Overblog
Editer l'article Suivre ce blog Administration + Créer mon blog

Archives

Publié par Messager

Sujet : Deux questions de Willy à Emmanuel Kandolo

 

 

 
1 Quelles sont les 2 rencontres sportives  qui ont le plus fait la fierté du foot congolais de l'époque de mobutu
   Et surtout si il peut nous les relater avec le même brio qu il a fait pour la 9 ème coupe d ,Afrique
 
2 Nous retracer le parcours et aussi évoquer un peu les souvenirs  d un monsieur qui mieux que tout le monde a réussi a rester dans l ombre alors qu il aura joue un rôle clé sous le régime de mobutu : Monsieur Seti yale
 
Je sais combien son temps est précieux , lais cela nous fera énormément plaisir de découvrir ces éléments la
 
 
Merci d avance
 
 
Merci
 
 
 
Willy


 

 

La  réponse d'Emmanuel Kandolo:


Ndeko, mutuna ya yambo otuni ngai ezali vraiment fermé mpe ezali kotikela ngai marge mulayi te mpo otuni deux kaka événements sportifs bien que  na ekolo na biso, ba disciplines sportives ezali mingi mpe na kati na yango misusu esali lokumu ya pouvoir ya Mobutu. Na lolenge otuni ngai kaka deux événements sportifs, nakomeka koyanola yo sans hésitation que ba évènements mibale wana ezali triomphe ya Léopards du Congo-Kinshasa na VI ème Coupe d’Afrique des nations ya football. Ya mibale ezali combat du siècle ya boxe entre Muhammad Ali na George Foreman. 

 

Na janvier 1966, tournois triangulaire esalemaki na organisation ya Fédération des Associations Sportives du Congo (F.A.S.CO.). Tournoi wana esangisaki les Lions République démocratique du Congo, Diables rouge ya République du Congo na Black Stars ya Ghana na Kinshasa na satde tata Raphaël. Balck Stars ya Ghana epolisaki Lions ya Congo-Kinshasa na sore ya  3 à 0 devant Président Mobutu. Wuta wana, President Mobutu azuaki mokano mua ko réorganiser football na biso na objectif ya kobimisa équipe nationale ya makasi. Tango wana abbé Théodore Mwamba nde azalaki haut commissaire na sport( haut commissariat na sport ezalaki futur ministère ya sport). En collaboration na Fédération des Associations Sportives du Congo (F.A.S.CO.) na President na yango, François Kalala, mosala mosalemaki makasi mpo na ko reformer football ya R.D.Congo. Na yango esengelaki délégation congolaise ekende na Belgique esika ba joueurs professionnels congolais babandaki kobeta mpo na esala ba avenants na ba contrats na bango de sorte que bazuaka permission ya sortie mpo na koya ko renforcer équipe nationale soki babengami na Fédération. Na mosala mua reforme, yango wana ministre ya jeunesse et sport ya sika, Fréderic Kibassa ayaki ko signer arrêté ministériel CAB/2100/0340/MJS-68 ya 3 juillet 1968 portant dispositions régissant le football congolais. Yango eyaki ko restructurer pratique ya sport mpe kobimisa Fédération congolaise de football (FE.CO.FA.) exclusivement kaka mpo na football.

 

 

 

Six mois après musala esalemaki na Abbé Théodore Mwamba na François Kalala, ba belgicains = ba professionnels ya Belgique bayaki na Kinshasa mpo na kosala jonction na ba locaux na équipe nationale ya sika ebengami Léopards de la R.D.Congo : Maxilien Mayunga, Nicodeme Kabamba, Ivon kalambay, Pierre Muana Kassongo, Paul mayama, Mutshi Muana, Freddy Mulongo, Igniance Muwawa, etc.

 

Kati na bango, ba misusu bazalaki, deux ans plus tard, parmi ba 22 joueurs oyo basalaki Léopards ya 1968. Ya ngo elongaki Black stras ya Ghana na finale ya Coupe d’Afrique le 23 janvier 1968. Mokolo wana entraîneurs ya Léopards, Ferenc Csanadi, atandaki équipe oyo : Kazadi, Tshimanga, Mukombo, Mange, Katumba, Kasongo, Kalala, Kibonge Kembo, Kidumu et Mungamuni.

 

Banc : Matumona, Mulongo, Muwawa, Ngenibunyi, Kabamba, Mokili (suspendu)

 

Ghana abetisaki : Naawu, Ben Kusi, Acquah, Odamety, Evans, Kwamanti, Mensah, Osei Kofi, Wilberforce Kwadwo Mfum, Jones Attuquayefio, Olivera Acqua

 

Banc : Odei, Matick Jabia, Jones Attuquayefio,

 

Match ezalaki équilibrer tee na tango ya remise en touche, na deuxieme periode, mpe Kalala a contrôler yango de la poitrine avant atinda mombombo na direction ya poteaux fardes na Naawu. Ye amonaki yango te na 66 ème minute wana, 1 à 0 mpe ezalaki score finale ya match. 

 

Leopards ezuaki acceuil ya makasi na retour na bango na Kinshasa le, 23 janvier 1968. Na mokolo yango, gouvernement ekataki que banda wana, le 23 janvier ekomi « journée ya sport national ». le 10 février 1968 , Président  Mobutu alatisi moko na moko médaille ya ordre national du Léopard mpe apesi joueur nionso vespa na mbongo ya prime :   Nicodème Kabamba «Serpent de rail» , Robert Kazadi « gardien volant », Matumona « Colimpex », Ebengo « Souplesse », Tshimanga « roi des coups de têtes, Paul Mbuli, Freddy Mulongo, Albert Mukombo, Mange «Le général», Ignace Muwawa, Pierre katumba « rois des ciseaux », Prince Nvukani,  Emmanuel Ngenibungi « Bonga Bonga », Mwila, Joseph Kibonge « Jeff », Raoul Kidumu, Lembi, Pierre kalala, Jean Kembo « monsieur buts », Léon Mungamuni «L'homme d'Asmara», Ernest Mokili « Saïo ». Bang onde bilombe balongaka mbala ya liboso na histoire ya football na biso , Coupe d’Afrique des nations de football.

 

 

 

Combat ya Ali na Foreman tolobela ndenge na ndenge na forum,  kasi tokomeka kozongela yango lisusu. Combat ya Ali na Foreman, esalemaki jeudi le, 30 octobre 1974 mpo Foreman azokaki na arcade sourcilière (na poso ya liso), Yango esengelaki esalema initialement le, 24 septembre 1974. Neti ezalaki boye, esengelaki kozela mposo mitano kino pota ya Foreman ekawuka.

 

Na cadre ya politique ya prestige mpe ya relation publique ya Zaïre, Président Mobutu asepelaki asalisa évènement moko planétaire oyo ekosala que balobela Zaïre na mokili mobimba mpe Zaire e canaliser attention ya mokili mobimba. Yango wana likanisi ya kobundisa bilombe mibale ya boxe lizuamaki na bureau ya Président. Combat oyo ya 30 octobre 1974, ezalaki un événement munene mpe retransmission na yango esalemaki na mokili mobimba. Na yango, image ya stade du 20 mai etambolaki mokili mobimba mpe etikali na ba archives ya ba télévisions ya mokili.

 

Muhammad Ali ye apolaka wuta 8 mars 1971 na New York face na Joseph Frazier « Joe ». Kobanda wana, Frazier akomaki Champion du monde ya lourd mpe Ali a perdaki titre na ye. En revanche, Foreman azalaki champion du monde en titre ya poids lourd. Awutaki ko gagner titre na ye face na Ken Norton Le 25 mars 1974 à Caracas au Venezuela.

 

Quelques jours avant combat, présentation ya ba boxeurs mibale esalemaki na stade du 20 mai na Président Mobutu ye moko. Ali asuanisa Foreman mpe asengaki na Président Mobutu que alingi abanda kobeta Foreman kaka wana, azali koganga que Président apusana, il faut abanda kotanda Foreman makofi, etc. Wana stade mobimba ezali koganga : Ali boma ye ! Juste pembeni, mama Marie-Antoinette azali kaka koseka…Président Mobutu mpe na cadre ya show akati présentation mpo Ali alingi kaka abunda sur place…ezalaki suka na spectacle !!! Ali, alataki  chemise ya pembe, azali koganga, Commissaire d’Etat Mandungu Bula Nyiati « Carbure, Antoine » kuna azali kosala interprète, wana stade kokanga ndenge wana. 

 

Awa wana bakonzi bazuaki mokano mua kokanga stade pendant huit mois mpo na ba travaux ya rénovation. Directeur ya bureau du Président de la République, citoyen Bisengimana Rwema nde asimbaki makambo manso na maboko mpe azalaki ko superviser yango na ndenge ya muke te mpo mbongo ebimaki wana liseki te. Ba travaux wana esengelaki epesa stade visage ya sika mpe ematisa lokumu ya Zaïre na oyo etali ba moyens azali na yango ya ko organiser évènement wana mpe ezalaki lier na prestige ya Président Mobutu na ya Zaïre. Ba travaux wana epesaki stade du 20 mai 1967, capacité officielle ya 60.000 places assises mpe 10.000 places debout. En réalité, soki stade etondi lokola liki batu batondaka pene ya 90.000 spectateurs.

 

Ba travaux ekomisaki stade kitoko : chapiteaux na ring, pelouse ya sika, ba haut-parleurs tout au tour ya piste ya athlétisme, ba gradins ya pourtours rénover na numéro ya chaque place na nse mpe batie ba piquets ebele ya soutien ya masse ya batu, ba couloirs nionso ya pourtours esalemi kitoko mpe batie macadam na ba voies ya évacuations ya ba pourtours, ba kiti etiami na ba tribunes nionso ( ya couleur rouge na vert na ba tribunes latéraux ; central ya jaune mpe d’honneur ya cuir ya marron), ba poteaux ya ba projecteurs mine ya terrain ebimi libanda ya stade mpe na chaque poteaux batie 100 projecteurs soit total ya 400 projecteurs oyo ezali ko produire éclairement  ya 1500 lux. Esengeli toyeba que capacité ya 1500 lux ezalaki atteinte kaka mokolo mua combat ! Souvent mpo na ba matchs ya football na ba concerts 1000 lux ezalaki kokoka mpe soki match esili,  ekiti na 300 lux  mpo na ko sala entretient ya butu, kolongola ba filets na kotanga mbongo ya vente ya ba billets en toute sécurité. 300 lux ezali mpe ya kokoka mpo na ko permettre ba séances ya entrainement ya butu.

 

Eclairement ya stade ezali mpe fonction ya confort ya ba joueurs, batu oyo bakoti na stade, na presse (télévision, photographie). Na oyo etali ndenge ebandaki ko fonctionner, chaque poteaux ya projecteur ezalaki na cabine ya transformateur électrique. Source ya éclairement ya terrain ezalaki indépendante na ya ensemble ya stade. Kaka mokolo mua combat nde stade ezalaki na système ya alimentation électrique ya secours, c’est-à-dire transformateur étant source de base, yango ezalaki na groupe électrogène comme étant source de secours. Sima ya combat, stade etikalaki kaka ko fonctionner na source de base sans possibilité ya remplacement na cas ya problème na source de base  mpo Bisengimana a récupéraki groupe électrogène ! Commande ya allumage ya minda nionso ya stade y compris na ba projecteurs esalemaka automatiquement par disjoncteurs télécommandés oyo ezali na poste ya Funa, na croisement ya avenue Sendwe na boulevard Lumumba.

 

Na kati ya stade : salons d’honneur mibale (dont moko présidentiel), salle de conférence transformable na salle de fête munene, na cuisine professionnelle, ba bureaux modernes, magasin ya maintenance, na intendance. Ba dortoirs ya ba étudiants en éducation physique na réfectoire mpe salle d’étude na bango, espace de presse na likolo mpe esalemaki kitoko. Na ba vestiaires ba matériels nionso nécessaires na musculation, na gymnastique mpe échauffement ezalaki ya sika, ba douches na ba toilettes ekoti ba carreaux ya sika na ba accessoires nionso y compris na mayi ya moto.

 

Entre ba entrées principales ya ba tribunes latéraux esika ya ba guichets na ba entrées ya komata na ba tribunes,  ba terrains ya basketball ezalaki wana.

 

Ba toilettes publiques nionso na ba entrées ya ba tribunes na ba pourtours, ezalaki ya sika na nionso na kati ya sika. Na libanda na ba murs mpe na clôture ya  ba tribunes ya stade, Maître N'Damvu Tsiku-Pezo atia ba fresques céramiques ezali kolakisa  ba disciplines olympiques nionso. Tobosana te que parc Ermens esika stade etongami ezalaki parc omnisport mpe stade du 20 mai mpe lokola.

 

Na entrée principale ya stade, kabambi ya effigie ya Président Mobutu Sese Seko, azali koseka,  alata abacost avec écharpe assorti na pochette (effigie kitoko). Na pourtours côté  ya A.S. Vita Club nde bafandisi effigie ya munene ya M.P.R., pembeni na yango, na nse,  flambeau ya mulayi ya M.P.R. en bêton epelaka moto tang o nionso, mpe na likolo ya pourtours ya A.S. Bilima, marquoire manuel ya munene. Sima nionso ya pourtours, ba kanga moyibi nionso elongue, mur ya 10 m ya hauteur ezui esika na ba portailles ya solo na ba trois entrées nionso ya pourtours. Na libanda, au tour ya pourtours batie ba carreaux. Na liboso ya tribunes, ndenge moko. Ebakata ya  portaille na entrée  principale ya tribune central na d’honneur mpe ba portailles na mopanzi mpo na ba véhicules prioritaires oyo esengeli ekota na kati, ba forces de l’ordre, ba convois ya ba équipes oyo ekobeta, etc.

 

Babomi ba terrains 1, 2, ba remplacer yango na ba parking, baloni ba fleures na ba nzete mpe macadam ekoti esika nionso wana. Terrains 3 na 4 etikali kasi mokolo mua combat e servaki mpe de parking. Na sima ya pourtours ya Imana basali piste ya hélicoptère na balisage na yango, na gambo mosusu, terrain ya volley ball. Bassin ou piscine ya stade na ba vestiaires na yango mpe ezuaki coup de jeune. Eyebanaki que mokolo mua combat batu bakokota ebele mpe bazalaki 100.000

 

 

 

 

 

Président Mobutu azalaki na grande popularité na tango wana mpe politique na ye ya unité na intégrité nationale ebandaki kofuta mpe kotambola malamu.

 

Mpo na organisation ya combat, producteur Don King ayaki kokutana na Président Mobutu mpe ye Chef de l’Etat andimi kotiya paquet ya 10 million de dollars américains ya cachet mpo na combat wana, soit 5 million na chaque boxeur. Atindi  deux équipages ya DC 10 na Commandant Ilunga Mikanda mpo na  Muhammed Ali mpe  na Diasolwa Zitu mpo na George Foreman.

 

Accueil ya Ali esalemaki tres chaleureusement mpe batu bayaki ebele koyamba ye na aéroport international ya N’djili. Ali a declara que azali na esengo ya kozonga na mabele ya ba nkoko baye mpe akanaka kobunda un jour na Afrique, liboso ya ba ndeko b aye. Foreman mpe azuaki batu, kasi neti ya Ali te. Alobelaki mpe esengo na ye ya koya kobunda na Zaïre mpe na lolenge ezali esika moindo awuta. Eloko ezalaki remarquable na délégation ya Foreman ezalaki mbua na ye na ndenge azalaki : alenda, mbinga mpe aliaka malamu mingi. Ali azalaki loger na magnifique cadre ya cite du parti na N’sele tandis que Foreman azalaki na hôtel intercontinental na Gombe.

 

Ba journalistes ebele bayaki, ba touristes ebele mpe combat wana ezalai associer na ba manifestations culturelles mpe ba  spectacles epesama avant combat na ba musiciens oyo : Franco, Rochereau, Zaiko Langa Langa, Stukas boys,  B.B. King, James Brown, The Jackson's Five, Manu Dibango, Ray Lema, The Supremes, Abeti Masikini, Miriam Makeba,  Johnny Pacheco, Celia Cruz, Ray Barretto, Larry Harlow, Santos Colon, Cheo Feliciano na ba musiens ya musique traditionnelle.

 

Ali en bon professionnel azuaki temps ya ko étudier ebundeli ya Foreman. Ye na staff na ye basukaki na conclusion que akoki kobunda na Foreman ngulu ngulu te mpo ye azali na force de frappe mpe na ba combats na ye nionso abundi alekaka cinq round te mpo makofi ma ye maleki makasi mpe ekueyisaka na mabele. Neti ezali bongo, esengeli koluka ndenge nini komema ye au-delà ya cinq rounds mpe komema ye mosika mpo alemba makasi, wana moyen ya kotanda ye ekozala. Yango wana na ba entraînements na ye abandaki ko travailer endurance mingi : kosala ba footing ya milayi na tongo tongo kobanda na N’sele tee koleka aéroport de N’jili mpe kozonga, nzela nzela azali botema makofi dans le vide.  Na N’sele kuna na ba entraînements tactiques, abandaki mingi mingi kolalela ba singa ya ring mpe komitika na ba sparring-partner babetaka ye makofi ya mingi mpo amesanisa nzoto na makofi lokola ya Foreman, tango mosusu batu mibale bazali kobeta ye tour à tour  sans temps mort mpe abandaki kolandisa entraînement na ye en fonction ya quinze rounds na séance nionso deux fois par jour durant un mois,  ba sauts à la corde, etc. Foreman epayi azalaki na intercontinental kuna, ye abandaki kaka ko travailler ndenge amesana, kobeta na sac mpe kobeta makofi na ko travailler puissance ya ba percutes na ye na ba japs du gauche.

 

Na libanda ya ring ya entraînement, Foreman akendeki mbala moko ko visiter boxe club ya Funa. Tango akomi kuna, asengi na ba boxeurs soki balingi basala mua scène muke ya entraînement mpe asengi na moko na moko aleka ata quelques minutes comme sparring-partner, mutu tout aboya na motema moko. Foreman a comprendre te, atuni mais ndenge nini wana ? Balobi na yo non, bango baliaka bien te puissance ya makofi na ye ekoki koboma bango. Nzoka nde bango moko wana nde bavinbisaka tolo soki miziki ezali kobetama kuna.

 

Ali esika azalaki, ayebaki ko utiliser media parfaitement. Abandi koyebisa na batu banda akoma na Kinshasa que batu bango moko bazali komona, ndenge Foreman azali mosika na bino, azali kokima bango, alingi na ye koyekola koloba lingala te mpo na mayele a ye ayebi que azali mundele. Kuna na Etat unis azali kaka na milieu ya mindele pendant que ye azali kaka na ba noirs mpe ayebi que ye awuta awa na Zaïre, ba nkoko na ye bawuta awa yango wana nazali koyebisa ye que nakobeta ye na mabele ya akoko na ngai. Ali boume ye, boume ye = Ali boma ye, Ali boma ye.

 

Mukolo ya combat, nzinga nzinga nionso ya stade du 20 mai ezali kitoko makasi. Minda etiamaki na libanda nionso ya stade, ba avenues : promenade ; du stade ; Oswe retaper, canalisation en bêton ya mayi ya Kalamu esalemi na bouches ya trop plein ya mayi mpo e évacuer yango na mopanzi. Bisengimana, directeur ya bureau ya Président, nde azalaki ko diriger misala minso wana.

 

Réfection totale, installation ya ring ya Boxe, construction ya piste ya hélicoptère, parking, jardin, éclairage, système ya télécommunication par satellite, espace ya presse, ba vestiaires équipés na nionso, ba salles na kati na deux salons d’honneur,  na environnement nionso ya Matonge abongisi canalisation na béton ya mayi ya Kalamu na jardin pembeni, asphaltage ya avenue de la promenade – le long ya rivière kalamu, asphaltage ya avenues du stade na Oswe, ba retaper boulevard Sendwe, minda etiami na ba balabala nionso wana, ebakata ya commande « 200 » ya ba autobus Magirus - Deutz. Problème, ba autobus wana ezalaki de luxe, mpona déplacements ya ba délégations eyaki na combat. Ba mineures ya moins de 18 ans bapekisamami mpo bakota na stade mokolo mua combat.

 

Foreman azalaki en forme atako azalaki na mua souci mikolo mileki mpo mbua na ye akufaki. Biloba loba ya Kinshasa etikala kopanzela Abeti Masikini lokumu mabe que Foreman akangelaki ye na suite na ye na intercontinental na mbua na ye kuna na kati mpe asengi na Abeti asala makambu na ye. Yango wana batielaki mbua wana poison mpo Abeti ayokisaki ba zaïrois soni. Soki Abeti azali na masolo na batu ya délégation oyo bayaki na Kinshsa ezalaki mpo na miziki na ye mpe misusu basepelaki na miziki abetaka na Etat Unis début 1974. Abandaki mpe ko se débrouiller na anglais, yango wana abandaki kozala na masolo na ba fanatiques ya miziki na ye. Azalaki na inter tout comme abetaki mpe na N’sele.

 

Tango ba boxeurs bakoti, Ali abandi makele na ye wana, kala te tango kaka Foreman alongoli peignoir, nzotu wana emonanaki ebangisaki batu mpe stade mobinba egangi makasi. Biso tozuaki ba rares occasions ya komona Foreman kasi abandaki kobombana mingi. Ali ye azalaki ya kofunguama, sans problème. Nzoto ya Foreman na 25 ans ezalaki somo. Batu babandi komituna soki vraiment Ali akokoka kobunda na petit wana. Ali azali na 32 ans.

 

Combat ebandi na makofi ya Foreman ezali kotambola mpe koyokana bien bien ! Ali azali kaka kolalela ba singa mpe akanga garde na ye makasi ndenge kaka abandaki kosala na entraînement mpo na ko éviter ko encaisser makofi wana. Na bitumba wana abandaki kofinga Foreman, kotumola ye, ko défier ye nionso oyo mpo na ko déstabiliser ye psychologiquement mpe kopesa ye kanda. Yango e marchaki  associer na fatigue ndenge amemaki ye mulayi. Foreman abetakami mpe akweyoi na huitième round. Ali alongaki d’une très belle manière.

 

Combat ebandaki na 3 h du matin mpe eslilaki vers ba 4h. Na 8h mbula makasi ebetaki na Kinshasa mpe ba commentaires mingi esalemaki na excellente note na organisation. Combat wana ekotika le meilleur combat ya boxe na histoire mpe na yango République du Zaïre, Président Mobutu, Peuple Zairois, Ali na Foreman na Stade du 20 etikali libela na histoire mondiale ya sport mpe na Boxe.

 

 

 

2 .Nous retracer le parcours et aussi évoquer un peu les souvenirs  d un monsieur qui mieux que tout le monde a réussi a rester dans l ombre alors qu il aura joue un rôle clé sous le régime de mobutu : Monsieur Seti yale.

 

Jean Seti yale abotami le 21 juillet 1943 na secteur ya Yakoma, na territoire ya Yakoma, na district ya nord Ubangi, na Province ya Equateur. Asali ba kelasi na ye na Molegbe epayi ya ba sango Scheutistes na ba Capucins na Molegbe. Tango asilisi kuna, akeyi kotanga na université ya Lovanium ya Kinshasa. Kuna abimi licencie en sociologie ya faculté des sciences sociales na 1969. Pendant que azali étudiant, Jean Seti, azalaki mpe membre ya parlement ya ba étudiants ndenge ebandaki kosalema à l’époque na Lovanium mpe azalaki membre ya Association générale des étudiants de Lovanium (A.G.E.L.). Moninga na ye Edouard Mokolo wa Mpombo azalaki élu en 1967 président ya Congrès ya Association générale des étudiants de Lovanium (A.G.E.L.) na 1967. Tango wana, mingi bayebaki te que Edouard Mokolo azali leki ya papa Molegbe, époux ya mama Molegbe, meilleur amie ya mama Antoinette Mobutu. Mama Molegbe nde akolisi Edouard Mokolo. Donc, ndenge azalaki na Lovanium wana azalaka déjà recruter na sureté nationale comme informateur en Chef sur l’universite. Yende abandaki ko superviser ba informateurs banso ya Lovanium. Na cadre wana nde a recrutaki ami na ye Jean Seti. Kuna on retrouver mingi mingi batu ya Equateur. Mokolo na Seti bazalaki proches kasi bazalaki na différence monene na kelasi : Mokolo azalaki très brillant par contre, Seti azalaki un etudiant passable. D’ailleurs, elobamaka mingi que Seti doit son (mémoire) travail de fin d’études à Mokolo mpo asungaki ye mingi.

 

Avant kutu Jean Seti asilisa université, ayebaki malamu que akosala carrière na ye na sûreté nationale. Tango asilisi  université, mbala moko akomi kosala na présidence de la République en qualité ya conseiller. Kuna na présidence azalaki na Sûreté nationale mpo banda novembre 1965, Président Mobutu atiaki Sûreté nationale na responsabilité directe na ye, conformément na décret présidentiel nº 5 du 29 novembre 1965. Yango wana ezalaki na présidence de la République.  Kuna nde Jean Seti na ba collègues na ye mosusu bakeyi formation na ba pays occidentaux mpo nayekola gestion, organisation mpe fonctionnement ya services de renseignements. Sima ya kokende na ba formations na mikili , azongi na pays mpo na ko occuper ba fonctions ya responsabilités en tant que agent secret.

 

Yambo totala etamboli ya Seti, esengeli toyeba que kobanda tango Président azui pouvoir le 24 novembre 1965, le 29 novembre 1965, Colonel Alexandre Singa (général d’armée  Alexandre Singa Boyende Mosambayi) akomaki  Administrateur en Chef ya Sûreté nationale. A remplacaki Victor Nendaka Bika. Ye akomaki Ministre ya Transports et communications. A partir ya Novembre 1965, Sûreté nationale ekomaki administrer na ba militaires. Nawuti kotanga Colonel Singa.  Le 7 janvier 1969, Lieutenant-colonel Pierre Efomi akomi Admnistrateur en Chef ya sûreté nationale en remplacement ya Colonel Singa. Ye akomaki ambassadeur na Nairobi, yambo akende ko continuer ba études supérieures ya gendarmerie na Académie Royale militaire ya Belgique. Na nomination ya Colonel Efomi, Sûreté nationale ekomi kobengama Centre National de Documentation. Sima ya Efomi, Colonel Albert Tuzuku (Général Albert Tukuzu  Gusu Wo), Colonel Tukuzu asalakai moins d’une année wana.

 

Le 27 janvier 1971, ordonnance nº  71/014 fixant les attribution et organisation du C.N.D. ebongoli makambo. Kobanda wana nde C.N.D. eyaki kokabuana na départements mibale : Département ya documentation intérieure (C.N.D.-D.D.I.) na Administrateur général Colonel Raymond Omba mpe Département documentation extérieure (C.N.D.-D.D.E.) na Edouard Mokolo comme Administrateur général. Kobanda awa, nde ba universitaires oyo bazui formation requise na matière ya sécurité et renseignements bakomi kozua ba postes ya haute responsabilité.

 

Ba attributions ya Département ya documentation intérieure ezalaki boye selon texte ya loi :

 

1. Recherche, interprétation na diffusion ya ba renseignements politiques, économiques, sociaux, culturels na nionso oyo ezali ko intéresser sûreté de l’Etat

 

2. Recherche na constitution ya ba infractions contre la sûreté de l’Etat, surveillance ya batu suspect oyo bakoki ko exercer activité de nature ya ko porter atteinte na sécurité de l’Etat

 

3. Identification dactyloscopique (I.D.) ya ba congolais, l’émigration.

 

4. Police des frontières

 

5. Exécution na mabele ya Congo ya ba lois na règlements oyo etali immigration na émigration

 

6. Application an liaison na ministère ya Affaires étrangères ya législation na réglementation ya ba conditions de séjours ya ba étrangers na Congo

 

7. Recherche ya ba malfaiteurs signales na organisation internationale ya police (Interpol)

 

 

 

Département ya documentation intérieure ezalaki na Secrétariat générale ba directions 6.

 

Direction ya contrôle des nationaux, direction ya ba services spéciaux, direction ya exploitation, direction chargée ya ba provinces « Prodoc » Documentation province.

 

Na 1973 nde Jean Seti ayaki kokoma Administrateur général ya département documentation intérieure en remplacement ya Colonel Omba, nommé secrétaire particulier ya Chef de l’Etat. Avant wana, azalaki Secretaries general ya (C.N.D.-D.D.I.)

 

Tango Jean Seti akomi wana, lutte ya influence ekomi makasi na Edouard Mokolo bien que ba départements na bango ezalaki autonomes mpe esengelaki esala mosala en collaboration. Suka suka, Seti ayaki kolonga mpe le 18 octobre 1976, Ba départements nionso mibale ya D.D.I. Na D.D.E. esangani na eloko moko : Centre national d’Intelligence (C.N.I.) na Seti Yale comme Administrateur général. Mokol wa Mpombo akeyi na Abidjan  en tant que ambassadeur ya Zaïre kuna.

 

Na C.N.I. nde Seti asengaki na ba juristes na ye projet ya ordonnance ya création ya Conseil National ya sécurité. Yango esalemaki sima ya ba guerre ya Shaba oyo e relevaki faiblesse ya renseignements ya Zaïre. Suite na yango nde ba reformes ya minene esengelaki esalema. Mpe ba reformes yango eyaki kosalema na impulsion ya Seti yale.

 

Le 6 mars 1979, Conseil National de sécurité (C.N.S.) eye kosalema mpe Président a nommer Seti Yale comme conseiller spécial à la présidence en matière de sécurité. Mpe ordonnance nº 79-055 eye kosala C.N.D nouvelle formule na Administrateur général Mokolo wa Mpombo assister de deux administrateurs délégués na documentation intérieure : Nkema Iloo mpe na documentation extérieure Atenda.

 

En sa qualité ya conseiller spécial na présidence en matière de sécurité Seti Yale akomaki très proche collaborateur ya Chef de l’Etat et Président de la République. Na yango, esika wana ezali esika ya mutu oyo azali na confiance munene ya Président de la République mpe mutu oyo ayebi malamu ndenge systeme ya service de sécurité ya ekolo ezali mpe na lolenge etambolaka mpe esalaka. En tant que Principal conseiller (conseiller spécial ou « spécial ») na matière ya sécurité Seti akomaki automatiquement personnage important ya régime compte tenu ya fonction stratégique et politique abandaki ko occuper. Na yango a contribuer directement na indirectement na régime ya dictature mpe ya terreur ya Maréchal Mobutu. En tant que conseiller spécial, na ebandeli, Seti azalaki na rang ya ministre, Sima aye kokoma na oyo ya vice-Premier ministre. Conseiller spécial azali mpe Secrétaire général ya Conseil national de sécurité. Seti azalaki na pouvoir ebele mpe azalaki incontournable na makambo mannso ya République du Zaïre. Azalaki na droit na accès na informations mpe dossiers nionso mpe na niveau nionso ya l’Etat sans exception aucune. Azalaki na centre ya nionso :  ba décisions importantes oyo etali ekolo, ba nominations na ba révocations nionso, ba questions militaires, stratégiques, diplomatique, économiques , financières, politiques et administratives, etc., nionso, makambo ya vie privée ya Président de la République, makambo ya ba nganga, ba kisi na basi  na ba makango ya Président nionso tee na ya ba corruptions na échelon nionso. Makambo ya logistique, kosomba ba immeubles ya president  mpe kotongisa ba ndaku ya Président, intendance, etc. Eloko ata moko te ebandaki ko échapper na contrôle na ye.

 

Conseil national de sécurité ezali composer na : Président de la République, premier Commissaire d’Etat, commissaire d’Etat na Affaires étrangères, Commissaire d’Etat na administration du territoire, na Secrétaire d’Etat na defense (Président étant ye moko ministre ya défense), Conseiller spécial na présidence en matière de sécurité, Chef d’Etat major ya F.A.Z., Chef d’Etat major ya Gendarmerie, na administrateurs général ya C.N.D.

 

Sima ya ba mbula tango ba Commandements Division spéciale présidentielle (D.S.P.) na ya Service d’action et de renseignements militaires (SARM) na Président General ya garde civile, tango esalemi, bakoti na kati  kosalema

 

Na 1986, Seti ayaki kotika ebonga na ye na Nkema Iloo. Akomaki secretaries particular ya Président mpe influence na ye etikalaki kaka makasi mpo abandaki ko agir na cadre ya ba missions ebele ya Président mpe ye nde mutu asimbaki makambo yana ye mingi : exécuteur testamentaire ya Président, ye mutu akendaki koluka ba mercenaires na ex-Yougoslavie, ye nde ayebi ba secrets nionso ya Président na domaines nionso mpe ye nde mutu abandaki kosalela ye makambo mpe asimbaki carnet d’adresse na ba relations minene na mokili oyo.

 

 

 

Seti azali un homme d’affaires mpe azali na tête ya ba compagnies ebele : SICOTRA, AEROLEASING, etc.  A investir esika nionso amoni que mbongo ekoki kobota mbuma.

 

Seti azali na muasi na ye ya ndaku mpe azali na bana ebele dont Bienvenu Seti. Ye  moko abandi kosala politique mpe azali na M.L.C.

 

Seti alingaka kaka ba nzele ya verges. Soki azui muasi, abotisi, apesi ye nionso alingi. Sima akosimba ye lisusu te mpe abuakisi ye. Ye azali na bilanga ebele.

 

Azali tres proche ya Léon Kengo mpe akomaki asangisaki Jeannot Bemba na Léon Kengo  tango babandaki koyokana te

 

Azali tres discret mpe ouvert na milieu privé. Asalisa batu ebele mpe asimba famille na ye élargie na ndenge ya muke te. Seti azali na force na sens nionso ya terme. Awa na poto azali na ba relations makasi na milieu politique, ya services secrets mpe ya finances na affaires.

 

Na ba dossiers oyo ye a géra : coup d’Etat manqué ya 1975, procès du siècle na 1978 (procès des terroristes), attaque na guerre ya Shaba I na Shaba II, massacre ya Idiofa, etc.

 

Nabanzi que nayanoli mua moke na mituna mia yo mibale.

 

 

 

Patriotiquement,

 

 

 

Emmanuel Kandolo
Pour être informé des derniers articles, inscrivez vous :

Commenter cet article

George Omondi Munyasia 06/11/2019 06:12

Hi Emmanuel, I learn alot in your contributions. Could you kindly write in French so that non lingala speakers like me can understand well. I am learning lingala and French at the same same time, French is easy to translate via Google. Merci Mingi, George Omondi from Kenya

historien 22/09/2009 08:43

NDEKO KANDOLO MBOTEMOTUNA YA NDEKO WILLY  EZALI SUR 2RENCONTRES YA FOOTBALL NA MBOKA NABISO OYO EPESA LOKUMU MINGI NA TANGO  YA TATA MOBUTU.SVP,AVANT OKOMA,OTANGI NAINO KESTION SIMA OPESI EYANO.OBETI  L'EPOPEE YA ETHIOPIE NA1968,MELESI MINGI.EBONGAKI PE  NAPLACE YA COMBAT ALI CONTRE FOREMAN,OTIA CAMPAGNE YA EGYPTE 1974 OYO EZALAKI VICTOIRE YA MIBALE PO EZALI  LA+IMPORTANTE PE HISTORIQUE PO RECORD YA MEILLEUR BUTEUR EZALI TI LELO YA NDAYE.ZAIRE CONTRE MAROC,3BUTS A O OYO EPESAKI BISO VISA YA ALLEMAGNE NA1974.WANA EZALI BA 3 GLORIEUSES NA BISO.ALI CONTRE FOREMAN,EZALAKI  MASANO YA BIBOTU. MOTUNA EZALAKI NA NDEMBO.MELESI MINGI PE ZUA YANGO NA BOBOTO

Messager 03/09/2009 21:56

Jean-Pierre,Emmanuel m'a chargé de vous informer qu'il vous répondra entre samedi et dimanche. Veuillez donc patienter un peu.Messager

Jean-Pierre 03/09/2009 01:38

Ndeko Emmanuel Kandolo:
 Na éliminer deuxième partie ya motuna mwa nga ya minei : liste ya gouvernement ya 1975.
Na bibliothèque ya Congrès awa na Washington bazali na microfilm ya quotidien Salongo ya 1975 (janvier-décembre). Kotanga yango nde matata, écriture mike-mike mingi (Okoki ko-corriger nkombo nakomi malamu te). Na janvier 1975, Général de corps d’armée Mobutu asignaki ordonnance ya remaniement ya gouvernement. Liste ya ba ministres yango oyo awa nase. Kasi namoni Premier Commissaire d’Etat te. Peut-être que tango wana titre wana ezalaki te.
 
Affaires politiques : Engulu Baangempompo Bokokele Lokonga
Affaires étrangères : Mandungu Bula Nyati
Orientation nationale : Bokonga Ekanga Botombele
Justice : Kabuite (Kabuila ?) Nyamabu
Finances : Bofosa w’Amb’ea Nkoso
Economie nationale : Mambu ma Khenzu Makwala
Mines : Debo Kalogi D’Zbo
Agriculture: Kayinga Onsi Ndal
Commerce: Tshimpumpu Kanyinda
Education nationale: Mabolia Inengo Tra Bwato
Travaux publics et aménagement du territoire: Takizala Luyanu Musimbingi
Transports et communications : Inonga Lokonga l’Ome
Affaires foncières : Mulenda Shamwenge
Energie : Muntu Kakubi Tshiondo Kabanza wa Mintenge
Santé publique : Ngwete Kinkela
Travail et prévoyance sociale : Bintu’a Tshibola
PTT : Tchomba Somwa Kimbayo
Culture et arts : Matsa Nkumu wa Bowango Anganda Djowo
Sports : Elonga Malimazungu
Autre ordonnance :
Secrétaire général JMPR : Sampasa Kiweta Milombe
 

Jean-Pierre 01/09/2009 17:14

Ndeko Emmanuel Kandolo:
D’abord limbisa nga na lingala na nga mabe. Ataboye nazali originaire ya Equateur, nakola nde Kisangani. Pe muke ya lingala nayebi, ezali grâce ya fimbo ya tata na nga ya leki… Donc, koseka lingala na nga ya yuma te, ndeko historien !...  
 
Nayebi te soki naloba Yesu to bankoko bato bapesi yo likanisi ya kosolola lisolo ya ndeko Jean Seti Yale lelo. Natondi botondi na ndeko Willy moto atuni yo mituna miye, mpo ete soki ezalaka ye te nde lelo boluki na nga elingaki kozala mpasi mingi penza.
 
Ngai nakomaka masapo na blog « lonkasa de jean-pierre ». Nazali kokoma lisapo lisalamaki o mbula 1975 pembeni ya Mobutu. Nazalaki nde na molili lokola butu… Nabandaki kosala recherche po lisapo nazali kokoma... Ngai wana nakoti « Google » butu-butu koluka bato baye babale : Barthélémy Bisengimana Rwema mpe Seti Yale. Zeló ; eloko te ; minkuwa pamba ! Molimo motamboli nga. Kasi Nzambe alalaka te ; ngai wana « Google » ebetisi nga libaku. Natala boye, natangi « Barthélemy Bisengimana Rwema » ; nalanda lien boye, ezali nde liteya liayo, mobu 19 novembre 2008 ; wapi epai ? Kaka awa epai ya ndeko wa biso Messager. Kafu-kafu !
 
Ngai wana nabandi ko lengele natuna Messager soki ozali kaka kopesa mateya. Motema mosusu moyebisi ngai nameka naino naluka soki osakolaki lisapo lia ndeko Seti Yale. Ngai wana naluki o blog ya ndeko Messager… Natala boye: kaka lelo-lelo oyo nde ozali kolipesa liteya lina oyo nga nazali koluka. Oyo nde mpapo penza.
 
Eloko moko nayebaki ya Jean Seti ezali eye : na 1964-65, kolanda bitumba ya rebellion na Stanleyville, bakonzi na Léo bakangaki ba universités ya mboka mpe batindi na Kisangani bayekoli basalisa na « Opération Debout Stan ». O ntango wana, Jean Seti Yale azalaki, soki nalandi biographie na yo, entre 21 et 22 ans. Ye Jean-Seti bamotindaki na « Opération Debout Stan » na eteyelo bazalaki kobenga Athénée Royal de Stanleyville, wapi azalaki professeur ya Latin. Atangisi bakulutu ba biso ; bazalaki o tango wana na niveau ya 3ème secondaire nakanisi. Eleki mbula mingi, vieux na biso moko oyo Seti alakisaki na Athénée akomi diplomate na CPGEL na Gisenyi (Rwanda). Eleki basanza mingi te,  ndeko wana abebisi mabe : scandale diplomatique !  Bazongisi ye dare-dare na Kinshasa. Akoma na N’Djili boye, ba ramasser ye, directement na bureau ya Seti Yale po na demande d’explication. Bakotisa ye na bureau boye, Seti Yale atali kaka ye mbala moko asutuki, akamwe, alobi : « Yo songolo te ? Oyebi nga lisusu ? Natangisa yo Latin na Athénée ya Kisangani ! » Bango wana bayambani ; Seti ayebisi ndeko wana : « Petit, obiki lokutu général ! » Oyo nga nayebi ya Seti Yale esuki se wana !
 
Kasi lisapo liye lipesi nga eyano nyoso nazalaki koluka. Melesi mingi, ndeko.
Kasi nazali na mituna miye :
1) Physiquement, bandeko baye babale—Seti na Bisengimana—bazalaki ndenge nini ? Mikuse ? Milai ? Minkuwa pamba to ndenge nini ? Naluki pe ba photos na bango o « Google », namoni kaka photo ya mwana ya Seti. Oyebi wapi nakoki komona photo ya bato baye babale?
2) Na 1975, Seti azalaki déjà na entourage ya Mobutu ? Akokaki kozala o bateau « Kamanyola » par exemple ?
3) Nayebi te soki oyebi ete le 5 mai 1975, ba rebelles ya Laurent Kabila bakotelaki 3 étudiants américains bazalaki koyekola ba chimpanzés na Tanzanie, pe bakatisaki na bango Lac Tanganyika tii na zamba ya Hewa Bora. Après, basengaki ba Américains mbongo (500 mille dollars) pe minduki po ba libérer bango. Ba Américains bafutaki pe bango. Echange wana epesaki Mobutu kanda monene penza.
4) Ba nani bazalaki directement pembeni ya Mobutu na 1975 (entourage naye) ? Okoki pe kopesa liste ya gouvernement ya 1975 ?
5) Oyebi wapi Mobutu akendeki na fête ya 20 mai 1975 ? To bapaya nini bayaki pembeni ya Mobutu na 20 mai 1975 ?
Mituna mingi, olimbisa ndeko… Encore une fois, merci, ndeko, ozali grande BIBLIOTHEQUE CONGOLAISE!