Overblog Suivre ce blog
Editer l'article Administration Créer mon blog

Publié par Messager

Cher Messager,

 

Na mboka na biso tozalaki kobenga soso (poulet)congelés, emballés: "ebembe ya Adoula" to ebembe Adoula; Nalingi koyeba origine ya kombo wana.

Na zali ko yeba lisusu na bomuana na biso bazalaki koloba que soki ba surete to ba agents ya intelligence "sirete" bayoki yo na kombo ya Adoula bakokanga yo!

Bongo tika natuna na ngai tina ya kombo oyo ba pesaki na ba soso.

Motuna: est ce que ezali na rapport na Mr Cyrille Adoula? 

 

Charles

 

 

Ndeko Charles,

Ebembe ya Adoula elakisi ebandeli too introduction ya « poulets surgelés » na RDC. Yo moko oyebi te na kala  congolais amesanaka kolia obele soso ya bomoyi. Sima ya lipanda lolenge ya kolia ebonguamaki, liboso tango ba sodats ya ONUCONGO bamemaka Long RIZ too loso  GHANA, sima tango ba Américains, na programme USAID vers 1962, batindaka Assistance na kati ya ba boîtes ya conserve mpe na céréales na kati ya ba cartons moko  na dessin ya losako o kati ya loboko ya mundele na moyindo.

Elingi koloba te assistance yango ekomaka tango Cyril Adoula azalaka premier ministre vers 1963. Yango babambaka ba soso yango  kombo « EBEMBE YA ADOULA ».

Kobosana te ba congolais batonda humour. Tango Mobutu asalaka élevage ya ba soso na N’SELE vers 1970, ba congolais babengaki yango SOSO YA NSELE, par opposition na SOSO YA BOMOYI. Kutu ba jeunes filles ya Limete na Centre Mama Mobutu babengamaki lokola « SOSO YA NSELE ».

Nasuki wana. Oyo alingi kobakisa akoki kobakisa.

 

Messager

Pour être informé des derniers articles, inscrivez vous :

Commenter cet article

Vieux 55 24/04/2011 08:03



Mbote bandeko,


Na Leo na Kongo, bino mibale bozali na raison, Denis Sakombi Ekope motu ayaki na kombo ya Sakambi na milieu politique, kasi nde ezali Dominique Sakombi Inongo motu ayaki na kombo ya Sakombi na
unité de mesure to KOPO YA SAKOMBI ya nguba, fufu, masangu etc...


Vieux 55



SERGE KONGO NA BISO 22/04/2011 21:09



Mbote ba ndeko,


Nani mémoire na ye eza lisusu fraiche abakisa esika ndeko Leo alingi asalisa biso po toyeba nani ayaki na unité de mesure oyo
ebengami “Sakombi” na RDCongo kati ya ba ndeko oyo mibale Sakombi Ekope Denis na Sakombi Inongo Dominique?  Po de mémoire naza kokonisa ke ezalaki Sakombi Inongo tango azalaki gouverneur de la ville de Kinshasa, mais nakoti mua confusion wuta
natangi makomi ya ndeko Leo. 


Merci d’avance na ndeko Leo pona contribution na yo, mbokamosika etambolaka ndenge
wana.


Mokolo malamu.


Serge Kongo na biso.  



leo 22/04/2011 18:15



Mbote na ba mbokatiers nionso esika bozwami.


Nakomi juste po na apporter mua correction na likambo moninga


moko akomi, par rapport ya unité de mesure denommée"sakombi.


Kombo wana awuta nde epayi ya grand-frère ya dominique Sakombi


na kombo ya Denis Sakombi(sakombi ekope).Na l'heure wana, je crois


que azalaki ministre mais, nayebi lisusu te na ministère nini.


mboté ebele na batangi.



Serge Kongo na biso 21/04/2011 12:11



Ndeko ba ndeko,


Na même logique ya motuna, na profiter pe na tuna maloba oyo ewuta wapi pe ebimela ndenge
nini : 


Makolo ngulu


Makolo mabata


Munene ya buzoba (kasi balobaka muke ya buzoba te ?)


Mulayi ya buzoba (kasi balobaka
mukuse ya buzoba te ?)


Juste curiosité ya richesse ya nkota na biso ya lingala.  Na festival ya film ya Rotterdam ya 2011 bapaya moko ba presentaki film na bango ezalaki na titre « Lobi » po lloba oyo « lobi » elingi koloba « Hier » pe lisusu
« démain » à la fois, quelle richesse linguistique !


Boboto.


Serge Kongo na biso.



Serge Kongo na biso 19/04/2011 12:10



Mbote ba ndeko,


Na mboka na biso eloko nionso esalemi na mokonzi, ezala ya malamu to ya mabe mingi mingi ezuaka
kombo ya mokonzi wana.  Lokola unité de mesure ya ba grains oyo Sakombi Inongo Dominique « Domsak » pour les intimes akotisaka na ba mbula
70 et quelques, tii lelo ebengamaka « Sakombi ya Nguba to Sakombi ya Madesu… »  En
quelque sorte asala kombo na likanisi naye ya kitoko akotisaka na mboka.  Na Sainte Thérèse na Ndjili na bala bala oyo ekeyi Kimbanseke avant okoma
n’école ya Armée du Salut, mayi ya mbula ekomaki kotonda wana, alors commissaire de zone ya tango wana ezalaki un ex enseignant Citoyen Tankweyi, lokola ezalaki kosala eloko te pona yango ba
surnomaki mayi wana « Lac Tankweyi » pe mususu pene ya église Kimbanguiste ya Kimbanseke ezalaki surnomé « Lac Mambo » oyo azalaki commissaire de zone pe muana ya Mfumu Ngandu (chef coutumier ya na Wumbu). 
Kulutu Messager alimboli déjà pona ebembe ya Adoula mais en passant nayebi ke Mr Cyrille Adoula azalaki moko ya ba 1er ministre ya RDCongo pe papa ya musicien et chef d’orchestre ya
Zaïko « Doudou Adoula », un jour andimaki ke Maréchal Mobutu ayambaki ye pe apesaki ye mbongo mais alingaki koloba te mbongo boni.  Loso ya
Ghana très certainement ewutaki Ghana po mususu pe ebengamaki loso ya Bumba.  Série moko ba milk ezalaki na ba sacs ya minene lokola sac ya ciment
tobengaki yango « Milk ya ba Mbwa », ezalaki pe na ba boites de conserve ebengamaki « Elengi eye » ezalaki kowuta chine sima ya liwa ya Maô.  


Kimia bisika nionso tozuami.


Serge Kongo na biso.



Mboka ya Ngele 18/04/2011 17:50



Mondele na Moyindo oyo bapesna loboko (losako) balobaki ezali John Kennedy na Cyril Adoula.



Jean Kawanda 18/04/2011 10:44



Ndeko, ngai muana ya Léo na ntango wana ya bagana(les ghanéens),nazali na likambo lisusu ya kobakisa te. Ezali ndenge wana.


Boboto