Overblog
Editer l'article Suivre ce blog Administration + Créer mon blog

Archives

Publié par Messager

 

 

Ba ndeko,

 

Ndenge towutaki kotanga na blog na biso oyo sur disparition ya Ndaya Muteba na Kasonga Wimpi epayi  ya ndeko na biso Raymond Lutete, nakobakisa que Ndaya  atika mokili oyo ya nse depuis 2003. Na oyo etali Kasongo Wimpi « Mfum »,  ye aweyi na 2008.

Ndaya azalaki joueur ya Sa Majesté Sanga Balende wa Banjelu ne Bansatu de Mbuji Mayi na kasai Oriental. Abanda na carrière na ye na équipe oyo banda 1976. Plusieurs fois champion ya Mbuji Mayi, Ndaya abima champion du Zaire mbala moko na 1983, finale ebetamaki entre  Bilima na Sanga Balende, Sanga Balende ebimaki champion du Zaïre mpe abetaki coupe d’Afrique des clubs champions na 1984. Sanga balende ebandaki na premier tour na Mbuji Mayi contre Kiyovu sport ya Kigali. Sanga Balende alongaki na 2 à 1. Na Kigali, na match retour, apolisi Kiyovu na 4 à 1. Na deuxième tour, Sanga Balende aye kokutana na  F.C.105 ya Libreville, na Mbuji Mayi. A domicile à gagner na 2 à 0. Na Libreville, Sanga Balende akati match parce que arbitre andimaki but librevillois na ba conditions litigieuse. Ba dirigeants ya Sanga Balende na Président-Fondateur ya Sanga Balende Mwela Kankoma en tête, batomboki mpe basengi na équipe ebima na terrain. Na moment wana ba librevillois bawutaki ko égaliser. Au lieu Sanga Balende esilisa match mpe na suka na yango esala contestation par écrit tout en spécifiant le fait pour lequel équipe ezali ko estimer que ezali victime ya arbitrage partiel ou ya mauvais jugement ya arbitre, ba dirigeants ba préférer basenga na équipe ebima na terrain mpe ekata kobeta. Sans surprise, e méritaki disqualification na amende. Sima ya mikolo, C.A.F eye koyebisa que F.C.105 ezali mpe disqualifier mpo ebetisaki joueur moko oyo azalaki na licence na ye en règle te. Décision oyo esali que adversaire ya F.C. 105 na quart de finales, Semasi de Sokode ya Togo e sauter quart des finales par défaut ya adversaire mpo Sanga Balende oyo F.C. 105 e « éliminaki » par disqualification ekokaki lisusu kozonga na compétition te. Donc, il fallait e sauter quart de finales mpo ebeta mbala moko demi-finales. Wana ezalaki épisode malheureux ya kozanga compréhension ya fonctionnement ya makambo ya balle na niveau international. Malgré insistance ya Secrétaire général ya FE.ZA.FA. Ntambwe Musangelu,  tee na ya Gérard Ekualanga Mongalikita, journaliste, ba dirigeants ya Sanga Balende batiya kanda na ignorance liboso  mpe baboya na motema moko kozonga à la raison, bien que équipe ezalaki effectivement victime ya décisions ya arbitre  mpe ba joueurs balingaki babeta tee suka ya match.

Kasi avant wana, Ndaya ayebanaki mpe akomaki na faveur ya public na occasion ya match oyo Léopards du Zaïre ebetaki na équipe nationale ya Mozambique. Na ba années quatre-vingts, na veille ya un grand match na stade du 20 mai, juste après journal télévisé (Zaïre actualité magasine) ya 20H, émission spéciale tribune des sports ebandaki kosalema na Ngbanzo Lamangale mpo na kolobela match ya lobi na ba aspects na yango nionso. Na suka ya émission nde classement ya équipe zaïroise epesami. Na émission oyo, na veille ya match contre Mozambique, entraîneur Kalala Mukendi na directeur technique Nicodème Kabamba wa Kabamba balekaki na télévision mpo na koyebisa ndenge nini Léopards e se préparer. Na suka, Kalala abeti lisolo mpe alobi que Léopards ekobeta na système ya 4-3-3. Elingi koloba quatre défenseurs, trois milieux na trois attaquants. Kasi apesaki classement te alobique yango ekosalema kaka lobi dimanche na tongo.

Na après midi ya dimanche le, 13 juillet 1980, batu babandi kokota na stade. Ngai nayaki na ainé mpe ami na ngai Kambulu Kewa, azalaki tango wana administrateur directeur financier ya Général Motor. Nakomata ba escaliers ya tribune central, namomi vieux Lomboto (Ye azalaki fanatique inconditionnel ya Imana mpe ya Léopards. Ayebanaki mingi na ba états d’âme na ye mpe na manque ya sens ya objectivité soki équipes na ye ezali kopola. Azalaki très impulsif) azali koganga comme d’habitude. Juste na sima na ye ba diamantifères : Tshimanga Diabintu, Augustin Mukeba, Lukusa Tanzi, etc. mpe bayebisi ngai que place ezali awa, tofanda esika moko. Kasi yambo naleka, napesi vieux Lomboto mbote : « Boni Vieux ! » ye azongiseli ngai, mua malamu leki na ngai. Muke te, akati lisolo na ye, pendant ce temps, ngai mpe nakopesana mbote na batu mosusu nayebani na bango bazalaki nzinga nzinga. Nayoki kaka abengi ngai, Emmanuel, olandaki tribune des sports lobi na butu ? Nazongiseli ye que « nalandaki kaka minutes ya suka » Direct na landisi na motuna : «  Makambo ebebi ? Léopards  ekobeta te lelo ? Azongisi mais non ! Likambo ezali awa ezali que Kalala aboyi kopesa classement lobi, apesi yango kaka lelo na tongo mpe alobi que akobetisa trois attaquants : Lupeta, Mayele na Masengo. Où est le sérieux? Ngai mpe neti nayebi ba orientations na ba sensibilités ya vieux Lomboto, nabakisi boye : « Vraiment Kalala ayokaka te ! ». Wana alobi voila ! Il faut kokata ye matoyi wana mpo ayeba qu’il n’est pas l’homme le plus intelligent de la terre. Koseka ya ndenge wana… Débat nde ezalaki wana. Effectivement, vieux Lomboto comme la majorité ya batu babandaki ko comprendre te pourquoi Kalala alingaki kaka Masengo abeta na attaque au lieu aluka un ailier gauche. Na période wana ba ailiers gauches bazalaka en forme ezalaki  Mayanga Maku, Kabasu Babo na Nzungu Ntialukuna.

Mayanga aboyaki kobeta na sélection mpo na attitude ya Kalala. Azalaki présélectionner, kasi asenga na Fédération que apesa ye dispense mpo ayaka na retard na entraînements mpo azui mosala sika azali kosala na Groupe Litho Moboti (G.L.M. ) mpe akoki kolala na Léopards esika moko te sauf vendredi soki asilisi wana akokende na équipe na N’sele. Fédération endimaki mpo akomaka na 30 minutes de retard. Tango Mayanga akomaki na entraînement ya vendredi na stade du 20 mai, le temps mua lisolo eleka na mutu moko bayebanaki na ye, Kalala abeleli na mosika «  Adelard, tu es en retard, change-toi, vite ! » Mayanga a comprendre te. A déposer sac, mpe apusani pene pene ya Kalala. Alobi na ye : Yaoundé, ndenge nini okoki kogangela ngai devant ba petits Kiyika na ba petits Santos boye lokola mua moke. Tala kobosana te que biso mibale tobeta balle esika moko, zala na ba réserves na elobeli na yo, mpe nasepeli na yango te. Kalala azongisi, Adelard, je te demande de t’apprêter, tu es en retard. Mayanga, azongisi que soki ndenge wana, nakosala entraînement te. Muke te, kazadi na Lobilo baye wana ko calmer situation. Kalala abendani mosika, tee Mayanga aye kondimela bango mpe alati équipement, asali entraînement. Durant séance wana, balobanaki te. Na suka ya entraînement, ayebisa Kazadi boye : Robert, nandimi te, ngai na Yaoundé tokoki kozala équipe moko. Kazadi azongiseli ye que na butu tokosolola na N’sele biso quatre (Kalala, Mayanga, Kazadi na Lobilo). Docta mpe aloba na ye ndenge moko. Mayanga amata na bus na équipe te, azua voiture na ye Fiat mpe akenda na ndaku. Kolongua nionso wana.

Kabasu mpe alingaki naye lisusu makambo ya Léopards te. Andimaki kokende na Belgique na stage ya un mois na Léopards militaires en route pour la Chine esika ekendeki kobeta compétition internationale. Bon, Nzungu « Amigo » ye, azalaki parmi les 22 joueurs, kasi azalaki retenu te mpo na match wana. Ye nde akokaki kobeta bien na Lupeta mpo babandaki koyokana malamu na Rwenzori avant Lupeta akende na Vita.

Classement ya Léopards ezalaki boye :

Kazadi Mwamba « Bob Denard », Suzeti Mpeti, Fila Siluambanza «Full stop », Ngoy Mujinga, ( leki ya Ngoy Laurent), Lobilo Boba « Docta », Mukandila  Tshimini « petit Donat » , Mayele Awul Ayel « Caïman », Kiyika Tokodifuansuka « Soucousse », Lupeta Monga « Zackoul, Zacle », Mutubile Ndjela « petit Santos »,  Masengo Ilunga.

 Banc : Siampasi Mukuaya, Malbanga Imowa « Maria », Mutuale Mayanga « Kimbokoto, Solenso », Mukendi Tshilumba « Kamikaze », Ndaya Muteba « Empire Bakuba, Ndaya Empire », Museba Kasongo.

Mozambique : José Luis da Silva, Artur Meque, Armando Gaspar, Frederico Jane,  Joaquin Fernandes, Amade amade, Edouard Matsolo, Tomas Banze, Francisco Marcos, Miguel Xavier, Gil Guiambe.      

Match ebandaki na mua observation ya ba équipes mibale, muke te attaque moko eye kosalema na Tomas Banze na entrée ya surface de réparation, Mukandila akati ye mpe arbitre a siffler coup franc direct. Gil Guimbe a fiakola yango, Kazadi amibuaki, mais pamba.  1 à 0. Léopards ebandi koluka but na motindo nionso. Na construction ya jeu, petit Santos, petit Donat na Kiyika na médiane. Liboso Masengo, Zacle na Mayele.  Petit Santos aye kosopa mileu ya Mozambique mpe atomboli balle na maboko ya Joaquim Fernandez, tango Mozambicain alingi akimisa maboko boye, yango edendisi balle, mpe stade mobimba egangi touche. Wana ata balobi arbitre amoni te, ezali mua pasi po aleka yango bongo. (Seul arbitre Diramba ya Gabon nde abandaki kokueya na mutambo wana te !). Kiyika apesa Jose Louis dasila mbembo mpe 1 à 1. Ba attaques ya Léopards ezali kosalema malamu te. Lupeta azo rater trop ba ballons bien travailler na trio Masengo, Kiyika na Mutubile à tel point que ekomaki kopesa batu nionso kanda. Ba ballons aériennes oyo Fila abandaki kokatela ye sur mesure, ezali kokende likolo ou José Louis Dasilva azali kolongola yango. Ya nse, ndenge moko. Na retour ya mi-temps, ba Mozambicains babandi ko attaquer makasi mpe Gil Guiamba aye kotia but ya mibale. Kalala aye kobimisa petit Donat mpe akotisi Mutuale Mayanga « Solenso ». Na moment wana mua coordination ezongi entre milieu ya récupération  na défense.  Kasi na attaque, ba problèmes ya finition ezali toujours ko se poser, Lupeta azali vraiment kokota kotiya but te. Batu bakomi ko senga babimisa ye tellement que akomi ko rater na biloko oyo akoki ko rater te. Baluba oyo bazalaki na tribune central bakomi koloba na tshiluba : Kalala ewu kena uhatula Lupeta bua tshini (Kalala oyo akobimisa Lupeta te mpona nini) ? Udji usombesha Ndaya too ne helabu kashiba ka ndekelu anyi (azali kofandida Ndaya tee tango bakobeta dernier coup de siflet) ?  Mutu mukole wa Kalala ewu  neumukumishishe dinga dituku (Mutu makasi ya Kalala ekobetisa ye mokolo mosusu!  Fontshi atelemi alingi akende, mutu na ye abendi ye, alobi tikala Ndaya akokota. Suka suka, Kalala ayaki kobimisa Zacle mpe akotisi Ndaya. Kokota kaka ndaya akoti boye, Masengo azongi na milieu mpe Ndaya na Mayele batikali liboso. Sima ya quelques petites minutes, petit Santos, abomi défense ya Mozambique côtè droit (vers pourtour ya Imana, abuaki na kati, Ndaya apumbue, de la tête a égaliser. Ironie du sort, Zacle ayebani comme étant spécialiste ya ba ballons ya mitu, kasi na première touche ya Ndaya na mutu, alalisi yango. Wana stade mobimba ebandi ko pousser Léopards tee na deuxième penalty eyaki kozuama mpe Kiyisa lisusu atiye yango. Sima ya wana, défense ya Mozambique ekomaki passoire, mpe Masengo ayaki kotia sima ya combinaison kitoko entre ye na Kiyika na Santos, mpe Ndaya ayaki kotiya cinquième but magnifique de la gauche sur centre ya Fila. Wana ezalaki reprise de volet oyo ye moko azalaka na secret na yango. Ba reprises ya ndenge wana abandaki ko rater yango te. Stade mobimba esengo ya ndenge wana, mpe Ndaya azalaki na sommet mokolo yango. Wana ezalaki  meilleurs moments na ye na carrière internationale.

Na match retour na Maputo, na Mozambique, Kalala a titularisaki équipe oyo : Siampasi Mukuaya, Suzeti Mpeti, Fila Siluambanza, Ngoy Mujinga, Malbanga Imowa, Mwela Kamonga, Kiyika Tokodifuansuka, Masengo Ilunga, Mutubile Njela, Mayele Awul Ayel , Ndaya Muteba.

Banc  : Kazadi Mwamba, Lobilo Boba, Mutuale Mayanga, Lupeta Monga, Mukendi Tshilumba, Nzungu Ntialukuna.

Kuna, Léopards elongaki na 2 à 1, buts ya Ndaya, reprise de volet, na ya Mayele. Mozambique ezongisaki par penalty na Francisco Marcos.

Ndaya Muteba Empire azali joueur oyo asali histoire ya Sanga Balende wa Banjelo ne Bansantu. Grâce na Ndaya nde équipe wana e connaître ba heures de gloire na yango na Zaïre, e gagner coupe du Zaïre mpe ekeyi na Afrique. Ndaya na Léopards azalaka  un buteur, alakisa yango mbala na mbala contre Mozambique, Gabon, Madagascar. Abeta ba matchs internationaux na Léopards na éliminatoire ya coupe d’Afrique na Nigeria (Congo-Brazzaville, Guinée Conakry) ; Lybie 1982 (Mozambique, Ghana) ;  na 1984, Léopards du Zaïre e participaki te esengaki forfait ; 1986  Egypte (Gabon, Congo-Brazzaville na Maroc). Eliminatoire ya coups du monde 1982 na Espagne (Mozambique, Madagascar, na Cameroun), Jeux d’Afrique centrale na Angola 1981(Cameroun, Gabon, Congo, Angola) Médaille d’Or.

Ndaya akenda na stages na Léopards na étranger : Uruguay, Argentine, Portugal, France Métropolitaine, la Réunion, Maroc, Congo-Brazzaville, Angola, Belgique na Allemagne.

Paix à son âme !

 

 

 

Ndeko Andochanga,

 

1. Nalandi pertinante observation osali. Na yango, nazali kotuna pourquoi olobi que yo ozali parmi les élites ? Elite azali nani ? Ndenge nini mutu akomaka élite ? Elite nini ozali kolobela au juste ? Pourquoi ozali ko généraliser ba élites nionso ya R.D.Congo ? Ba oyo bazali ba élites te babengami boni ?

2. Que faut-il faire pour sortir le pays de sa « torpeur morbide » ? Ba pistes ya solution ezali nini ?

3. Apport de Dieu na R.D.Congo ezali nini ? Est-ce que ko associer Dieu na makambu ya R.D.Congo ezali réaliste ? Si la réponse est oui, yango ekomemela biso nini  et comment faire pour y arriver? Qu’entendez- vous pas capacité spirituelle ?

4. Qui doit servir qui ? Et pourquoi mutu asalaka politique ?

 

Patriotiquement,

 

 

Emmanuel Kandolo

 

 

 

Ndeko Muan’a mangembo,

 

1. Natangi makambo ya mayele okomi, kasi tika nayebisa yo que nous n’arrivons pas à voir parce que nous ne voulons pas voir. Na moment oyo regard ya R.D.Congolais ezali wapi ?

2. Piège ezali te na makambo oyo ezali koleka na Kivu. Paul Kagame azali tout simplement ko mettre en pratique plan oyo azali na yango na mutu. Wuta Kagame akoma na pouvoir, Rwanda ezali kaka kozua importance na région ya Grands lacs mpe géopolitique internationale na ye ezali ko changer makambo ebele. Tomoni ndenge afukamisi France mpe ndenge azali interlocuteur ya ba américains. Yende asala Laurent Désiré kabila, Joseph Kabila, na Laurent Nkunda. Il est le faiseur et le tombeur des rois. Pour le moment, azali na elombe te en face mpo batu nionso wana bazali kondimela ye na nionso.

3. Tika ko réfléchir en terme de mandat démocratique selon mundele ! Démocratie ya mundele etambolaka na illettrisme te. Philosophie politique oyo etambolaka kaka soki véritable peuple azali ko exister mpe azali ko comprendre organisation des masses, revendications, préoccupations na démarche oyo eko mettre en action ba aspirations na ye. Na yango mpo a comprendre notion ya changement véritable oyo esalemaka na base, esengeli ayeba mukanda. Par ailleurs, na mboka na biso, tokanisaka que changement ewutaka na sommet mpe ekiti na base (mutu na nse, makolo likolo okotambola ndenge nini ? Ata omeki kotambola, est-ce que okokende mosika ?)!!!!

4. Comment s’appuyer na constitution soki indépendance ya justice ezali te ?

 

Patriotiquement,

 

Emmanuel Kandolo

 

 

Ndeko messager,

 

Merci ndenge otieli biso interview ya Papy Tex oyo commandant Dona Mobeti akomiseli yo. Nayoki yango mpe nalandi raisonnement ya Papy na oyo etali  ba objectifs artistiques oyo azali na yango mpe na façon oyo azali ko imaginer kosala ba nzembo mpona kosepelisa batu tout en prenant soins ya ko maintenir qualité ya ba œuvres ya Empire Bakuba. Biyano bia Papy na oyo etali insertion ya mabanga na cours logique ya nzembo ezali mpe kolakisa différence entre musicien oyo azali kosala musala ya musique na mayele mpe kokanisa na musicien oyo azali koyeba te que musala ya musique esengeli esala recours na réflexion avant ya kobamaba biloko ndenge wana.

Na point oyo etali leadership, ezali kokamuisa ngai ndenge Papy azali komonela makambo. Alobi que Empire Bakuba ekufa te ! Oui, nazali d’accord na ye dans la mesure où ye na Dilu Dilumona bapanza mouvement te, atako ba misusu bakende kosala musala na bango ngambo mosusu. Soki Empire ekufa te, elingi koloba que ba structures na yango ezali. Kasi pourquoi Papy azali koloba que public na ba journalistes oyo bayaki na ndule ya anniversaire ya liwa ya Pépé Kallé bandimaki mpe balobaki que ye azali leader ? Est-ce que bango nde ba décidaka qui doit ou ne doit être leader na Empire ? Ngai nabanzi que wana ezali kozanga kozala na bon sens puisque banda 1971, orchestre Empire Bakuba esala nzela na yango na batu misato : Kabasele Yampania « Pépé Kallé », Dilu Dilumona, na Matolu Dode « Papy Tex ». Soki moninga na bango azali lisusu te mpo aweyi, elingi koloba que na mibale oyo batikali, moko kaka nde esengeli akoma leader ? Soki ba statuts ya Empire Bakuba ezalaki koloba boye, mbele alingaki atangela biso yango.  Kasi eloko te ! Yango ezali komonana que ezali usurpation ya pouvoir. Nzela wana ya kowela ki leader yango nde eyaki kokabola ba musiciens ya Empire, Dilu azua décision ya kofanda na ndaku mpe sponsor Bralima akata contrat suite na ba excès na ye Papy na ndule Empire ekendeki kobeta na Bas-Zaïre. Bralima ebandaki ko reconnaître Empire comme émanation ya batu misatu. Tango Kallé akeyi, ekomaki évident que batu mibale nde esengelaki bazuaka ba décisions ensemble, kasi Papy akomaki kosala ndenge ye alingaki azala leader en s’accaparant ba pouvoirs ya batu mibale ! Résultat, Dilu akende kopesa Bralima lettre ya désengagement na ye na Empire, mpe Bralima ekata financement nionso mpo contrat elobaki malamu que esengeli sponsor a traiter na batu mibale oyo bazali kozua mikano na kombo ya Empire.  Lelo oyo, ata Empire e célébrer 10 ans ya  Kallé, yango ezali ko résoudre problème munene ya incompréhension oyo ezali kaka kokabola batu te. Esengeli nde Empire ezongela bonne organisation collégiale oyo esimbaka yango mbula na mbula en evitant kozua ba parts excessifs ya pouvoir ; ko s’autoproclamer leader ; ko ignorer rôle ya Dilu ; ko méconnaître contribution ya na nduliste oyo basali musala mpo Empire ekoma ndenge ekomi. Discours ya rassemblement esengeli e éviter ba propos du genre : ba oyo basali Empire d’un côté, ba oyo Empire esali de l’autre. Wana ezali ba propos qui dénotent un manque criant de subtilité de langage. Il faut savoir que mutu nde asalaka eloko. Jusqu'à preuve du contraire, soki empire ezali groupe te, dans ce cas, Papy a compter kaka sur ye moko. Abosana te que lisanga wana yango nde epesaki ye makoki ya kotangisa bana na ye na la Poupette, une bonne école privée, en face na collège Boboto. Lisanga yango mpe esalaki que azala na vie stable oyo abandaki ko mener na Kinshasa.

Papy azali kosala lecture ya réalité ba orchestres na biso na mikili malamu  te. Apparemment, neti ye leader azali na poto na ba musiciens mosusu, Empire ezali kofanda na poto. Erreur ! Base ya ba orchestres congolais ezali R.D.Congo. Empire esengeli ezala na Kinshasa. Kuna nde akozua possibilité ya sponsor ; kobeta chaque samedi na dimanche ; kobeta ba concerts à travers le pays. Soki ba musiciens bazali na mikanda oyo ekoki ko faciliter bango ba déplacements na mikili, wana bakoki koya tango nionso pona ba productions ou enregistrements. Nazali koloba boye mpo toyebi malamu que ba orchestres oyo efandaka na mikili ekokaka te, ba musiciens bazalaka mitelengano mpe ba ndule ebetamaka chaque samedi na dimanche te lokola na Kinshasa. Nasuki awa.

 

Patriotiquement,

 

 

Emmanuel Kandolo

 

 

 

 

Ndeko Messager,

 

Biso na R.D.Congo tozali ko ignorer kitoko ya mboka na biso. Nakotanga par exemple ba nuits calmes ya village, kolala na belle étoile, coucher ya soleil soki ozali na  fleuve, ba parcs na ba jardins miyike oyo tobebisa, charme ya tongo na village, etc.  Lelo oyo nini tokomona ? Esprit ya kolona ba nzebe oyo ebotaka mbuma elongua, mapango ekoma polele ezanga nzete ya madame ; manga ; mapela ; « confiture » ;  cocotie ; payipayi ; pakapaka ; etc. mpe  tozali kobosana que  lolenge oyo tozali kokata ba nzete yango nde ezali kobebisa écosystème,  esika ya kopema na mpiyo ezanga.

 

Mindondo ya koswana na mobali

Na mabala mosusu, toyokaka basi mosusu bamitungisaka mpo mibali bazalaka na zuwa te, babetaka bango te, bagangelaka bango te, tango bango basi bazali komeka kotala degré ya zuwa ya mibali na bango na ba provocations calculées. Basi misusu balobaka que soki mobali azali kobeta ou kogangela yo te elingi koloba que alingaka yo te! Yango wana soki mobali abeti ye, okomona ye wana akotambola na litutu wana na zando, wana batu oyo bayebi ye bakoloba mobali na ye azalaka na zuwa mingi. Par naïveté, toyokaka mingi na échanges ya civilités question oyo :  ozali kaka na mobali na yo wana ? Réponse : eh ! Réaction : en tout cas bowumeli eh !

 

Thimothée abangi makambo

Nzembo oyo ya Timothée, nasepelaka na yango mingi mpo na ndenge maîtresse ya Timothée azali  ko se plaindre mpe komitungisa na mpasi na motema na comportement ya ba camades na ye mpo bakeyi kofunda ye epayi ya épouse légitime ya Timothée. Azali ko comprendre te pourquoi acharnement oyo pendant que ba mêmes camarades na ye bazuaka mibali oyo bapesaka bango mingi ! Neti likambo oyo ezali ko risquer ekoma na matoyi ya muasi ya Timothée ya ndaku, Timothée azui mokano ya kokabuana na maîtresse na ye mpo alingi te muasi na ye ya ndaku ayeba likambo oyo.

Timothée azali genre ya mobali oyo amenaka vie extraconjugale na ye en cachette. Mibali misusu bazali ndenge wana. Balingaka te makambo bazali kosala pembeni ezala polele. Wango wana tomonaka, soki mobali azali kolanda muasi ou azali na makango na ye, souvent ayaka wana discrètement, atiki voiture na ye esika oyo ezali na rapport te na esika akotaka, alalaka jamais kuna mpe alingaka te makango na ye ayakoluka ye na musala, etc. Wana nionso mpo alingi te bamona ye que a tournaka mpe alingi te yango eyebana epayi ya muasi na ye ya ndaku. Mosusu akoyebisa makango dès les premiers jours ya ba relations que ameka ata mokolo moko te kosuanisa muasi na ye ya ndaku ou soki akutani na ye, ameka ata moke te kotombola  soupçons ou koluka ko rapprocher ye d’une manière ou d’une autre.  Akolinga te tango ayaka epayi ya makango, ba camarades ya makango bazalaka wana.

En revanche, pasi ya maîtresse ya Timothée mpe ezali sincère mpo alingi Timothée, kasi moyen relation e continuer lisusu ezali te puisque Timothée atiaka stabilité ya libala na famille na ye liboso ya maîtresse na bilengi ya amour extraconjugal. Oyo mpe ezali leçon dans le sens que basi misusu balingaka koyebisa ba camades na bango ba nzela na bango na nionso mobali azali kosalela ye en oubliant que kaka bango ba camarades moko wana sous influence ya zuwa mpo mobali ya moninga alingi ye makasi mpe azali loboko pete,  bakobebisela ye ba nzela na ye. Mokili ezali bongo !

 

Patriotiquement,

 

 

Emmanuel kandolo

 

 

 

Ndeko Messager,

 

 

Malheureusement, devoir de mémoire, tozalaka na yango te. Place ya Lumumba ezali wapi na société na biso lelo oyo?  Est-ce que Simon Kimbangu balobelaka ye comme il faut na mboka na biso? Soki totali malamu, église kimbaguiste eyebani na kombo koleka Simon Kimbangu. L.D.Kabila mpe tobosani. Toyebi que asalakaki malamu na mabe, Kasi lolenge babomaki ye, wana ezali intolerable. Lelo oyo, Congolais alembani kotuna ndenge nini babomi mokonzi ya mboka na esika oyo azali sense azala extremenent proteger (na ndaku na ye) ? Tee na propre muana na ye, alingi koyeba te mpona nini tata na ye babomaye ndenge wana. M’en fous, m’en fous. Ezali mawa mingi. Yango wana ekozala mpasi mpo nakoyeba nzela oyo esengeli tolanda mpo tolingi ko comprendre ba causes ya makambo oyo ezali koyela biso te.

 

Patriotiquement,

 

 

Emmanuel Kandolo

Pour être informé des derniers articles, inscrivez vous :

Commenter cet article

MUTOMBO CYRIL 07/02/2012 04:20


En lisant vos articles ,je me retrouve à l'école où je suis entrain d'apprendre l'histoire de mon cher pays,et aussi j'ai ifinement apprécié vos commentaires concernant l'orientation scolaire de
nos enfants vivant en europe,j'aurais en faire lire mes enfants ,malheuresement c'était en lingala.par ailleurs en afrique on dit:quand un vieux meurt, c'ést une bibliothèque qui flame.Pourquoi
ne souhaiteriez-vous pas écrire un livre sur les évenements que vous connaissez sur nôtre pays?ça sera vôtre humble façon de contribuer à l'édifice de la R.D.C,j'ose esperer que ce livre puisse
être écrit en français ,lingala,tshiluba,swahili et kikongo.Mes sincéres encouragements,je reste à vôtre disposition.  Cyril MUTOMBO.

Pascal Muanda Muanda 21/01/2010 16:45



Cher Monsieur Kandolo,
Comment vous vous portez?
Nous allons un peu revenir sur les eliminatoires Can 1980,tobetaki na Congo Brazaville 4-1,3 buts ya Lofombo na match aller pe retour topolaki 3-2,tolekaki po tobeta contre Guinee Conakry,ya
Bernard Sila,Moussa Camara,Papa Camara,Bengali Sila,Amara Toure,Sedouba Bangura...Match aller 3-2 na faveur ya Leopards pe retour topolaki 3-1 na Conakry.Ma question est celle ci,premiere
internationalisation ya Petit Santos Mutubile ezalaki contre Congo ou Guinee?
Beta nanu lisolo ya Jeu d Afrique Centrale ya 1981 na Angola.
Merci d Avance
Pascal Muanda Muanda



anaclet 14/02/2009 06:38

Nalingi na yeba soki Emmanuel Kandolo azali progeniture a Damien kandolo? Motuna  na ngai ezali ya curiosité te. Mingi ba sengi na yo okoma buku. Toyebi mpe mingikati ya ba congolais oyo bazalaki acteur direct na politique na biso bakoma mikanda te mpo na histoire na biso. Eyano na yo ekokotisa sérénité na masolo na biso. Mbote mpe limemiya mpo na makomi ma yo.

Claude Kangudie 19/01/2009 01:45

Mbote mingi ndeko Emmanuel Kandolo. Nalingaki na corriger muke partie ya article na yo oyo etali Ndaya Muteba dit "empire mukuba wa Mbelenga". Empire est arrivé au football dans les mêmes circonstances que Kabasubabu Balanganayi dit "babo, brésilien". C'est à dire l'armée. Ndaya jouait dans FC Police, équipe de la police. Equipe ya ba soldats mpe ezalaki na Mbuji-Mayi, kombo na yango ezalaki Molunge. Ndaya aye kokota na SM Sanga Balende, Balenda ba Mpibua, na 1972. Voilà année ya arrivée ya Ndaya Muteba, autrement dit Dianda dia Kazembe. Na oyo etali fondation ya SM Sanga Balende nakoki koloba boye: liboso Sanga Balende na AS Bantou ya Mbuji-Mayi ezalaki equipe moko. Bokabuani na bango ewutaki na mésentente entre baluba oyo bayaki na Luluabourg na ba oyo bawutaki Elisabeth-ville (Lubumbashi). Baluba oyo bawutaki Luluabourg, basalaki FC Diables Rouges (actuel AS Bantou) avec comme joueurs vedettes Kabeya Sotcho na Tshabuta dit Ebouende. Baluba oyo bawutaki Lubumbashi, basalaki équipe ya Union Infanterie de Mbuji-Mayi, l'actuel Sanga Balende, avec comme joueur vedete Kanyinda Buanga wa Tshimbela entre autres. Jusque dans les années 80, langue officielle ya Sanga Balende ezalaki swahili. Fondateur ya Sanga Balende eyebani que ezali Jonas Munkamba. Mwela ezali bantu oyo bazalaki na staff. En ce qui concerne tango Sanga Balende akendeki Libreville, moto oyo azalaki président na tango wana, ezalaki Ngoyi Tshiangola dit Tshiangolard. Voilà na suki awa mpo na lelo. Je reviendrai prochainement.