Owusu a tenter ko tirer mpe Kazadi azali kokanga ba tirs na ye. Entraîneur Bismarck abimisi Kwasi Owusu  mpo na kokotisa Joe Sam. Sima ya changement oyo, Osei Koffi aluki moyen ya kopesa Mohammed, kasi, ye azalaki un peu court mpe azui passe yango te. Muke te, Isaac Eshun ameki kowela ballon na Mukombo mpe ye abimisi yango na corner. Ye moko, akeyi kokata yango. Tango abuaki ballon, Kazadi a boxer yango, kasi ekeyi kokueyela Osei Koffi na makolo. Le temps mana na Buanga baya mbangu esika azalaki, en toute finesse, apesi mbala moko na Joe Sam mpe atie premier but ya Black Stars. Erreur ya marquage sur Osei Kofi, écouter Léopards cher. Ata ko bongo, public e continuaki ko encourager ba Léopards mpe ezalaki kaka na certitude que yango ekolonga Black Stars.

Léopards ebandi ko attaquer mpe Mana afungoli Kembo, na une, deux na Ntumba, Kembo a tirer,  kasi, Lante France alaleli ballon. Vidinic abimisi Mbungu mpe akotisi Mavuba. Côté ya Ghana mpe, Polo Mohammed atiki place na ye na Mama Aquah.

Osei Koffi, toujours dangereux et extraordinaire,  ameki lisusu ko pénétrer défense ya Léopards, kasi Ngoie a bloquer ye. Apesi balle na Buanga. Bwanga azongiseli Kazadi mpe Kazadi a relancer lisusu Buanga. Bwanga apesi Ngoie, Ngoie apesi na Mana. Mana a eliminer Ghartey, abomi Osei Koffi, asopi Sam Amartefio mpe apesi na Ntumba. Ntumba mbala moko apuseli  Kakoko. Ce dernier, na clairvoyance na ye, amonaki déjà ndenge Lante France abandaki koya ngulu ngulu mpe a lauber ye mbala moko sans hésitation mpe ballon ekeyi kolala mpo na troisième but suite na magnifique action collective ya Léopards. 3 à 0. Wana animation eye lisusu maksi mpe Léopards ekomi kosakana na Black Stars na ndenge nionso. Balle ezali lisusu komomela Kazadi te. Mpo na ko proteger avance oyo, Vidinic asengi na ba joueurs ba garder ballon logtemps mpe batikala regrouper na milieu na défense. Na ebeteli wana, Mavuba asala Amartefio makambu mpe asimbisa ye touche ya surface de réparation. Ye moko mavuba atia penalty wana na ndenge ya mobembo. 4 à 1.

Zaïre elogi Ghana na 4 a 1 mpe ezui qualification na yango mpo na prochain tour oyo ekobetama na kati na ba vainqueurs ya ba groupes ya Afrique : Maroc (groupe 1). Zambie (groupe 2).  Zaïre (groupe 3). Yango ekobetama en forme ya championnat mpe équipe oyo ekozala na ba points ebele na ensemble quatre matchs nde akozala qualifier mpo na Coupe du monde 1974 na République Fédérale d’Allemagne.

Léopards du Zaïre  ekobeta na Lusaka contre Mighty Zambia, dimanche 4 novembre 1973.

 

A suivre…

 

Patriotiquement,

 

Emmanuel Kandolo

Pour être informé des derniers articles, inscrivez vous :

Commenter cet article

Raymond LUTETE 30/08/2012 02:36


félicitation mon frère pona resume osaleli biso avec beaucoup des precisions.Namoni ozali parmis ba legendes vivants ya football congolais.